Educación física
XINCANA DE PASCUA (12/4/2019)
Para irnos de vacacións de Semana Santa con bo sabor de boca, organizamos unha xincana na que todos os nosos alumnos e alumnas repartidos en equipos debían superar varias probas organizadas polo Equipo de Biblioteca e pola mestra de Educación Física.
ESCORNABOTS EN INGLÉS: nesta proba a teacher preparou varias tarxetas de vocabulario con imaxes e palabras xa traballadas na aula que estaban realacionadas con estas datas .
Con estas tarxetas de vocabulario colocadas no taboleiro, ela foilles facendo preguntas e dándolles definicións para que o alumnado adiviñara a qué casilla do taboleiro debían dirixir o escornabot.
OBRADOIRO DE POESÍA: neste obradoiro os grupos atopaban varias palabras coas que debían facer escribir unha poesía.
Despois de darlles unhas cantas voltas, saíron poesías ben rimadiñas!!
CARREIRA DE OVOS DE PASCUA: este xogo tradicional consiste en levar os ovos de pascua nunha culler que se suxeita coa boca... diversión asegurada!!
XOGANDO CON TANGRANS: os grupos de alumnos tiñan que enfrontarse a dous tipos de tangrans: o tangran clásico co que debían construír os coellos propostos e un tangran oval impreso na nosa impresora 3D que representaba o ovo de Pascua.
RUGIDOS Y OREJAS (Chih-Yuan Chen): para superar esta proba os nenos e nenas tiñan que estar moi atentos á lectura deste conto no que coñeceron a Orejas que é unha coelliña á que desde pequena lle ensinan a buscar comida nos prados e a escapar dos leóns e a Rugidos que é un león ao que lle ensinan a cazar coellos; pero... que pasará cando os dous se encontran unha tarde chuviosa?
PONLLE A COLA AO COELLO: un xogo xa coñecido no que por quendas, un membro do equipo debe poñerlle a cola ao coello seguindo as indicacións dos seus compañeiros.
CARREIRAS CON GLOBOS: para superar a pobra das carreiras con globos, debían correr por parellas suxeitando o globo coas partes do corpo propostas sen usar as mans.
Por cada proba superada, o grupo conseguía un par de pezas dun quebracabezas e sendo capaces de montalo, encontraban o reto final que os levaría ao tesouro de ovos de Pascua.
En Melilla hai tres,
en Madrid ningunha
e en Castela e Galicia unha.
Que é?
PROMOCIÓN "BÁDMINTON + PLUS"
Esta semana, os alumnos de 5º e 6º de Primaria recibiron a formación de bádminton que forma parte do programa de Promoción "Bádminton + Plus".
Da man de Jesús Gómez, Presidente do Club Escola Rosalía de bádminton de Vigo, o noso alumnado aprendeu conceptos como: a historia básica do bádminton (descubrindo que os galegos foron os pioneiros en España neste deporte); o material necesario; o agarre da raqueta e o seu manexo (golpes básicos, colocación e desprazamento dentro do campo...). Todo iso a través de xogos dinámicos e moi divertidos que fixeron que os nosos alumnos disfrutaran moito da actividade.
Para rematar, entregáronse unos agasallos aos participantes da actividade en forma de volante de bádminton fabricados coa impresora 3D do centro basándonos no deseño dun chaveiro de palawanisland dispoñible en thingiverse (https://www.thingiverse.com/thing:1348241) ao que engadimos unha base co nome do noso centro.
Desde o CEIP Plurilingüe Virxe do Carme queremos dar grazas a Jesús Gómez pola súa colaboración para achegar ao noso alumnado a este espectacular e complexo deporte.
CAMPIONATO DE TENIS DE MESA
Despois dun duro campionato de tenis de mesa, por fin temos ao noso gañador: parabén Manuel! Esperamos que goces do premio e que xogues moito este verán cos teus amigos.
CAMPIONATO DE TENIS DE MESA
Durante os meses de maio e xuño, os alumnos de 3º a 6º de primaria van xogar un campionato de tenis de mesa durante os recreos, onde o obxectivo é que os máis maiores, ensinen aos pequenos as normas e encárguense de arbitrar os partidos.
XOGAMOS AO BÉISBOL
Os alumnos de primaria estiveron traballando durante o mes de maio un novo deporte de equipo: o béisbol. Os máis pequenos de 1º e 2º comezaron aprendendo un deporte adaptado: o béisbol-pé. Os de 3º e 4º aprenderon a batear con raqueta para facilitar a área de golpeo. E os máis maiores, os de 5º e 6º, xa han bateado cunha bate de goma escuma como todos uns profesionais.
GRAN CIRCUÍTO DE SINAIS!!
E chegou o día para poñer a proba todo o aprendido durante o Proxecto de Educación Viaria.
Para iso, o alumnado do centro, cos seus carnés de puntos, tiveron que realizar un circuíto con sinais onde circularon coas súas bicicletas respectando as normas de seguridade viaria.
Ao final todos se gañaron unhas medallas en forma de bicicleta realizadas coa impresora 3D do centro.
Grazas a todas as familias pola súa colaboración!!
Proxecto Educación Viaria 2018
Esta semana continuamos co Proxecto de Educación Viaria nas clases de Educación Física. A través de distintos xogos e circuítos adaptados a cada nivel, os alumnos traballaron a habilidade, a axilidade e o equilibrio sobre a bicicleta, esenciais para poder desenvolverse con ela pola súa contorna próxima. Estarán preparados para o gran circuíto de sinais do próximo día?
DE MAIOR QUERO SER COMO CAROLINA MARÍN
No colexio de Sober apoiamos o deporte español e aos seus deportistas. Por iso, o pasado mes de abril estivemos a aprender as regras básicas do bádminton, deporte nos que destaca a xogadora onubense, Carolina Marín, que o pasado domingo fixo historia ao conseguir o seu cuarto título europeo consecutivo de bádminton tras derrotar na final á xogadora rusa Kosetskaya.
PROXECTO EDUCACIÓN VIARIA (25/4/2018)
Outro ano máis, en Educación Física, imos realizar as Xornadas de Educación Viaria co obxectivo de que os nosos alumnos aprendan os conceptos básicos para saber moverse como peóns ou coas súas bicicletas pola súa contorna próxima con seguridade.
Na nosa biblioteca estivo Sara Fuenteseca Teijeiro, a Coordinadora Provincial de Educación Viaria, que nos deu unha charla teórica, primeiro aos nenos de infantil e logo aos de primaria, sobre os contidos básicos de seguridade viaria.
Despois, durante o mes de maio, imos levar á práctica todo o aprendido a través de exercicios de equilibrio e dun gran circuíto con sinais de tráfico no pavillón.
Voleibol
Durante os mércores dos meses de Xaneiro e Febreiro, os nosos alumnos e alumnas de 5º e 6º de primaria están recibindo un monográfico de voleibol na asignatura de Educación Física grazas a colaboración da entrenadora Verónica Contreras Flores. Nesta Unidade Didáctica estánse traballando contidos como aprender a facer un bo quecemento de voleibol, os xestos técnicos de toque de dedos, antebrazo, saque, etc, e xogando partidos no pavillón co obxectivo de achegar aos nenos e nenas do centro un deporte que deberán practicar cando comecen a súa etapa no instituto.
