Día do Libro

Día do Libro

DÍA DO LIBRO 2023: Cando Leo (Eva Mejuto)

    Comezamos as actividades da Semana do libro co libro Cando leo escrito por Eva Mejuto e Ilustrado por Bea Gregores porque compartimos completamente as verbas da súa contraportada: "Todo é posible cando nos poñemos a ler e nos deixamos levar polas páxinas dun libro. Todo é posible, sobre todo o imposible"

 

      Cando leo abre as portas e as ventás de moitos mundos e de moitas situacións reais ou imaxinarias. A través do texto e das súas ilustracións reflexionamos sobre o poder da lectura  non só como un medio para evadirnos se non tamén como un refuxio en momentos difíciles.

 

     O vídeo está elaborado coas voces en off de Naím Hourri e Lucas Fernández e con fotomontaxes das ilustracións cos nenos e nenas de educación infantil como protagonistas. Esperamos que vos guste tanto como a nós!

 

 

   Despois do visionado na biblioteca, os nenos e as nenas de Primaria fixeron unha reflexión do que sentían cando lían e plasmárona nun pequeno libro. 

 

 

  

 

Con todos eses sentimentos elaboramos o noso mural para o DÍA DO LIBRO 2023!

 GALERÍA  DE  IMAXES

 

APADRIÑAMENTOS E AMADRIÑAMENTOS LECTORES (Día do Libro 2023)

      Unha das actividades preferidas do noso alumnado son os apadriñamentos e amadriñamentos lectores que facemos desde fai varios anos para conmemorar o Día do Libro.

       Este ano @s biblioaxudantes organízaronse en cinco grupos  que se repartiron polo colexio con cadanseu libro para lerlles ao resto do alumnado que tamén dividido en 5 grupos foron percorrendo a senda dos libros.
 
     Na biblioteca estaban Gareth, Gissela e Javier co Kamishibai preparado para contar O gato sol  que é un conto tradicional de Vietnam sobre un neno que atopa un gatiño pero non sabe que nome poñerlle polo que decide visitar ao sabio do pobo para que lle axude a elexilo. 
 

 

 
 
   No corredor principal esperábannos Lola, Naím e Libertad para lernos  Fronteiras de papel  de Javier Domínguez e Alba de Evan(Antela Editorial), a aventura de Fátimah e a súa familia que teñen que comezar unha viaxe atravensando o mar para buscar unha vida mellor. Nesta viaxe descubrirán que as fronteiras máis difíciles poden estar feitas de papeis. 
 

     

 

 

   Ao chegar ao Salón de actos Iria, Darío e Cristian tíñan preparado unha pequena representación da divertida historia de  Pepiño Cebola  de Sandra Alonso (La maleta ediciones) que é un neno ao que lle poñen mil capas de roupa con para protexelo pero isto fai que Pepiño non sexa un neno, senón unha  cebola!

 

 

 

   Xa no exterior do cole, o grupo de Mencía, Lucas e Yanira tiña preparados un montón de monicreques para contarnos  Non fai falta a voz  de Armando Quintero (OQO Editora) que é un libro que fala sobre as diferentes formas de demostrar cariño aos demais, concretamente dos abrazos. Sabedes que os abrazos dan seguridade, favorecen a autoestima e melloran a confianza nun mesmo e nos demais? 

 
 

 

    E para rematar, no patio ao lado dunha árbore, Carlota, Germán e Susana esperaban para contarnos    A miña árbore secreta  de David Pintor, que narra a relación dunha nena coa árbore que plantou foai moitos anós o seu avó; unha historia cun final moi sorprendente.

   

 
 
 

 

FELIZ  DÍA  DO  LIBRO!!!

 

CREAcción: ESTAMOS DE NORABOA!

    Para conmemorar o Día do Libro a Asesoría de Bibliotecas Escolares de Galicia promoveu a realización de accións creativas baixo o lema CREAcción.

 

   Se recordades, para participar nesta campaña @s biblioaxudantes de 4º de Primaria gravaran dous poemas audiovisuais coa técnica de stopmotion (ver publicación)

 

 

Pois ben, estamos de NORABOA PORQUE...

A NOSA  PROPOSTA  FOI  UNHA  DAS  20  SELECCIONADAS!!

 

  

 

PARABÉNS  A  TOD@S!!

 

 

DÍA DO LIBRO: APADRIÑAMENTOS LECTORES (23 - 04 - 2021)

     Unha das actividades que facemos para conmemorar o Día do Libro desde fai varios anos (agás o ano pasado que tivo que ser de modo virtual) e que ademais é unha preferidas do noso alumnado, é a dos apadriñamentos lectores.

