Radio

SEMANA DA PRENSA - 2022

     Do 7 ao 11 de marzo conmemórase a Semana da prensa.  

 

     Para traballar esta conmemoración o alumnado de 4º a 6º de Primaria elaborou un programa especial de SOBERICIAS con noticias relacionadas coa comunidade educativa do noso colexio:

Presentación do equipo Barantes Sport (Carlota, Germán, Diego e Javier)

Obras de mellora do centro (Gissela, Lola, Cristian e Naím)

Entroido (Yanira, Libertad, Lucas Fernández, Iria e Susana)

Programa Come local (Lucía, Lucas, Hugo e Pilar)

Feira do Viño de Amandi (Valeria, Mencía, Gareth e Darío).

 

 

 

OBRADOIRO DE FORMACIÓN RADIO NA BIBLIO (11/03/2022)

      Este é o cuarto curso desde que entramos no Proxecto Radio na biblio, e grazas á participación nel temos un orzamento específico para facer obradoiros que repercutan na formación do alumnado.

  

 

    O obradoiro de formación deste ano centrouse máis nos aspectos técnicos relacionados co proceso de gravación. Denís de Rede Espora foi o encargado de ensinarlle ao alumnado todo o necesario para poder gravar de forma autónoma os programas de radio.

 

    Na sesión en común que realizamos na biblioteca comezou falándonos de aspectos como:

- Posibilidades da radio: noticias, entrevistas, deportes, coñecemento, diversión, realidade, concursos, debates, contos...

- Tarefas a levar a cabo para gravar un programa con éxito: elaboración dos guións, documentación e investigación, manexo do equipo, locución, produción e organización.

- Manexo da mesa de son

 

- Ideas e consellos relacionados coa elaboración de guións: escribe como falas, fala con naturalidade, utiliza oracións curtas, non uses palabras moi longas ou difíciles de pronuncias se hai sinónimos co mesmo significado, resalta o máis importante do guión...

- Recursos e bancos de sons dispoñibles

    Para recordar todo o que nos dixo; podedes acceder á súa presentación no seguinte enlace: ARRANCAMOS  COA  RADIO!

 
   Despois, por grupos, os nenos e as nenas participantes no obradoiro foron pasando polos estudos de Radiuvín para poñer en práctica todo o aprendido na biblioteca.
 

 

 

 

 

 

ESPERAMOS  QUE  A  FORMACIÓN  RESULTE  PROVEITOSA!!

 

DÍA MUNDIAL DA RADIO (13-02-22)

    O 13 de febreiro é o Día Mundial da Radio e desde  Rede ESPORA  propuxéronnos colaborar nun programa común con outras radios escolares que tamén forman parte do Proxecto Radio na Biblio de Bibliotecas Escolares da Xunta de Galicia baixo o lema SÍ A LA RADIO, SÍ A LA CONFIANZA proposto pola UNESCO.

 
  Neste proxecto unímonos aos seguintes centros:  CPI Manuel Suárez Marquier do Rosal, CEIP Frián de Teis, CEIP Víctor Saénz de Mazaricos, CEIP Plurilingüe da Torre Cela de Bueu, CEIP da Pobra de BrollónCEIP Rosalía de Castro de Lugo, CEIP Seara de MoañaCEIP de Seixo (Marín), CEIP Manuel Masdías de Ferro e CEIP de Olveira (Ribeira). 
 
    Cada un dos centros tiña que gravar unha noticia falsa pero verosímil e despois aclarar o falso da noticia e a importancia de que os medios de comunicación contrasten as novas antes de emitilas pero tamén de que os que as escoitamos, lemos ou vemos; sexamos críticos con estas informacións.
 
 
   Para iso recordamos a infografía publicada pola IFLA na que se nos achegan 8 aspectos importantes que deberiamos ter en conta á hora de valorar unha noticia.

 

   Con todas as nosas colaboracións, os responsables de Rede Espora elaboraron o programa final que podedes escoitar  a  continuación:

 

MÁIS  INFORMACIÓN: Día Mundial da Radio. Rede Espora

COÑECENDO OS NOSOS CONCELLOS - FESTIVIDADES DE A POBRA DO BROLLÓN

     ACABAMOS  DE  RECIBIR  UN  NOVO  PROGRAMA   DESTE   PROXECTO  COLABORATIVO  QUE  REALIZAMOS  CO  CEIP  DE  A   POBRA  DO  BROLLÓN.

 

     NESTA  OCASIÓN  XS  COMPAÑEIRXS  DESTE  COLE  FÁLANNOS  DAS  FESTIVIDADES  DO  SEU  CONCELLO... QUE  GANAS  DE  QUE  ESTE  COVID  NOS  DEIXE  RESPIRAR  E  POIDAMOS  VOLVER  A  GOZAR  DAS  FESTAS  E  DAS   ROMARÍAS!!

