2014/2015
Curso 2014/2015
ADOPTA UNHA MASCOTA DE CONTO (2 - 04 - 2016 Día do Libro Infantil)
Para conmemorar o Día do Libro Infantil que se celebra o 2 de abril por ser a data na que naceu Hans Christian Andersen, GALIX (Asociación Galega do Libro Infantil e Xuvenil) cada ano convoca un concurso relacionado con esta literatura no que participamos en colaboración coa Biblioteca Pública Municipal de Sober.
O concurso deste ano foi "Adopta unha mascota de conto" no que os nenos e nenas tiñan que debuxar una animal que aparecese nun libro que leran e dar os motivos polos que o adoptaría.
Deixámosvos un vídeo cos seus debuxos e os seus motivos para que vexades canto traballaron:
XA RECIBIMOS O NOSO PREMIO
HOXE RECIBIMOS O PREMIO DO CONCURSO DE CONTOS!!
Mirade que contentos os nenos co seu agasallo:
Na nosa tablet nova xa podemos disfrutar do conto premiado:
Aquí tedes aos gañadores coa tarxeta agasallo de 1.500,00 €
MOITAS GRAZAS A RECICLÓN!!
RECOÑECEMENTO AOS MELLORES LECTORES
Os mellores lectores, ou polo menos, os que máis libros en préstamo levaron da nosa biblioteca; recibiron un agasallo.
Aquí están recollendo os seus premios. Esperamos que o próximo ano sigades lendo tanto ou máis!!!
UN DÍA EN EL BOSQUE
Pues aquí tenemos el resultado del concurso Un bosque de cuento!!!
Orgullosísima de los alumnos de 1º y 2º y agradecida a todos los que nos habéis votado y dado vuestro apoyo!!
Agradecida también al jurado que ha decidido que nuestro cuento fuese el ganador del concurso!!
De nuevo os dejamos el enlace para que podáis leer el cuento con el que han ganado:
Un día en el bosque (1º y 2º de Primaria)
DESDE O MAR Á FARMACIA - 3º E 4º DE EDUCACIÓN PRIMARIA
Por última vez neste curso, hoxe veu a visitarnos María Isabel Nieto Prieto, farmacéutica en Sober.
Esta vez foron os alumnos e alumnas de 3º e 4º de Primaria os que escoitaron atentamente a charla científica axeitada ao seu nivel de coñecemento sobre produtos naturais de orixe marítimo con actividade farmacolóxica: "Desde o mar á farmacia"
Durante este charla divulgativa o alumnado tivo oportunidade de descubrir moitas datos sobre a investigación en laboratorios, e a continuación puideron dialogar, preguntar, aclarar dúbidas...directamente coa nosa ponente; incluso reflexionar sobre que eles poden ser futuros investigadores .
Tamén puideron levar a cabo unha actividade práctica: elaboración de Sales de baño para o que tiveron que seguir correctamente as nocións e as medidas indicadas por María Isabel tanto no proceso de elaboración como no envasado e etiquetado achegándose así ao método científico.
Aos nenos e nenas gustoulles moito observar os exemplares de algas e outras especies mariñas disecadas que María Isabel nos trouxo.
Só nos queda agradecerlle a nosa farmacéutica particular a súa xentileza á hora de compartir con nós a súa sabiduría e o seu tempo.
MOITAS GRAZAS E ATA O PRÓXIMO ANO!!
QUE PASOU?
Co gallo das Letras galegas propuxémoslles aos alumnos de 3º e 4º de Primaria que se convertiran en escritores a través da seguinte actividade de creación literaria: QUE PASOU?
A partir da ficha que podedes ver cada neno ou nena, tiña que inventar unha historia e ilustrala cun debuxo.
Clicando na portada do libro que tedes abaixo poderedes ver todas as ilustracións e ler as historias correspondentes:
LETRAS GALEGAS 2015: XOSÉ FILGUEIRA VALVERDE
Este ano, o día das Letras Galegas está adicado a XOSÉ FILGUEIRA VALVERDE.
Para coñecer moitas cousas sobre el, desde a biblioteca organizamos un concurso cos materiais enviados aos centros pola Xunta de Galicia.
Cada neno tiña que cumprimentar á ficha correspondente á súa idade cos datos atopados na propia ficha, nos carteis das letras galegas, en internet e mesmo en diccionarios.
Este traballo de investigación sobre o autor tivo a súa recompensa para aqueles nenos que máis repostas acertaron.
Para seguir aprendendo sobre "O vello profesor" podedes utilizar os seguintes recursos:
- Compilación de materiais e recursos da SXPL e de diversos centros escolares sobre Xosé Filgueira Valverde, autor homenaxeado no Día das Letras Galegas 2015. (Coordinadora Galega de Equipos de Normalización e dinamización lingüística)
- Actividades EDILIM do SEMINARIO GALÁN:
POESÍA E MÚSICA NA BIBLIOTECA
Hoxe estivo na biblioteca o músico e compositor Héctor Lorenzo presentándonos algunhas das súas musicalizacións de poesías.
Foi un espectáculo participativo no que os alumnos puideron cantar con el algunhas das poesías musicalizadas e acompañar con palmas e movementos.
Esperamos poder contar pronto co seu libro-disco na biblioteca; mentres quedamos con estas dúas poesías que xa aprendemos:
A PULSEIRA
- Teño unha pulseira de diamantes
con pombiñas de cristal.
Queres que che faga outra igual?
- Sí, papá
- Teño unha pulseira de cristal
con pombiñas de diamantes.
Queres que che faga outra como a de antes?
- Sí, papá
A SERRÁ DE PAPÁ
Ris, ras, ris, ras
é a serra de papá
ras, ris, ras, ris
a que fai ese ruído
ris, ras, ris, ras
cando cantan pola mañá
ras ris ras ris
os paxaros no seu niño
ris ras ris ras
porque o sol se levantou
ras ris ras ris
cun sorriso no fociño.
UN DÍA EN EL BOSQUE
Desde o colexio estamos participando no concurso: Un bosque de cuento.
Os nenos de 1º e 2º de Primaria escribiron un conto cheo de aventuras e amizade que se titula: Un día en el bosque.
Se queres apoiar o seu conto segue estes pasos:
1) Preme no botón VOTA qu está debaixo do conto.
2) Completa os datos que piden.
3) Confirma o teu voto nun enlace que recibirás teu e-mail. SE NON SE CONFIRMA, O VOTO NON VALE.
Para ler o conto clika na súa portanda:
