Excursións
EXCURSIÓN A SANTIAGO (1/12/2023)
Este ano volvemos a participar nos concertos didácticos que organiza o Concello de Santiago de Compostela en colaboración co Auditorio de Galicia para estudantes de Primaria.
Nesta ocasión fomos a ver Pulcinella e a máscara máxica, adaptación dun fragmento da Suite para orquestra do mesmo nome de Igor Stravinsky.
Despois do concerto xantamos na Residencia Universitaria Burgo das Nacións e pola tarde fixemos unha visita guiada ao Museo de Historia Natural de Santiago.
Durante a visita pudiemos ver as diferentes zonas do museo:
Xeodiversidade: minerais, xemas, rochas, fósiles...
Biodiversidade:
Biodiversidade mariña: moluscos, invertebrados, algas, tartarugas...
Biodiversidade terrestre mundial: biomas, sabana, selva...
Biodiversidade terrestre galega: fragas, augas continentais...
Podedes ver moitas máis imaxes desta excursión na GALERÍA DE IMAXES.
VI ANDAINA ESCOLAR POLO CAMIÑO DE INVERNO (6/10/2023)
.jpg)
O venres día 6 de outubro a Asociación Camiños a Santiago pola Ribeira Sacra organizou a VI Andaina escolar polo Camiño de Inverno na que participamos uns 1.600 escolares percorrendo diferentes tramos deste camiño.
.jpg)
Para participar nesta actividade, o noso alumnado estívose preparando na biblioteca facendo un traballo de investigación sobre esta etapa do camiño de inverno: que é unha ruta xacobea, que ríos ían atopar, que pobos ían atravesar, a simboloxía do camiño de Santiago...
.jpg)
.jpg)
.jpg)
.jpg)
E unha vez que xa estiveron preparados para camiñar, puxémonos en marcha. Do noso centro participaron os nenos e as nenas do último curso de educación infantil que tiña asignado un tramo de 1 km con saída desde o campo da Virxe de Monforte de Lemos e o alumnado de Primaria que veu camiñando desde Reigada, aproximadamente 6 km.
.jpg)
.jpg)
.jpg)
.jpg)
Unha xornada soleada na que puidemos gozar desta camiñata cos nosos compañeiros e compañeiras rodeados de fermosos paisaxes.
.jpg)
.jpg)
Á chegada a Monforte reunímonos todos os participantes no Auditorio ao aire libre do Parque dos Condes e despois pasamos o que quedaba de xornada no parque infantil da Compañía.
.jpg)
.jpg)
.jpg)
E se queredes ter máis información ou pasar un bo rato lendo sobre o Camiño de Santiago, lembrade que na biblioteca encontraredes moitos libros que podedes levar prestados.
MOITAS GRAZAS Á ASOCIACIÓN CAMIÑOS A SANTIAGO POLA RIBEIRA SACRA POLA ORGANIZACIÓN DESTA ACTIVIDADE!!
EXCURSIÓN FIN DE CURSO A MARCELLE (20/6/2023)
O día 20 de xuño, fomos todo o colexio de excursión a Marcelle Natureza onde os nenos e as nenas puideron disfrutar dun percorrido guiado no que aprenderon moitas cousas sobre os animais.
Pero por normativa do parque, non nos permitiron facer fotos no interior durante a visita así que só podemos compartir con vós as que fixemos á entrada.
EXCURSIÓN A SANTIAGO DE COMPOSTELA (02-03-2023)
Este ano retomáronse os concertos didácticos que organiza o Concello de Santiago de Compostela en colaboración co Auditorio de Galicia para estudantes de Primaria.
.jpg)
Nós fomos a ver o espectáculo "Mini Mozart" no que Mozart e a súa irmá Maria Anna nos foron presentando os diferentes instrumentos da orquestra mentres escoitabamos varias obras do autor como a abertura de As vodas de Fígaro, A pequena serenata nocturna, algunha aria de Don Giovanni con acompañemento de clavicémbalo ou a Marcha Turca (tercer movimiento Alla Turca de la Sonata para piano n.º 11)
.jpg)
.jpg)
.jpg)
Un concerto moi didáctico e divertido que a máis de algún/algunha se lle fixo curto.