       Nestes apadriñamentos, @s biblioaxudantes organízaronse en catro grupos  que se repartiron polo colexio con candanseu libro para lerlles ao resto do alumnado que tamén dividido en 4 grupos (un por aula burbulla para que non houbera interacción entre eles e desinfectando e ventilando entre cada grupo) foron percorrendo a senda dos libros.
 
     Na biblioteca estaban Lucas Rodríguez e Zaira contando  O oso e o piano  de David Litchfield (Hércules Edicións); unha historia na que o oso acada fama e fortuna como pianista arredor de todo o mundo, pero aínda así botaba de menos aos seus amigos e á familia que deixara atrás.
 
 
 
   No corredor principal esperábannos Pau, Pilar e César para lernos  Mabel y la montaña  de Kim Hillyard(Ed. Bruño), a fantástica aventura da mosca Mabel que soña con escalar montañas e realizar grandes planes aínda que as demais moscas a desanimen.
 
 
   

 

   Ao chegar ao Salón de actos, Lucía e Brais tíñan preparado un teatro de monicreques para contarnos a divertida e irónica viaxe dun rato que esta farto da súa vida aburrida: Rato en fuga de Miguel Ordóñez (Ed. Kalandraka)

 

 

   E para rematar, na entrada principal, Jorge, Paula e Hugo esperaban para contarnos co Kamishibai   Por que hai pedras no fondo do río?  que é un simpático conto africano encadenado no que ninguén quere ter a culpa así que a pedra coa que comeza a historia pide que a tiren ao fondo do río e a deixen tranquila.

 

 FELIZ  DÍA  DO  LIBRO!!!

 

CREAcción Día do Libro (23-04-2021)

   Desde a Asesoría de Bibliotecas Escolares de Galicia promoveron a realización de accións creativas para conmemorar o Día do Libro baixo o lema CREAcción.

 

   Para participar nesta campaña @s biblioaxudantes de 4º de Primaria gravaron dous poemas audiovisuais coa técnica de stopmotion e elaboraron os diferentes recursos: o grilo está impreso en 3D e pintado (Cricket by cerberus333), a gaiola está feita con tabliñas e escarvadentes, colorearon e decoraron a torre e os personaxes para que tivesen relevo...

 

 

 

 
 
 

 

   Esperamos que vos gusten!!

 

 

 

Música de fondo: 

http://recursostic.educacion.es/bancoimagenes/web/

https://incompetech.com/music/royalty-free/music.html

 

AS FAMILIAS CONTAN: Familia de Pilar (23-04-2021)

 

As familias contan tamén se suman á conmemoración do Día do Libro coa familia de Pilar.

 

    Maite e Pili  deixáronnos gravados varios capítulos do libro  Non te cases, papá!  de Fina Casalderrey que iremos compartindo un a un.

 

GUSTOUVOS?

QUEREDES  ESCOITAR COMO SEGUE A HISTORIA? 

NON VOS PREOCUPEDES, CONTINUARÁ...

 

UNHA EIRUGA MOI LARPEIRA: Día do Libro (23-04-2021)

     O alumnado de Infantil traballou o conto  Unha eiruga moi larpeira  de Eric Carle para conmemorar o Día do Libro e despois fixeron uns coloridos puntos de lectura que representan a esta eiruga que pasa todo o conto comendo ata que ao final se transforma nunha fermosa bolboreta.

 

Versión do conto: Nieves mf

 

LECTURAS PARA A SEMANA DO LIBRO 2020

    Seguimos propoñendo lecturas para a Semana do Libro.

   Hoxe compartimos a Tómbola de lecturas da Biblioteca Municipal León Gil. Nesta tómbola encontraredes máis de 80 lecturas para todas as idades, desde infantil ata adultos.
 
https://drive.google.com/open?id=1yeSrbVwUv_G_vEUW2nOPmhFWrZLftS46
 
   Para acceder aos libros que queirades ler só tedes que clickar na portada do libro e...
a disfrutar!!

DESDE A MIÑA VENTÁ.... (Abril 2020)

  Seguimos coas creacións dos alumnos de primaria para a actividade Desde a miña ventá...

  Hoxe compartimos as poesías de Ada (1º Primaria) e Cristian Dourado (3º Primaria).

 

DESDE A MIÑA VENTÁ.... (Abril 2020)

  Hoxe comezamos coas aportacións dos alumnos de primaria para a actividade Desde a miña ventá...

 Nesta publicación poderedes ler e escoitar o que ven desde as súas ventás Pablo (1º Primaria) e o seu irmán Hugo (4º Primaria).

 

 

Distribuir contido