Radio
DÍA MUNDIAL DA RADIO (13-01-2021)
Preséntasnos a radio do teu centro?
A proposta que recibimos da Asociación Cultural e Pedagóxica Ponte... nas ondas! para conmemorar o Día Mundial da Radio foi presentar a radio da nosa biblioteca: Como se chama? Onde está? Que fai? Que medios ten? Envíanos a túa saúda para o Día Mundial da Radio!
E , por suposto, aceptamos participar nesta conmemoración presentando a Radiouvín a outras radios escolares galegas. No seguinte enlace podedes escoitar a nosa presentación feita por Diego e Germán de 3º de Primaria:
FELIZ DÍA MUNDIAL DA RADIO!!
CURIOSIDADES DE NADAL (22/12/2020)
As biblioaxudantes Lucía, Laura e Zaira son as locutoras deste programa especial de Nadal no que nos contan moitas curiosidades sobre estas datas baseándose no libro Los preguntones lo quieren saber todo sobre la Navidad (Ed. VOX).
Desde cando se celebra o Nadal?
Por que se desexan Felices Festas? e Felices Pascuas?
Cando se inventaron as panxoliñas?
Para saber as respostas destas preguntas e moitas outras máis, escoitade o programa especial de Nadal seguro que vos sorprenderes!!
OBRADOIRO DE RADIO: TEATRO LIDO CON CHARO PITA
Grazas a participación da nosa biblioteca no Proxecto Radio na biblio, temos un orzamento específico para a formación do alumnado.
Este ano o obradoiro de formación foi impartido pola autora e narradora Charo Pita e realizouse respectanto todas as medidas sanitarias derivadas do Covid polo que tivemos que repartir ao alumnado en varios grupos.
A formación estivo dedicada a técnicas de teatro lido traballadas de xeito lúdico favorecendo a lectura comunicativa e divertida a través de textos axeitados para a súa representación lectora.
Os alumnos e alumnas traballaron diferentes contidos: a correcta posición do corpo e do texto, o ritmo na lectura, a importancia das pausas e dos silencios, como contar unha historia, como construír un personaxe coa voz, a transmisión de emocións e coñeceron algúns instrumentos para crear efectos especiais.
Para rematar este día o alumnado tamén puido disfrutar das narracións de Charo Pita comprobando como se poñen en práctica todos os consellos e todas as pautas que lles deu nos obradoiros de formación.
SAMAÍN 2020 (CERTAME DE RELATOS TERRORÍFICOS III)
Esta é a última publicación de relatos terroríficos do Certame de contos de medo de Samaín que lle propuxemos ao noso alumnado.
Recordámosvos que este ano os libros nos que se basearon estes relatos foron Pápote a bicos de Carmen Gil para 3º e 4º de Primaria e Mortiña e o amigo pantasma de Barbara Cantini para 5º e 6º de Primaria:
Nesta ocasión imos a escoitar os relatos de Gareth, Gissela, Iria, Yanira e Libertad de 4º de Primaria e a historia de Pilarde 5º de Primaria.
CON ESTA PUBLICACIÓN DAMOS POR REMATADO
O SAMAÍN 2020!! ATA O 2021!!!
SAMAÍN 2020 (CERTAME DE RELATOS TERRORÍFICOS II)
Xa temos listos novos relatos terroríficos do Certame de contos de medo de Samaín que lle propuxemos ao noso alumnado.
Recordámosvos que este ano os libros nos que se basean estes relatos foron Pápote a bicos de Carmen Gil para 3º e 4º de Primaria e Mortiña e o amigo pantasma de Barbara Cantini para 5º e 6º de Primaria:
Nesta ocasión imos a escoitar os relatos de Valeria, Mencía e Cristian de 4º de Primaria e a historia de Zaira e Brais de 6º de Primaria.
ESPERAMOS QUE NON VOS ASUSTEDES DEMASIADO!!!
VISITA AO PASADO (9-10-2020)
O alumnado de 3º, 4º, 5º e 6º de Primaria asistiu onte a unha visita didáctica ás escavacións arqueolóxicas que se están facendo na parroquia de Proendos, a antiga Proentia.