.jpg)
.jpg)
Despois de xantar no parque do auditorio, fixemos unha visita guiada polas cubertas da Catedral de Santiago de Compostela. Aínda que tivemos que subir máis de 100 escalóns, as vistas mereceron a pena xa que desde arriba puidemos observar a Torre das campás e a Torre da carraca desde unha perpectiva totalmente diferente.
.jpg)
.jpg)
.jpg)
Tamén puidemos ver de preto outros elementos da catedral como a Torre do reloxo ou Berenguela e a fachada orixinal da Praza de Praterías.
.jpg)
.jpg)
Despois de percorrer o resto das cubertas, o alumnado de 4º, 5º e 6º de Primaria fixo tamén unha visita ao Pórtico da Gloria onde puideron ver todo aquilo que estiveran traballando cos seus titores.
.jpg)
.jpg)
Mentres o alumnado de 1º, 2º e 3º recibiron como agasallo varios exemplares do libro Os Bolechas van á Catedral de Santiago que fai un repaso pola arte e a historia da construción da catedral, contada aos bolechas polo peregrino Xacobe.
.jpg)
Estes libros xa están á vosa disposición na biblioteca do colexio para que poidades levalos en préstamo.
A continuación deixámosvos tamén o enlace á publicación que fixo o alumnado de 6º na que recolle os datos máis importantes da investigación previa á visita que fixeron sobre a Catedral de Santiago.
Podemos dicir que esta excursión foi unha saída didáctica moi enriquecedora e divertida da que o noso alumnado volveu moi contento aínda que canso.
.jpg)
PREPARANDO Á VISITA Á CATEDRAL DE SANTIAGO (28 - 02 - 2023)
Para a nosa visita á Catedral De Santiago de Compostela estivemos a facer unha investigación sobre os datos máis relevantes da mesma durante a sesión de INEIN.
A investigación que realizamos dá reposta a varias preguntas sobre datos relativos a un dos monumentos máis importantes da nosa comunidade. Esta guía será proxectada a todo o alumnado para que todxs poidamos aprender con ella.
Esperamos que vós tamén aprendades algo novo co noso traballo!
V ANDAINA POLO CAMIÑO DE INVERNO (10/11/2022)
A Asociación Camiños a Santiago pola Ribeira Sacra organizou a V Andaina polo Camiño de Inverno despois de dous anos de parón por culpa da pandemia.
Nesta andaina particou o alumnado de 6º de Infantil e o de toda a Primaria xunto a 1.500 escolares doutros centros educativos da comarca: CEIP A Pobra do Brollón, CEIP Monte Baliño, CEIP A Gándara, EOI de Idiomas...
Os nosos nenos e nenas dividíronse en dous grupos: xs de infantil fixeron o percorrido máis curto desde o Campo da Virxe, ao lado do Castelo de San Vicente, ata o Parque dos Condes.
.jpg)
Mentres xs de primaria fixeron o percorrido desde Reigada (aprox. 6 km)
.jpg)
Á chegada a Monforte reunímonos todos os participantes no Auditorio ao aire libre do Parque dos Condes e despois pasamos o que quedaba de xornada no parque infantil da Compañía.
.jpg)
RESEÑAS DE PRENSA
 |
| La Voz de Galicia (ed. dixital) 10/11/2022 |
 |
| web Asociación Camiños pola Ribeira Sacra |
Lembrade que na biblioteca encontraredes moitos libros sobre o camiño de Santiago que podedes levar prestados para ter máis información ou pasar un bo rato lendo. Algúns deles son:
PODES VER TODAS AS IMAXES DESTA XORNADA
III VISITA DIDÁCTICA ÁS ESCAVACIÓNS DE PROENDOS (27-09-2022)
O alumnado de 3º a 6º de Primaria fixo unha nova visita ás escavacións arqueolóxicas que se están realizando na parroquia soberina de Proendos para ampliar a información de visitas anteriores.
