blogue desalial

AGORA QUE SE ACHEGA O #25N

Mér, 2023-11-22 18:13 — salial

O día 25 de Novembro celébramos o día contra a violencia de xénero.

Compartimos algunhas actividades que fixemos.

Educación Plástica e Visual- Mural colaborativo co alumnado de 6º EP

Música e E. Física Erre zenituzten-Danza. Homenaxe a todas as persoas adiantadas á súa época que sufriron a persecución, a violencia e a discriminación.

Aula de música: Titorial para facer unhas auténticas vasoiras de bruxa:

Charlas e presentacións a cargo do equipo de benestar e convivencia. Enlace

Engadir novo comentario.
503 lecturas

CREAMOS CON CARTÓN E MATERIAL DE REFUGALLO

Sáb, 2023-11-11 20:40 — salial

ESCOBAS DE BRUXAS NO 25N

Para homenaxear o día contra a violencia de xénero preparamos unha danza éuscara "Erre Zenituzten" que é un canto á liberdade e un himno á diversidade. As bruxas da nosa danza representan a todas as mulleres libres que foron perseguidas e maltratadas por ser valientes, bravas e únicas.

Para a danza precisabamos unha vasoira e construímos unha. Aquí vos deixamos os pasos para facer unhas auténticas vasoiras de bruxa:

CESTIÑOS DE CASTAÑAS

O Magosto é unha festa de xogos, lume e castañas.

Despois dunha sesión de xogos tradicionais, chegaron os bolos preñados e un castañeiro asou as castañas no patio.

Para comelas quentiñas e deixar ben limpo o polideportivo, tiñamos preparados uns cestiños portacastañas. O noso deseño tiña dous lados, un para as castañas e o outro para as cascas.

Festa si, pero con conciencia ecolóxica!

Engadir novo comentario.
113 lecturas

A CONTAR NO SAMAÍN

Mar, 2023-10-31 12:54 — salial

1, 2, 3... A contar no Samaín

Esta actividade plástica e visual, intégrase no PDI do centro "Un, dous, tres... a contar outra vez". O alumnado de 6º EP, elixiu un personaxe dos recursos documentais da biblioteca escolar (libros, vídeos, revistas, xogos ...) e converteuno nun ser tenebroso do Samaín

A Carapuchiña Vermella, o Gato de Chesire de Alicia, O Gato con Botas, Vítor Van Dort... personaxes fantásticos vestidos e maquillados para dar moito medo.

Os debuxos están feitos sobre cartón e colgámolos dunha gran tea de araña.

Engadir novo comentario.
48 lecturas

OBRADOIRO DE BOOKTRAILERS

Sáb, 2023-10-28 11:08 — salial

Lectura e creación audiovisual

Roi Guitián, guiou ao alumnado de 5º neste reto: gravar e editar o trailer dun libro.

Os pasos que seguimos foron os seguintes:

-A rapazada, en grupos de 3 ou 4 escolleron un libro e fixeron un storyboard (debuxando e/ou escribindo o que querían gravar).

A continuación fixeron a gravación coa tablet en diferentes escenarios do centro e logo editaron o vídeo coa aplicación CapCut. Se fas click nos elementos interactivos poderás visualizar os 6 booktrailers.

Estes son os primeiros booktrailers pero seguro que virán moitos máis!

Engadir novo comentario.
189 lecturas

MENÚ ESCOLAR DO CURSO 2023-2024

Mar, 2023-10-17 00:00 — salial

Fai clic en cada menú para ver a imaxe ampliada

SETEMBRO E OUTUBRO

vegetables

Engadir novo comentario.
170 lecturas

OBRADOIRO STEAM CON PAOLA GUIMERÁNS

Mar, 2023-09-12 17:09 — salial

Obradoiros con Paola Guimeráns, experta en Deseño, Téxtiles intelixentes e ensinanzas STEAM.

Desenvólveronse 3 talleres nos que as rapazas e rapaces crearon circuítos, camisetas intelixentes e cómics interactivos partindo do proceso de "deseñar facendo".

1- Comezamos con Circuitos en papel, o alumnado de 4º fixo circuítos eléctricos con papel condutor e un LED, co que iluminou unha casiña construída con papiroflexia.

2- Placa Make Makey. En 5º programaron con scratch e deseñaron un cómic interactivo.

3- Microbit e Make Code neste obradoiro a rapazada de 6º deseñou unha camiseta con luces, música, detectores de temperatura... traballando en equipo, creou programas sinxelos descubrindo as posibilidades da placa microbit.

Este obradoiro enmárcanse no proxecto Biblioteca Creativa

Engadir novo comentario.
241 lecturas

LETRAS GALEGAS 2023

Ven, 2023-05-19 22:38 — salial

Francisco F. del Riego. Escritor, xornalista, editor, profesor e político

exposicion LG 2023

O alumnado de 6º ilustrou estes cartaces na conmemoración desta data resaltando a faceta de Don Paco como gran escritor, editor, xornalista, divulgador, colaborador da BBC e como gran defensor da lingua galega.


Sulamita e Dani	Marco, Mateo, Dacosta e Benja

Carla, Carlota e Saray	Ezequiel, Sergio, Pablo e Pedro

Candela, Helena, Sofía, Xiana e Yosué

Engadir novo comentario.
114 lecturas

A SEDA E OS SEDEIROS DE GALICIA

Ven, 2023-05-19 21:09 — salial

Clase de historia e ciencias - A seda, orixe, historia e fabricación.

Pepe Vieito achegouse ao cole a falarnos da seda. Comezou cun breve percorrido pola historia da seda, a ruta da seda, a chegada da seda á península, do gremio da sedaría en Monforte, do ciclo vital dos vermes e da fibra que se obtén.

Contounos que a industria da seda foi introducida en Galicia, polos monxes beneditinos na Ribeira Sacra no s. XIV e que os condes de Lemos impulsaron esta arte de luxo.

Dos vermes de seda tamén aprendemos moitas cousas, a súa vida curiosa e breve, a súa fame voraz e selectiva (só follas de moreira), a obtención da seda...

Algo que nos sorprendeu a todas/os foi saber que os vermes xa non son quen de sobrevivir en liberdade, ao levar tantos séculos sendo alimentados e coidados, esqueceron o seu instinto de supervivencia.

Para saber máis lede este artigo de Pepe publicado na Revista Raigame núm XVIII "O cultivo da seda en Galicia"

Os Maios

Dom, 2023-04-30 15:37 — salial

Durante esta semana o alumnado de 6º trouxo flores, fiuncho, xestas e fento e decoraron o Maio. Tamén escribiron coplas.

Música: Maios- Habelas Hainas

COPLAS DOS MAIOS 2023

As árbores alimentan en LSE

Mar, 2023-03-21 20:53 — salial

Poesía en Lingua de signos

O alumnado de 3º signa e recita o poema "As árbores alimentan" en Lingua de Signos, un poema saboroso do libro "Poemas con piruleta" de Carlos Fontes.

As árbores dannos madeira, combustible, alimento, fermosura, menciñas, son o fogar de moitos animais... e tamén nos dán os versos deste poema co que aprendemos a signar as árbores froiteiras e os seus froitos en lingua de signos.