Fin de curso

Fin de curso

n/d

FIN DE CURSO 2021 - 2022

    Hoxe finaliza un novo curso escolar que foi moi cambiante xa que comezamos cunha situación aínda complicada na que seguían activos os protocolos Covid (aulas burbullas, distancia interpersoal, uso obrigatorio de máscaras...) e acabamos case con normalidade.

    E no medio de todo isto, encontrábanse os nenos e as nenas que se tiveron que ir adaptando a todos estes cambios demostrándonos de novo que son uns superheroes e unhas superheroínas polo que todos os membros do Equipo Docente estamos moi orgullosxs deles.

   Así que o que toca agora é disfrutar do verán e das vacacións pois chegamos ao final do curso e é hora de que xs nenxs poidan pásalo ben sen preocuparse de estudar (aínda que sería ben que non se olvidaran de todo).

 

    Pola nosa parte, queremos desexarvos unhas BOAS  VACACIÓNS cunha adaptación da canción Vacas de Verán do grupo Uxía Lambona e a Banda Molona, do seu álbum Astronauta Sideral.

 

BO  VERÁN!!

 

 

FIN DE CURSO: TROUPELEAR (22-06-2022)

     Como actividade final do curso, a ANPA a través de FACAPEL organizou un sesión de baile e xogo para todo o alumnado do centro co grupo TROUPELAR.

 

 

Durante esta actividade o alumnado puido cantar, bailar e xogar...

todo o que necesitabamos para acabar o curso a todo ritmo!!

 

DESPEDIDA ALUMNADO DE 6º (CURSO 2021 - 2022)

  Inevitablemente, cada ano ao chegar o último día lectivo do curso, toca despedir ao alumnado de 6º de Primaria que remata a súa etapa no colexio.

   A Hugo, Lucas, Lucía e Pilar vímolos medrar desde infantil; eran pequeniñs como botóns!

 

 

    Pau incorporouse o curso pasado chegado doutra comunidade; pero non pensedes por iso que o imos a estrañar menos que aos demais; cada membro da comunidade educativa é igual de importante para nós e agora sodes un grupo de cinco ao que botaremos moito de menos como se puido comprobar na despedida de hoxe onde a emoción fixo que case todos acabaramos chorando.

 

 
 
 

 

 

  No seguinte podcast, podedes escoitar como se despiden eles de nós cunhas pequenas cartas nas que lembran o seu paso polo colexio; e no vídeo de abaixo, acompañamos as voces con algunhas imaxes para que lle poñades cara a quen está falando.

 

   Desexámosvos que sigades sendo bos rapaces e rapazas, que sexades moi felices tamén en Secundaria e que non teñades ningunha dificultade na nova etapa que empezades no instituto; pero se a tedes, recordade que SEMPRE PODEREDES CONTAR CONNOSCO  E  QUE  ESTE  É  O  VOSO  COLE!!

 

UNHA  APERTA  MOI  GRANDE  PARA TODXS!!

 

DIVIÉRTT PARK (21-06-2022)

     Por fin, despois da época Covid, retomamos as excursión de Fin de Curso!!

    Queriamos levar ao alumnado a un sitio divertido que non estivese condicionado polo tempo, así que finalmente decidimos ir a DivierttPark, un parque multiaventura de ocio interior en Santiago; e menos mal! Porque co que choveu ese día...

   O primeiro que fixemos ao chegar foi a merenda de media mañá para coller forzas para todo o que lles esperaba.

 

      Despois, repartidos en grupos, foron pasando por todas as zonas do parque: 

    1. Circuíto vial: espazo que imita á vía pública no que conducindo un coche ou triciclo deberán respectar as zonas sinalizadas con liñas, semáforos, sinais, pasos de peóns...

 

    2. Zona de baile: para mover o esqueleto seguindo diferentes ritmos.

 

    3. Zona de xogo: xogos de sempre e xogos máis novidosos para divertirse sen parar.

 

    4. Circuíto multiaventura e tirolina: formado por unha serie de obstáculos con dous niveis de dificultade como pontes, redes, cordas... os que superaron o segundo nivel puideron tirarse pola tirolina de 25 metros!

 

 

 

 

  Tras pasar máis de 3 horas divertíndose nos diferentes espazos do parque, chegou a hora de comer mentres desfrutábamos dun espectáculo de malabares.

 

 

Se queredes ver todas as fotos deste día: GALERÍA  DE  IMAXES 

 

FIN DE CURSO 2020 - 2021

  Finalizamos este ano escolar tan atípico con relativa normalidade, unha situación que aínda non nos permite xuntarnos para celebrar o fin de curso pero que non impide que este día sexa especial: as notas, a despedida dos de sexto, as merecidas vacacións de verán...