A escavación que visitamos é unha ampliación da zona do hórreo xa descuberto en anos anteriores. Alí, Francisco Alonso, o seu director técnico,fixo de guía para explicarnos os achados realizados nesta ampliación coa que conseguiron escavar a totalidade do hórreo.
.jpg)
Según nos dixo, as escavacións confirman a importancia do xacemento de Proendos tanto polo hórreo en si mesmo que é único no noroeste peninsular como pola cantidade de vestixios que atoparon de épocas moi diferentes: mundo castrexo, romano, medieval... xa que en poucos sitios se pode atopar esta variedade nun mesmo lugar.
.jpg)
Coas súas explicacións puidemos entender mellor os vestixios e aprendemos moitos termos relacionados con esta época e con técnicas de investigación: flotar a terra, terra sigilata, paleoambiente, fiada de sacrificio, como se documentan as capas escavadas... ademais tamén resolveu todas as dúbidas do noso alumnado que prestou moita atención ás súas explicacións.
.jpg)
En definitiva, unha saída moi interesante e didáctica que nos axuda a pór en valor o noso e a coñecer as riquezas do noso concello.
.jpg)
.jpg)
Para rematar, completamos a visita coa presenza do director do proxecto nas instalacións de Radiuvín para gravar o primeiro programa deste curso. Nesta ocasión e Iria e Cristian foron os encargados de falar con el sobre todo o aprendido para compartir con toda a comunidade educativa as nosas aprendizaxes.
.jpg)
MOITAS GRAZAS POR ESTA ACTIVIDADE TAN DIDÁCTICA
QUE ESPERAMOS VOLVER A REPETIR EN NOVAS FASES DESTA ESCAVACIÓN!!
DIVIÉRTT PARK (21-06-2022)
Por fin, despois da época Covid, retomamos as excursión de Fin de Curso!!
Queriamos levar ao alumnado a un sitio divertido que non estivese condicionado polo tempo, así que finalmente decidimos ir a DivierttPark, un parque multiaventura de ocio interior en Santiago; e menos mal! Porque co que choveu ese día...
O primeiro que fixemos ao chegar foi a merenda de media mañá para coller forzas para todo o que lles esperaba.
.jpg)
.jpg)
Despois, repartidos en grupos, foron pasando por todas as zonas do parque:
1. Circuíto vial: espazo que imita á vía pública no que conducindo un coche ou triciclo deberán respectar as zonas sinalizadas con liñas, semáforos, sinais, pasos de peóns...
.jpg)
.jpg)
2. Zona de baile: para mover o esqueleto seguindo diferentes ritmos.
.jpg)
.jpg)
3. Zona de xogo: xogos de sempre e xogos máis novidosos para divertirse sen parar.
.jpg)
.jpg)
4. Circuíto multiaventura e tirolina: formado por unha serie de obstáculos con dous niveis de dificultade como pontes, redes, cordas... os que superaron o segundo nivel puideron tirarse pola tirolina de 25 metros!
.jpg)
.jpg)
.jpg)
.jpg)
Tras pasar máis de 3 horas divertíndose nos diferentes espazos do parque, chegou a hora de comer mentres desfrutábamos dun espectáculo de malabares.
.jpg)
.jpg)
.jpg)
.jpg)
Se queredes ver todas as fotos deste día: GALERÍA DE IMAXES
EXCURSIÓN A SANTIAGO: CONCERTO DIDÁCTICO E VISITA AO CGAC (13/02/2020)
O alumnado de Primaria participou hoxe nunha excursión a Santiago de Compostela.
Pola mañá asistimos ao Concerto Didáctico Con fusion do grupo Píscore e a Banda Municipal de Música de Santiago no Auditorio de Galicia. Un concerto singular e orixinal no que gozamos do virtuosismo dos percusionistas que forman o cuarteto Píscore mesturado con diversidade de ritmos, humor e comedia xestual.
