Actividades no centro

Día de Rosalía

Mar, 27/02/2024 - 18:57 — admin

O venres 23 de febreiro celebramos o Día de Rosalía, o día no que naceu a nosa ilustre poeta Rosalía de Castro.

Este ano 2024, cúmprense 187 anos do seu nacemento e o alumnado voluntario da biblioteca quixemos honrala indo á estatua que hai no noso barrio, pero o mal tempo impedíunolo. Aínda así, limos e cantamos versos dela na nosa biblioteca: “Paseniño paseniño”, “Namorados” e “Negra sombra”.

Ademais, catro voluntarios/as de cada clase dende 3º a 6º foron ler poemas aos máis pequenos. Gozaron moito coas lecturas!

VIVA ROSALÍA!

Día de Rosalía

Álbum de fotos Entroido 2024

Ven, 16/02/2024 - 14:27 — admin

Álbum Entroido 2024

Magosto 2023

Mar, 14/11/2023 - 19:04 — admin

NO MAGOSTO DESTE ANO 2023 PASÁMOLO XENIAL!!!

COMEMOS RICAS CASTAÑAS, XOGAMOS A SEIS XOGOS POPULARES MOI DIVERTIDOS COS NOSOS/AS COMPIS E BAILAMOS A MUIÑEIRA “E POUSA POUSA” DE UXÍA LAMBONA E A BANDA MOLONA TODOS XUNTOS NO PATIO!!!

GRAZAS ÁS FAMILIAS POR AXUDAR NESTA NOSA TRADICIÓN POPULAR TAN SENLLEIRA.

ÁLBUM DE FOTOS

Preparando o Magosto 2023

Xov, 02/11/2023 - 16:51 — admin

Benqueridas familias!!!

Temos o pracer de darvos unha boa nova:

VOLVE O MAGOSTO!!!

O venres 10 de novembro asaremos castañas no colexio e comerémolas no patio.

Tamén faremos un baile e xogaremos a xogos populares.

Solicitamos de novo a vosa colaboración para:

- Traer unha morea de castañas PICADAS durante os días 8, 9 ou 10.

- Durante eses mesmos días teñen que traer tamén un castañeiro feito na casa co nome e curso posto para gardar as castañas e as cascas. Dámosvos a continuación unha idea de como facelo: Necesitades un brick de leite baleiro e limpo, cortado pola metade tal e como se indica no debuxo. (Podedes facelo sen cortalo nun lateral para poder dobralo). Non esquezades o cordón para poder colgalo do pescozo e ter as mans libres para poder comer moitas castañas!! Forrádeo e decorádeo como vos guste!!

Castañeiro

MOITAS GRAZAS DE ANTEMÁN POLA VOSA COLABORACIÓN.

Equipo de Dinamización da Lingua Galega. CEIP Plurilingüe Wenceslao Fernández Flórez.

Samaín 2023: as cabazas van ao cine!

Mar, 31/10/2023 - 14:55 — admin

Ao noso colexio viñeron unhas cabazas ao cine e representaron varios personaxes de distintas películas: Nemo, Mavka, Frankenstein, Olaf, Cincenta, E.T., Os piratas do Caribe, Stitch, Coco, Monsters, Os Minion, Spiderman, Hulk, Peppa Pig, Charlotte, indios, vampiros, Angry birds, Star Wars, Pesadelo antes de Nadal, Pokemon, Maléfica... e ben acompañados de flocos de millo, cámaras, claquetas...

Buscade máis personaxes e máis pelis!!

ESCENA 1, TOMA 1....CLACK!!!

GRAZAS, FAMILIAS!!!

Álbum de fotos

Samaín 2023

Mér, 18/10/2023 - 17:31 — admin

Genially Samaín 2023

Festival Día das Letras 2023 (íntegro)

Mar, 23/05/2023 - 18:31 — admin

Festival do Día das Letras 2023 con todas as actuacións.

Festival Letras Galegas 2023

Lun, 22/05/2023 - 12:31 — admin

Aquí tedes un resumo do festival do Día das Letras.

Unha Galaxia chea de Letras Galegas

Ven, 19/05/2023 - 16:43 — admin

O xoves 18 de maio, co gallo da celebración das Letras Galegas, Caxoto veunos contar uns contos sobre a importante figura á que se lle adica este ano 2023: FRANCISCO FERNÁNDEZ DEL RIEGO. Xunto a el están outros escritores/as que escintilan coma estrelas nesta Galaxia, nome da editorial que fundou.

Importante é salientar que se celebramos este día o 17 de maio é grazas a el dende o ano 1963. Sesenta anos da nosa festa das letras!!

Pasámolo xenial e aprendemos moito!

Caxoto

Súbete ao tren do noso barrio!

Ven, 31/03/2023 - 10:53 — admin

ATENCIÓN, FAMILIAS!!!

Retomando o proxecto do ano pasado “Antigos costumes”, que foi unha pasada, este ano continuámolo, pero relacionándoo máis co tren e co barrio.

Entón, pedimos a colaboración dos avós, avoas, tíos/as, amigos/as, pais, nais, veciños/as... para que veñades ao colexio a contarnos lendas, contos, cancións ou vivencias relacionadas co tren, co noso barrio ou con Galicia en xeral, coma o ano pasado en galego.

Este curso podemos facelo de forma presencial ou virtual, como prefirades. Mandade as vosas propostas, vídeos ou suxerencias a wencescogalego@gmail.com.

Se é de forma presencial, buscaremos un día e hora.

REMATA O PRAZO O 12 DE MAIO.

MOITAS GRAZAS!! ANIMÁDEVOS A PARTICIPAR!!

Equipo de Dinamización da Lingua Galega do CEIP Plurilingüe Wenceslao Fernández Flórez.