Skip to Content

Actividades Complementarias e Extraescolares

25 de novembro, día internacional contra a violencia de xénero

Por que celebramos este día nesta data?

A data do 25 de novembro elixiuse para conmemorar o violento asasinato das  irmás Mirabal, tres activistas políticas asasinadas o 25 de novembro de 1960 pola policía secreta do dictador Rafael Trujillo na República Dominicana.   

Por que é importante darlle visibilidade?

POR DESGRACIA, OS ASASINATOS A MULLERES SEGUEN OCORRENDO E ÁS VECES POR PARTE DAS SÚAS PARELLAS OU EXPARELLAS.

 Actualmente, o confinamento nesta situación de pandemia fixo que milleiros de mulleres convivan cos seus agresores, vivindo 24 horas co seu maior inimigo. Os maltratadores víronse impunes ante unha situación dominada por eles, xa que o encerro dificulta ou impide as relacións fóra do fogar e a posibilidade de poñer unha denuncia. Ademais, a nivel psicosocial a corentena ten efectos nocivos sobre a vida mental das persoas, sendo unha situación ideal para que os maltratadores poidan exercer o abuso e a violencia con maior facilidade cara as persoas do seu redor.
Por iso, cómpre que todo a sociedade lle poña freno a isto e a todo tipo de violencia denunciando as situacións de maltrato.

Por que portamos o lazo morado?

Existe unha teoría que di que a cor morada do lazo débese a que representa a aquelas mulleres de principios do século XX que foron vítimas das accións violentas do dono da compañía textil Cotton New York, onde traballaban.

Eran 129 mujeres costureiras que se declararon en folga e víronse atrapadas polo lume, iniciado polo propio dono. Neses días, estaban traballando con teas de cor morada e asóciase a traxedia a ese ton.

Unha versión máis poética do drama di que o fume que saía da fábrica en chamas era de cor violeta e que podía apreciarse dende kilómetros de distancia.

Outra teoría di que a combinación da cor rosa e a azul, que simbolizan o feminino e o masculino, dá por resultado un ton lila do lazo morado. E así afirman, é como debería verse á sociedade, como unha mestura de cores e non como dúas cores diferentes.

Vede este conto de Palmira Castro:

https://defronte.gal/portfolio/sira-e-a-illa/

20 DE NOVEMBRO: Día Universal Da Infancia

É un día de celebración polos avances conseguidos, pero sobre todo é un día para chamar a atención sobre a situación dos nenos e nenas máis desfavorecidos, dar a coñecer os dereitos da infancia e concienciar ás persoas da importancia de traballar día a día polo seu benestar e desenvolvemento.

 

Que fixemos este ano 2020?

Coñecimos os dez dereitos e os entendimos. Recoñecimos a súa importancia. 

Partimos da ilustración sobre a Declaración dos Dereitos da Infancia que Quino, tristemente desaparecido o 30 de setembro, fixo de Mafalda en 1979 para UNICEF.

Entón, cada nivel preparou un dereito, reformulou as viñetas de Mafalda e…como representante de cada grupo clase, velaquí vai a nosa ilustración sobre a Declaración de Dereitos da Infancia coa nosa amiga Mafalda. 

Temos dúas versións, a dos grupos A+ Mestres/as e a dos grupos B +2ºC.

DEREITO 1: Dereito á Igualdade, sen distinción de raza, relixión ou nacionalidade.

DEREITO 2: Dereito a unha protección especial para que poidan crecer física, mental e socialmente sans e libres.  

DEREITO 3: Dereito a ter un nome e una nacionalidade.

DEREITO 4: Dereito  a una alimentación, vivenda e atención médica axeitadas.

DEREITO 5: Dereito á educación e atención especiais para os nenos física ou mentalmente diminuidos.

DEREITO 6: Dereito á comprensión e amor por parte das familias e da sociedade.   

DEREITO 7: Dereito a una educación gratuita. Dereito a divertirse e xogar.

DEREITO 8: Dereito a atención e axuda preferentes en caso de perigo.

DEREITO 9: Dereito a ser protexido contra o abandono e a explotación no traballo.

