Actividade concello

FOOTGOLF

Mér, 2023-04-26 11:37 — cris

Onte as nenas e nenos de 5º e 6º de Primaria foron a experimentar FOOTGOLF ao campo do Pit&Putt Ourense, ubicado no Fonsillón.

Trátase dunha modalidade deportiva que mestura o golf e o fútbol. As normas e o campo son de golf pero xógase cun balón de fútbol embocándoo en ocos grandes de 53cm de diámetro. O encargado da explicación foi Roberto López Nogueiras, xogador seleccionado con España para disputar o Mundial de Orlando 2023.

Unha actividade novidosa e entretida que deu a coñecer ao noso alumnado un novo deporte.

Grazas ao Concello de Ourense por darlle a oportunidade ao noso colexio

CONTACONTOS IGUALDADE

Ven, 2023-03-10 23:02 — cris

Esta mañá, para rematar a nosa semana da muller, o alumnado de Educación Infantil e 1º de Primaria disfrutou do contacontos "A pequena gran inventora".

Actividade ofertada polo Concello de Ourense e realizada pola agrupación Trémola Teatro

ECONTROS CO AUTOR

Xov, 2023-03-09 14:36 — cris

Os alumnos/as de 5º de primaria, xunto con outros colexios, participaron no programa de animación á lectura: Encontro co Autor, "A Gruta da Torre" de Lois Pérez.

Organiza o concello de Ourense.

Os nenos/as fixeron traballos e interpretacións e agora encóntranse co escritor.

Educación vial

Lun, 2023-02-27 12:04 — cris

As nenas e nenos de 1º de Primaria desfrutaron dunha actividade de educación vial orgranizada polo Concello de Ourense.

Entre outras cousas realizaron un contacontos, circularon pola aula como vehículos e peóns, xogaron, completaron un crebacabezas con sinais de tráfico e recibiron como agasallo unha lámina para colorear.

ENCONTRO INTERXERACIONAL NA RESIDENCIA DE O VISO

Mar, 2023-02-07 19:44 — salial

O alumnado de 6º de EP comparte actividades e xogos cos maiores da Residencia As Salinas de O Viso.

Fixemos entre todos uns gorros de Cheff para adiantar os disfraces de Entroido, tamén participamos nunha sesión de ximnasia e nun obradoiro de música cantamos todos xuntos varias cancións acompañando con instrumentos tradicionais galegos.

Tamén tocamos a Oda a Alegría de Beethoven coa frauta e bailamos Terra de Tanxugueiras. Unha xornada chea de emocións onde o que primaba era acompañar aprender xuntos e pasalo ben.

Actividade promovida polo Concello de Ourense.

A TVG emitindo a noticia

Galería de imaxes

Carreira de San Martiño 2022.

Mar, 2022-11-22 12:58 — cris

O pasado domingo desenvolveuse a XLV CARREIRA PEDESTRE POPULAR DO SAN MARTIÑO e por suposto as nenas e nenos do colexio estiveron presentes.

O Concello premiou a todos os participantes cunha medalla.

Aquí están algúns dos nosos campións e campionas, aínda que houbo moitos máis aos que o catarro non lles deixou asisitir.

Publicado o listado definitivo de axudas para libros de texto, material escolar e comedores escolares curso 2021/2022.

https://ourense.gal/gl/actualidad/listado-definitivo-de-cualificacion-dos-expedientes-de-axudas-para-libros-e-comedores-escolares

Este martes 3 de xuño o alumnado de terceiro acudiu á Aula da Natureza de Oira para participar na actividade “Caderno de campo”, da man de Stella Estrada, da Concellaría de educación de Ourense.

O primeiro que fixeron foi aprender a distinguir entre ver e mirar, co obxectivo de facer un estudio polo miúdo dunha árbore autóctona: o carballo ou Quercus robur, como di a comunidade científica.

Descubriron que era aquilo das familias das árbores, analizaron as súas particulariedades e puxeron en acción todo o aprendido no propio bosque forestal de Oira.

Foi unha xornada moi motivante que os deixou con gañas de seguir investigando!

O martes 9 de abril tivemos no cole un obradoiro de hixiene bucodental, organizado polo Concello de Ourense.

O nutricionista Joel Campelo deulle ao alumnado numerosos consellos para seguir cando limpamos os dentes. Rompeu certos falsos mitos e recalcou a importancia de limpar os dentes como prevención de futuras enfermidades bucodentais.

O 27 de marzo tivemos no cole a actividade TI CONTAS, organizada polo Concello de Ourense, sobre a prevención de incendios forestais.

Inma Soto achegou ao alumnado a este tema tan relevante a través de tres interesantes actividades. Comezou contando un conto, no que o corzo Xuri tiña que fuxir do lume en compañía dos seus amigos. Despois, os nenos e nenas convertéronse en auténticos xornalistas escribindo unha noticia sobre un incendio no bosque. Por último, saímos ao patio e gozamos dun xogo na natureza onde tiñamos que ter atentos os cinco sentidos.