 

   Por iso quixemos gravar un vídeo que mostra a realidade vivida nestes últimos meses, nos que incluso con máscaras, hidroxel, distancia de seguridade e protocolos varios; chegamos ao final con éxito e ledicia!

 

      Grazas a toda a comunidade educativa e por suposto aos nenos e nenas que superaron os atrancos sen perder o seu espírito infantil e nos demostraron que aprender, rir, dar cariño, ser felices ou xogar cxs amigxs pode facerse incluso con máscara e distancia de seguridade.

 

     Desexámosvos unhas BOAS  VACACIÓNS porque aínda que co tempo que temos non o parece, ESTAMOS  NO  VERÁN!!

 

 
VÉMONOS  EN  SETEMBRO... 
 
 
UNHA  APERTA  MOI  FORTE!!!
 

DESPEDIDA ALUMNADO 6º (22-06-2021)

Cada etapa ten un principio e un fin e hoxe é o final da etapa de César, Brais, Zaira, Jorge e Paula no noso colexio.

Danos moita mágoa que marchedes pero non hai remedio porque os nenos e nenas tedes o costume de crecer! 

Que pequenos erades cando chegastedes a infantil e vos encontrastedes por primeira vez co cole e cun montón de compañeiros!

 

 

E a vós, os que fostedes vindo despois ao longo de primaria...

foron menos anos pero non por iso vos imos a estrañar menos que aos demais agora que marchades!

 

 

   Eso si, desexámosvos MOITO ÉXITO na nova andaina que empezaredes en setembro no instituto e esperamos que LEMBREDES  SEMPRE  QUE  ESTE  É  O  VOSO  COLE  E  QUE  NOS  TEREDES  AQUÍ  PARA  O  QUE  PRECISEDES!!

 

ATA  SEMPRE!!

 

 

DESPEDIDA DXS ALUMNXS DE 6º

   Debido ao final de curso tan excepcional que tivemos en xuño, tiñamos pendente despedirnos dxs alumnxs de 6º que xa están no instituto

   Estivemos esperando a ver se esta pandemia nos daba un respiro e podiamos facer un acto de despedida cos seus familiares, pero como xa case chegamos ao Nadal e a situación non mellora; decidimos facer un acto ao que so asistisen eles e os mestres que lle deramos clase.

    Durante este acto, visionamos unha recompilación de imaxes do seu paso polo colexio dende o curso 2011/2012 ata marzo do curso pasado.

 E aínda sen poder abrazalos nin achegarnos moito a eles, fixémoslle entrega das súas orlas, dun agasallo do colexio, da mochila e do diploma de biblioaxudantes e dun doce de Nadal.

 
DESEXÁMOSVOS  QUE   DE  AGORA  EN  DIANTE  SEXADES  MOI  FELICES,
 
SEMPRE  PODEREDES  CONTAR  CONNOSCO.
 
UNHA  APERTA  MOI  GRANDE!!
 

FIN DE CURSO E DESPEDIDA 2019/2020

   Se este fose un curso normal, hoxe sería un día de nervios para o noso alumnado: as notas, as actuacións do festival, a despedida dos de sexto, as vacacións de verán... pero por mor deste coronavirus que cambiou as nosas vidas é un fin de curso moi diferente.

    Por iso desde o claustro de mestres quixemos facer un vídeo para que esta despedida non sexa tan fría.

    Un vídeo no que queremos transmitirvos todo o cariño que desde as redes non se pode, recordar os momentos vividos antes do confinamento, despedir ao alumnado de sexto e sobre todo darvos  as grazas a vós polo voso esforzo e ás familias por terse convertido en mestres improvisados; sen o voso apoio, o noso traballo non sería posible.

    E agora si, agora rematamos o curso avisándovos de que o vídeo é un pouco longo porque vai cheíño de sentimentos como o agarimo, o orgullo que sentimos de vós ou a pena da despedida.

   Desexámosvos un bo verán e que nos atopemos todos sans en setembro para recibirvos cos brazos abertos e que o cole recupere os seus sons habituais que así, tan silencioso, da moita pena.

UNHA  APERTA  MOI  FORTE!!!

 

 

FESTIVAL FIN DE CURSO 2018/19

     Outro curso máis que remata...

     Para decirlle adeus ao 2018/19, preparamos un festival de fin de curso cheo de grandes actuacións de todos os nosos alumnos e alumnas que esperamos que vos gustaran moito.

     Se vos gustaron tanto como para repetir, podedes volver  a velas a continuación!!

 

 

 TAMÉN  PODEDES  ACCEDER  ÁS  FOTOGRAFÍAS  DO  FESTIVAL  NO  ENLACE:

GALERÍA  DE  IMAXES

Distribuir contido