 

       A CONTINUACIÓN  DEIXÁMOSVOS  A  SÚA  RESEÑA  E  O  ENLACE  Á  EMISIÓN:

 

    Por fin reanudamos o noso proxecto colaborativo de radio na biblio cos compañeiros do CEIP Plurilingüe Virxe do Carme de Sober.

    Moitos foron os atrancos no camiño pois estes cursos están a ser duros e por riva convivimos con obras no centro durante todo o primeiro trimestre. Invadiunos o pó, os ruídos,  as mudanzas continuas de aulas... e a COVID-19 que non nos da abandonado...

    Todo isto alterou a vida do centro...e nós non queremos perder as actividades que nos gustan así que en canto foi posible retomamos este proxecto que sempre nos leva a investigar, recopilar informaión, compartila... e que tanto nos gusta.

    Nada mais comezar o curso, en outubro, xs nenxs de quinto e sexto escoitabamos de novo o programa dos nosos compañeiros no que nos falaban dos rios que surcan o concello de Sober e que compartimos algúns como o Cabe e o Sil. Moitas son as semellanzas que imos descubrindo e moitas tamén as singulariedades...

    A súa pregunta agora versa sobre as festas. Pois si que tivemos traballo, porque neste concello somos moi festeiros!!

    Encantounos este tema. Esta vez as nosas fontes de información foron as familais coas que    descubrimos tamén como foron evolucionando estas celebracións... e consultamos a páxina web do concello.

    Se queredes coñecer as nosas festas, que son moitas, e algunhas moi interesantes e de valor patrimonial, que nos axudan a coñecer, lembrar e conservar a nosa historia escoitade o noso programa de radio Guímaro no que por fin! un día estivemos todos e puidemos grabar!!

 

 UN  PROGRAMA  MOI  INTERESANTE  QUE  DEIXA  O  CORPO  CON  GANAS  DE  TROULA!

 


 

XVIII CONCURSO CONTOS SOLIDARIOS: UN JUGUETE, UNA ILUSIÓN (30/11/2021)

   O Concurso de Contos Solidarios "Un juguete, una ilusión", da Fundación Crecer Jugando ten como obxectivo achegar valores como a solidaridade aos máis pequenos e implicalos en iniciativas que fomenten o traballo en equipo coa elaboración dun conto feito entre toda a clase. 

 

   Nesta edición do concurso había que elaborar un relato que tivese como protagonista a  SúperUjui, o heroe dos xoguetes que se pode camuflar en calquera lugar disfrazado de bolígrafo...  

  

    Pero incluso os superheroes teñen problemas algunhas veces... menos mal que nesta ocasión os nenos e nenas de 6º de Primaria do noso colexio puideron axudalo. Se vos estades preguntando que lle pasou, só tedes que escoitar....

 Música:  Adventures In Adventureland  & Impact Prelude by Kevin MacLeod

 

   Que vos pareceu a historia? Pois parece que ao xurado do Concurso si que lle gustou e agora somos un dos catro centros finalistas a nivel nacional  xunto a dúas historias do colexio Buen Pastor de Sevilla e outra do colexio Álvarez Sotomayor de Almería.

   Se queredes, apoiarnos podedes votar na seguinte dirección, marcando o nome do colexio no fondo da páxina e dándolle a enviar.

 

NORABOA  AO  ALUMNADO  DE  6º PARTICIPANTE!!

 

DESPEDIDA ALUMNADO 6º (22-06-2021)

Cada etapa ten un principio e un fin e hoxe é o final da etapa de César, Brais, Zaira, Jorge e Paula no noso colexio.

Danos moita mágoa que marchedes pero non hai remedio porque os nenos e nenas tedes o costume de crecer! 

Que pequenos erades cando chegastedes a infantil e vos encontrastedes por primeira vez co cole e cun montón de compañeiros!

 

 

E a vós, os que fostedes vindo despois ao longo de primaria...

foron menos anos pero non por iso vos imos a estrañar menos que aos demais agora que marchades!

 

 

   Eso si, desexámosvos MOITO ÉXITO na nova andaina que empezaredes en setembro no instituto e esperamos que LEMBREDES  SEMPRE  QUE  ESTE  É  O  VOSO  COLE  E  QUE  NOS  TEREDES  AQUÍ  PARA  O  QUE  PRECISEDES!!

 

ATA  SEMPRE!!

 

 

HÉROES DE PRIMAVERA (21-06-2021)

   Fai algúns días, unha nai de dous rapaces do cole agasallounos con varios exemplares do libro Héroes de primavera de Patricia Sanmigel Couso; unha autora compostelana con familia en Sober.

 

 

    Neste libro, narra a experiencia do confinamento e da volta ás aulas dos nenos e nenas desde o seu punto de vista dándolle a importancia que merecen despois de afrontar tantos meses e tantos cambios sen queixarse prácticamente de nada; COMO VERDADEIROS HEROES!

 

    Ademais o libro está ilustrado polos alumnado de 2º de Primaria do CEIP Quiroga Palacios de Santiago, compañeiros dunha das súas fillas.

 

  Nós tivemos a sorte de poder facerlle unha entrevista para que resolvese todas as curiosidades que lle xurdiu ao alumnado de 3º e 4º de Primaria do colexio: por que os nenos e nenas da historia non teñen nome propio? de onde vén o título Heroes de Primavera? como se lle ocurriu a idea de escribir este libro?

  Para saber a resposta a todas estas preguntas, podedes escoitar o podcast coa entrevista que Carlota, Diego, Germán, Cristian e Javier lle fixeron a Patricia.

 


 MOITAS  GRAZAS, PATRICIA!!

 

LETRAS GALEGAS 2021: PROGRAMA DE RADIO

 

   Varixs alumnxs de diferentes cursos de primaria participaron na redacción e gravación deste programa sobre Xela Arias no que poderedes coñecer os seus datos biográficos máis importantes e escoitar algúns exemplos da súa obra: un poema do libro Darío a diario e un capítulo do libro inédito Non te amola! (Música: banco sonidos Ministerio de Educación e bensound.com)

Escoitade atentos!

 

 

 

COÑECENDO OS NOSOS CONCELLOS: RÍOS E REGATOS DE SOBER

    Xa fai algún tempo que tiñamos pendente contestarlle aos nosos amigos e amigas do colexio de A Pobra do Brollón pero... este ano é tan estraño!

   No seu último programa radiofónico, xs nenxs de A Pobra falábannos dos ríos que pasan polo seu concello e preguntábannos polos que pasaban polo noso.

    Para preparar o programa, primeiro estivemos investigando un pouco sobre os nosos regatos e ríos a través da rede e dos libros sobre o noso concello que temos na biblioteca e despois falamos coa Confederación Hidrográfica Miño-Sil que nos proporcionou un mapa da rede fluvial de Sober e nos dirixiu á cartografía da súa páxina web (se queredes acceder, clickade aquí ou na imaxe e despois poñede Sober no buscador).

   Cando xa tiñamos toda a información, quixemos esperar un pouco para ver se a situación sanitaria nos permitía facer unha saída e coñecer os ríos e os regatos de primeira man pero xa sabedes que os protocolos seguen máis ou menos igual así que de momento a excursión quedará en espera.

   O que si que podemos facer é compartir imaxes dos nosos ríos e regatos para que cando escoitedes o programa vos fagades unha idea do que vos estamos falando:

Miradoiro de Santiorxo

 

Miradoiro do Xábrega

 

Fervenza de Os Chancís

 

Embarcadoiro de Os Chancís

 

Desembocadura do Cabe no Sil

 

Ruta Muíños do Xábrega

 

  Agora xa podedes escoitar o noso programa para aprender moitas cousiñas sobre a rede fluvial de Sober e a importancia que ten para o noso Concello.

 

Esperamos que esta emisión vos parecese tan interesante como a nós.

Agardamos escoitar a vosa próxima emisión para saber das festas e celebracións do voso Concello!

ATA  PRONTO!!!!

FONTES:

 
 
FERNÁNDEZ PULPEIRO, J.C. Sober. Lugo. Ed. Deputación Provincial de Lugo (1996)

 

 

 

COÑECENDO OS NOSOS CONCELLOS: RÍOS E REGATOS DE SOBER (7-05-2021)

    Xa fai algún tempo que tiñamos pendente contestarlle aos nosos amigos e amigas do colexio de A Pobra do Brollón pero... este ano é tan estraño!

    No seu último programa radiofónico, xs nenxs de A Pobra falábannos dos ríos que pasan polo seu concello e preguntábannos polos que pasaban polo noso.

    Para preparar o programa, primeiro estivemos investigando un pouco sobre os nosos regatos e ríos a través da rede e dos libros sobre o noso concello que temos na biblioteca e despois falamos coa Confederación Hidrográfica Miño-Sil que nos proporcionou un mapa da rede fluvial de Sober e nos dirixiu á cartografía da súa páxina web (se queredes acceder, clickade aquí ou na imaxe e despois poñede Sober no buscador).

   Cando xa tiñamos toda a información, quixemos esperar un pouco para ver se a situación sanitaria nos permitía facer unha saída e coñecer os ríos e os regatos de primeira man pero xa sabedes que os protocolos seguen máis ou menos igual así que de momento a excursión quedará en espera.

   O que si que podemos facer é compartir imaxes dos nosos ríos e regatos para que cando escoitedes o programa vos fagades unha idea do que vos estamos falando:

Miradoiro de Santiorxo

 

Miradoiro do Xábrega

 

Fervenza de Os Chancís

 

Embarcadoiro de Os Chancís

 

Desembocadura do Cabe no Sil

 

Ruta Muíños do Xábrega

 

  Agora xa podedes escoitar o noso programa para aprender moitas cousiñas sobre a rede fluvial de Sober e a importancia que ten para o noso Concello.

 

Esperamos que esta emisión vos parecese tan interesante como a nós.

Agardamos escoitar a vosa próxima emisión para saber das festas e celebracións do voso Concello!

ATA  PRONTO!!!!

 

Distribuir contido