DEREITO 10: Dereito a recibir una educación que fomente a solidariedade, a amizade e a xustiza entre todo o mundo

Galería dereitos

Preme na imaxe para acceder á galería

[http://www.edu.xunta.gal/centros/ceipwenceslaocorunha/galeria/displayimage.php?album=54&pid=776#top_display_media]

 

 

Dis que din... é Samaín!! 2020

DIS QUE DIN… É SAMAÍN!! 2020

Os nenos e nenas de 1º A traballaron moito nun programa do Concello facendo….que?

Mirade paso a paso cada foto e a ver se adiviñades que están facendo.

Confeccionaron os seus disfraces de…

TERRORÍFICOOOOSS!!!

 

Samaín

Samaín

Conmemoracións da 1ª avaliación

As conmemoracións que se recollen no artigo 8 da Orde do 25 de xuño de 2020 pola que se aproba o calendario escolar para o curso 2020/2021 nos centros docentes sostidos con fondos públicos na Comunidade Autónoma de Galicia e que celebraremos no colexio na 1ª avaliación son as seguintes:

  • 20 de novembro de 2020: Día Universal da Infancia.
  • 25 de novembro de 2020: Día Internacional contra a Violencia de Xénero.
  • Do 30 de novembro ao 7 de decembro de 2020: conmemoración da Constitución e do Estatuto de autonomía de Galicia.
  • 3 de decembro de 2020: Día Internacional das persoas con Discapacidade. 
  • 10 de decembro de 2020: Dia da Declaración Universal dos Dereitos Humanos.

Por mor da situación sanitaria actual, non colgaremos carteis alusivos a estas datas nos corredores, pero si colgaremos actividades na páxina web. Non celebraremos ningún festival nin data sinalada a nivel centro coma antes, senón nos grupos estables de convivencia e contemplarase a posibilidade de gravar ou fotografar algún traballo de cada grupo para que os demais o vexan a través da nosa páxina web. 

AGRADECEMENTO DA POLICÍA NACIONAL E MATERIAL SOBRE MOVILIDADE SEGURA.

O centro, un ano máis, participou no programa Plan Director impulsado pola Policía Nacional durante este curso tan atípico. 

Por isto, o corpo de policía lémbranse do noso alumnado e queren agradecerlles a súa comprensión e comportamento exemplar durante esta crise sanitaria a través deste vídeo: 

 

 

Por outro lado, dende STOP ACCIDENTES e a ANCAS, achégannos uns pasatempos para que de maneira lúdica podades traballar distintos aspectos de movilidade segura. 

Esperamos que vos gusten!

"FESTIVAL" DE FIN DE CURSO 2020

Como este ano non puidemos despedirnos coma sempre, o alumnado maior do colexio, os de 6º A e 6º B , fixeron a letra da canción ”Acuarela“ de Toquinho para todos vós.

 

Deixámosvos unha versión instrumental e a letra. Podedes cantala nas vosas casas!

 

ACUARELA. 6º A e B. CEIP PLURILINGÜE WENCESLAO FERNÁNDEZ FLÓREZ. XUÑO 2020.

AQUÍ ESTAMOS OS SEXTOS CANTANDO E BAILANDO NA CASA

E NUNCA ESQUECEREMOS AS FESTAS, MAGOSTOS, CABAZAS.

POIS O CORONAVIRUS QUITOUNOS PODER DESPEDIRNOS

DOS NOSOS COMPAÑEIROS, DOS MESTRES E DOUTROS AMIGOS.

ESTE ANO FOI RARO, TIVEMOS QUE IRNOS EN MARZO.

NON PUIDEMOS BICARNOS, NIN DARNOS APERTAS NIN CASE FALAR.

NOVE ANOS NO MEU WENCES

NOVE ANOS MOI FELIZ!

RISAS, XOGOS E TRABALLOS

PARA CHEGAR ATA AQUÍ.

NO COLEXIO EU TEÑO MOI GRANDES AMIGOS

E ALGÚNS DELES XA NON OS VEREI.

NOVE ANOS NO MEU WENCES

NOVE ANOS MOI FELIZ!

RISAS, XOGOS E TRABALLOS

PARA CHEGAR ATA AQUÍ.

AÍNDA QUE EU ME VAIA DESTE COLEXIO

NO MEU RECORDO SEMPRE ESTARÁ

SEMPRE ESTARÁ

AQUÍ ESTAMOS OS SEXTOS CANTANDO E BAILANDO NA CASA

SEMPRE ESTARÁ

E NUNCA ESQUECEREMOS AS FESTAS, MAGOSTOS, CABAZAS

SEMPRE ESTARÁ

….

SEMPRE ESTARÁ

…..

SEMPRE ESTARÁ

….

SEMPRE ESTARÁ

  

 

 

ATA SEMPRE, AMIGOS/AS DO COLEXIO WENCESLAO!!

  

 

DÍA DE EUROPA 2020

O 9 de maio de 1950, Robert Schuman, Ministro francés de Asuntos Exteriores, presentou a proposta denominada "Declaración Schuman" , para a creación dunha Europa organizada sobre unhas bases políticas comúns que buscaban unhas relacións pacíficas permanentes entre os diferentes países europeos.

Esa Declaración, en principio dirixida ás relacións entre Francia e  Alemaña e á creación da Comunidade Europea do carbón e do aceiro, sentou as bases do que hoxe é a Unión Europea.

Na Cumbre de Milán de 1985, en ocasión do centenario do nacemento de Schuman, a Comisión Europea decidiu designa-lo 9 de maio como Día de Europa.

 

A melodía que simboliza á UE procede da Novena Sinfonía composta en 1823 por Beethoven, que decidiu poñer música á "Oda á Alegría" escrita por Schiller en 1785. Expresa a visión idealista da fraternidade entre os seres humanos, visión que Beethoven compartía.

En 1972, o Consello de Europa convirtiu o tema da "Oda á Alegría" de Beethoven no seu himno.

En 1985, foi adoptado polos dirixentes da UE como himno oficial da Unión Europea. 

O himno tócase nas cerimonias oficiais da Unión Europea e, en xeral, en tódolos acontecimientos de carácter europeo.

ESCOITADE UNS EXEMPLOS DO ALUMANDO DE 6º!! QUE ARTISTAZOS!!! GRAZAS POR PARTICIPAR!!

2 DE MAIO: DÍA INTERNACIONAL CONTRA O ACOSO ESCOLAR

Dende o ano 2013 celébrase o 2 de maio o Día Internacional contra o Acoso Escolar.

Para que poidamos vivir en harmonía e detectar se os nenos/as o sofren, parécenos interesante a consulta da páxina web de Educonvives.

Concretamente, extraemos desa páxina web a seguinte información de interese: 

  • Liña de axuda a infancia.  Teléfono: 116 111. A liña de axuda á infancia é un servizo para todos os nenos e nenas que nalgún momento se sintan maltratados por outra persoa, necesten axuda ou queiran falar sobre os problemas que lles afectan.

Propoñémosvos para estes días o visionado dalgunhas peliculas e cortos que parécennos axeitados para traballar o tema: 

Axeitada para todos Axeitada para o 3º ciclo de EP

 

Corto: "No jueges conmigo"

 

 Corto: "Se buscan valientes"

 

Esperamos que vos gusten!

DÍA INTERNACIONAL DA SAÚDE E A SANIDADE PÚBLICA

Cada ano, o 7 de abril, celébrase o Día Mundial da Saúde para conmemorar o

nacemento da ORGANIZACIÓN MUNDIAL DA SÁUDE (OMS) O 7 de abril de 1948.

Cada ano elíxese un lema diferente, invitando á toda a sociedade e ás institucións a loitar contra un problema de saúde.

Este ano 2020 o lema é: “Apoiemos ao persoal de enfermería e de partería”.

TODOS XUNTOS PODEMOS!! QUEDA NA CASA!!

FELIZ DÍA DA SÁUDE A TODOS OS QUE A TEMOS!! PERO SOBRE TODO ÁS

PERSOAS QUE NON A TEÑEN!! MOITA FORZA E ÁNIMO!!! VÓS PODEDES!!

DÍA DA PAZ 2020

O pasado xoves 30 de xaneiro conmemoramos no centro o Día Internacional da Paz e a non Violencia. 

Foi un acto moi sinxelo pero moi emocionante para todos xa que puxemos unha "primeira peza" no noso banco para a Paz e enchemos o patio de pombas brancas que nos levan a ese banco cando temos un conflicto, precisamos axuda ou simplemente unha aperta.

Despois fixemos un mural humano formando as letras e o símbolo da paz e rematamos cantando e bailando todos xuntos a canción "We are the world".


Esperamos que agora vós disfrutedes tanto coma nós!

 

Distribuir contido


by Dr. Radut