Alí xs alumnxs coñeceron da man de Fran Alonso, arqueólogo director do proxecto, os achados que realizaron nas 5 sondaxes abertas nos puntos establecidos nos estudos previos realizados cun xeorradar.
Entre os vestixios descubertos puidemos ver a ábsida dunha gran construción,
un hipocausto que é un sistema de calefacción que quizais sexa o precursor da calefacción radiante xa que contaba cunha cámara de aire por debaixo da estancia con canalizacións polas que circulaba aire quente,
unha estancia que puidera ser máis tarde utilizada para o traballo con metais xa que se encontraron moitas escouras, que son como pequenas pedras que se forma cos restos e as impurezas que resultan de traballar o metal,
a estrutura dun hórreo formado por varios muros paralelos cun oco entre eles sobre os que se colocarían táboas de madeira para poder utilizalo como celeiro ou depósito de cereais
e uns muros que parecen peches de fincas xa que xunto a eles apareceu un tramo de pavimento dun posible camiño.
Ademais de todo isto puidemos ver varias das accións que realizan os arqueólogos durante o desenvolvemento do proxecto: escavación, identificación, rexistro e conservación dos restos atopados. Precisamente por isto ultimo, as sondaxes serán tapadas hoxe ou mañá para evitar que as estruturas achadas se deterioren.
Unha saída moi interesante e didáctica que se completou hoxe coa visita do director do proxecto ás instalacións de Radiuvín para gravar o primeiro programa deste curso. Nesta emisión Brais e Zaira puideron falar con el sobre todo o achado ata agora e as posibilidades de descubrimentos futuros.
Moitas grazas ao concello por facilitar esta visita e a Fran Alonso polo tempo que nos adicou e polas súas verbas.
 |
| "Un pracer reinaugurar o ciclo de Radiuvín nestes tempos de pandemia que quedarán para a posteridade como os vestixios de Proendos" |
ESPERAMOS COMPARTIR PRONTO NOVOS DESCUBRIMENTOS!!!
TOKIO 2020 - XOGOS OLÍMPICOS III (15/06/2020)
Hoxe emitimos o terceiro e último programa especial Xogos Olímpicos no que seguiremos achegándonos a deporte olímpicos para dar a coñecer todo o que aprendemos cos nosos traballo de investigación.
Neste último programa coñeceremos moitos datos sobre o balomnán con Senén, aprederemos sobre a maratón con Valentina, con Zaira achegrámonos ao waterpolo e remtaremos con Xoán falaremos sobre baloncesto.
TOKIO 2020 - XOGOS OLÍMPICOS II (05/06/2020)
Hoxe emitimos un novo programa especial Xogos Olímpicos no que través das investigacións que fixemos sobre varios deportes olímpicos estades a coñecer moitas cousas acerca deles: orixe, normas de xogo, deportistas destacados...
Neste segundo programa escoitaremos a Jorge facendo unha pequena introdución;a Laura, falando de voleibol; a Lucía de Ximnasia Rítmica e a Pablo de Fútbol.
TOKIO 2020 - XOGOS OLÍMPICOS I (03/06/2020)
Como sabedes este ano ía a ser ano olímpico ata que chegou o confinamento e esta situación de alerta sanitaria mundial que fixo que se suspendesen os Xogos Olímpicos de Tokio 2020algo que só sucedera anteriormente en 3 ocasións e por 3 Guerras Mundiais.
Pero antes do confintamento, o noso alumnado estaba investigando sobre diferentes deportes olímpicos: orixe, normas de xogo, deportistas destacados...
Algúns compañeiros tiveron tempo de compartir os seus traballos co resto do alumnado na biblioteca...
pero a maioría non... por iso, quixemos emitir en Radiuvín uns programas especiais XOGOS OLÍMPICOS nos que poderedes escoitar todo o que descubriron sobre estes deportes.
Neste primeiro programa escoitaremos a Adrián falándonos do tenis, Brais de Judo, César de Bádminton e Gareth de Taewkondo.
DESDE A MIÑA VENTÁ...
Hoxe rematamos coas creacións dos alumnos de primaria para a actividade Desde a miña ventá... compartindo as poesías de Candela (1º Primaria) e Mencía (3º Primaria).
MOITAS GRAZAS A TODOS POR PARTICIPAR!!!!