Cunha marimba como elemento central do espectáculo, descubrimos ritmos de música latina, rock & roll, reggae, pop e música disco á vez que o alumnado era partícipe destes ritmos percutindo coas palmas, cos pés ou cantando.
Un concerto moi divertido e didáctico no que os nenos o pasaron xenial como podedes ver nestes fragmentos do concerto.
Para rematar, puideron facerse unha foto cos membros de Píscore.
Despois comemos na Residencia Universitaria O Burgo das Nacións onde tamén houbo tempo para xogar a varios xogos tradicionais.
Pola tarde fomos ao Centro Galego de Arte Contemporáneo onde puidemos visitar a mostra In Landscape Mode do artista lucense Chrsitian Villamide unha proposta que pretende facer reflexionar sobre os efectos da construción na paisaxe.
Para esta actividade dividímonos en dous grupos e mentres un dos grupos facía a visita guiada á exposición o outro participaba nun obradoiro no que partindo dunha paisaxe tiñan que facer un collage con imaxes de revistas que representaran o que eles pensaban que podía ser esa paisaxe no pasado e como podería ser no futuro.
COÑECENDO OS NOSOS CONCELLOS: PROENDOS
Este venres achegámonos a Proendos acompañados por Paula Vázquez Verao e Alfonso Campos, a nai e o pai Estrela, a nosa compañeira de Educación Infantil .
Con esta saída didáctica quixemos coñecer os vestixios históricos que existen nesta parroquia e documentarnos para o programa Coñecendo os nosos concellos.
Os restos máis antigos que vimos foron os petróglifos que son gravados en rochas que se conservan desde a Prehistoria. Aínda que non foi o único, o máis grande que vimos foi o Petróglifo do Xestal que se atopa dentro dunha finca privada e está formado por "8 círculos concéntricos, cun diámetro total de 43 cm. Do seu centro, ocupado por unha cazoleta, saen dous surcos" (Texto: O Colado do Vento, preme para máis información)
Outra época da que hai moitos restos e que na actualidade se está estudando é a época romana. Cos recentes descubrimentos do xeorradar, confírmase a existencia da antiga Proentia pero aínda sen esta tecnoloxía a súa existencia era innegable pois simplemente camiñando polo núcleo de Proendos observamos restos da época que forman parte de diferentes construcións; restos que a xente utilizou para as súas vivendas e que se poden ver a simple vista: columnas, pedras, capiteis, un trisquel, pedras de muíño...
E outros que eles nos ensinaron porque están máis ocultos; por exemplo esta ara romana da que pola súa posición, so podemos ver a parte de arriba na parede dunha vivenda.
Neste percorrido polo núcleo da parroquia tamén puidemos ver a arquitectura nobiliaria da casa dos Ojeas, do s. XVII.
Dando un salto no tempo, chegamos ao século XII e visitamos a Igrexa de Santa María de Proendos na que tamén podemos observar restos romanos nunha das columnas do arco triunfal que da paso á ábsida. Ademais atopamos plantas e flores nos capiteis e pinturas que nos contan feitos de Nadal: "A adoración dos Reis Magos", "A adoración dos pastores" e "A fuxida de Exipto"...
Xa no exterior, ensináronnos unha roseta que se atopa no chan e que pode estar relacionada coa simboloxía da luz: coa idea de que a igrexa nos libra das tebras e nos leva á luz xa que entramos polo Oeste e imos camiñando cara ao altar que está no Leste, por onde sae o Sol.
MOITAS GRAZAS A PAULA E ALFONSO POR GUIARNOS NESTA VISITA!!
Como resultado de todo o que aprendemos nesta saída deixámosvos a seguinte emisión do programa Coñecendo os nosos concellos que inclúe unha entrevista a Paula feita por Senén, Adrián, Pablo e Pilar:
