Música

X SEMANA DA MÚSICA (20 a 25/11/2022)

    Con motivo de Santa Icía, patroa da música, celebramos por décimo ano consecutivo a Semana da Música do noso colexio.

 

       Durante toda a semana, ían aparecendo na entrada da biblioteca diferentes probas para que o alumnado investigara e averiguara moitas cousas sobre a familia de instrumentos á que se lle adicou este ano a semana musical: A FAMILIA  DE  VENTO  MADEIRA.

 

 

     Para completar a actividade, o venres achegáronse ao centro Laura Rodríguez e Luis Fernández, nai e pai das nosas compañeiras Mencía e Candela, ámbolos dous mestres de clarinete.

 

    Con eles coñecemos moitas cousas sobre estes instrumentos: as súas partes, a súa historia, as cualidades do seu son e outros instrumentos da familia como o requinto ou o clarinete baixo.

 
   Outra cousa que aprendemos foi a importancia da respiración para tocar un instrumento de vento así que fixemos algúns exercicios para practicar a respiración profunda e intentamos tocar cunhas palliñas.

 

   A actividade tamén contou coas alumnas do colexio que tocan instrumentos de vento-madeira (Yanira, Libertad, Iria, Mencía, Candela e Silvia), entre todos ofrecéronnos un concerto durante o que interpretaron varias obras.

 

 
 
 
    Para rematar, Laura e Luis foron os encargados de facer entrega dos agasallos aos participantes no certame de investigación e os premios aos que mellor o fixeron.

 

 
Moitas grazas Laura, por este tempo e por todas as túas explicacións tan didácticas!
 
Moitas grazas Luis, por sacar un ratiño da alcaldía para estar con nós!
 
Moitas grazas compañeiras, por compartir a vosa arte cos demais nenos e nenas do cole!
 

 

 

CONCERTO DIDÁCTICO - Sociedade Filarmónica de Monforte de Lemos

      O alumnado de 5º e 6º de Primaria asistiu o venres, día 14, ao concerto didáctico organizado pola Sociedade Filarmónica de Monforte de Lemos: O violín na Arte dende o Barroco ata hoxe. Un concerto ao que fomos invitados pola filarmónica debido á colaboración entre esta sociedade e o Concello de Sober.

 

  Neste concerto, o violinista albanés Florian Vlashi, fixo un percorrido pola música dende o Barroco ata a actualidade interpretando obras de autores representativos destes 500 anos de historia como Bach, José Herrando ou Pablo Sarasate.

 

    Ademais a música combinábase cunha proxección de cadros nos que aparecía o violín correspondentes á etapa histórica de cada obra: Rafael, Caravaggio, Monet, Picasso, Dalí...

 

  Durante o concerto o alumnado puido escoitar obras interpretadas a dúo (violín e violonchelo) e obras para violín solista nas que coñecemos tres tipos de violíns diferentes: o violín da época barroca con cordas de tripa, o violín que coñecemos na actualidade e o violín eléctrico.

 

   Dámoslle as grazas a Sociedade Filarmónica de Monforte por organizar este concerto que resultou unha experiencia moi enriquecedora para o noso alumnado.

 

 

GALERÍA  DE  IMAXES

 

IlustrarNÓS: Os nosos ilustres instrumentos

   Esta semana o alumnado de 3º e 4º de Primaria participou no obradoiro OS  NOSOS  ILUSTRES  INSTRUMENTOS  dentro da campaña  IlustrarNÓS organizada pola Deputación de Lugo e solicitada pola ANPA.

 

   Juan A. Álvarez  foi o encargado de presentarnos un montón de instrumentos tradicionais galegos de percusión uns máis coñecidos como o tamboril, o pandeiro ou a pandeireta e outros máis descoñecidos como a pandeira ou o charrasco. Tamén nos amosou como facer música con obxectos que non son instrumentos como as piñas ou as cunhas

 

   Pola súa banda, a ilustradora Laura Romero ensinounos a darlle vida aos instrumentos poñéndolles rostro e corpo.

 

 

  Na segunda parte do obradoiro, deixamos os instrumentos de percusión e coñecemos o pícolo, a gaita e a zanfona.

 

 

   E rematamos volvendo a debuxar, desta volta convertemos a gaita nun parrulo seguindo o exemplo de Laura; así nas nosas ilustracións podedes ver un  instrumento de percusión escollido polo alumnado e a gaita.

 

 

MOITAS  GRAZAS  POLA  ORGANIZACIÓN  DESTAS A CTIVIDADES  TAN  INTERESANTES!!

SEMANA DA MÚSICA - 2021: INSTRUMENTOS DE VENTO

 

    Como xa vén sendo tradición, polo mes de novembro coincidindo co día de Santa Icía, celebramos a Semana da Música que este ano cumpre 9 edicións. 

    Nesta ocasións contamos con dúas músicas invitadas ben coñecidas por todos: Lucía Rodríguez que toca o clarinete e Pilar Vence que toca a trompa. Nos seguintes vídeos poderedes coñecer os seus instrumentos, escoitalos e saber máis sobre elas.
 
 
   
 
 
    Despois de gravar o vídeo,  elas foron por todas as aulas do colexio para que os compañeiros e compañeiras puidesen escoitar e ver o seu instrumento en primeira persoa. Unha experiencia musical diferente e estupenda para achegar a música ao noso alumnado!!
 

 

   Outra das actividades da Semana da Música é o certame no que lle propoñemos ao alumnado preguntas sobre os diferentes instrumentos para que investiguen e descubranmoitas cousas sobre a familia de instrumentos aos que se lle adicou este ano a semana musical: o VENTO. Para rematar a semana, fixemos entrega dos premios aos nenxs que responderon correctamente e a todos os demais un agasallo por participar.

 

 

 

FELIZ  SEMANA  DA  MÚSICA!!
 
 

 

SANTA ICÍA - SEMANA DA MÚSICA 2021

 

    Como xa vén sendo tradición, polo mes de novembro coincidindo co día de Santa Icía, celebramos a Semana da Música que este ano cumpre 9 edicións.  

    Nesta ocasións contamos con dúas músicas invitadas ben coñecidas por todos: Lucía Rodríguez que toca o clarinete e Pilar Vence que toca a trompa. Nos seguintes vídeos poderedes coñecer os seus instrumentos, escoitalos e saber máis sobre elas.
 
 
   
 
 
    Despois de gravar o vídeo,  elas foron por todas as aulas do colexio para que os compañeiros e compañeiras puidesen escoitar e ver o seu instrumento en primeira persoa. Unha experiencia musical diferente e estupenda para achegar a música ao noso alumnado!!
 

 

 

   Outra das actividades da Semana da Música é o certame no que lle propoñemos ao alumnado preguntas sobre os diferentes instrumentos para que investiguen e descubranmoitas cousas sobre a familia de instrumentos aos que se lle adicou este ano a semana musical: o VENTO. Para rematar a semana, fixemos entrega dos premios aos nenxs que responderon correctamente e a todos os demais un agasallo por participar.

 

 

 

 

 

FELIZ  SEMANA  DA  MÚSICA!!

 

A MEMORIA DO SON (5/11/2021)

 

   Os nenos e nenas de 5º e 6º asistiron á inauguración da mostra "A Memoria do Son". Este acto levouse a cabo na Casa da Cultura do Concello das mans do deputado provincial, Efrén Castro, do director da Colección de Instrumentos e comisario da exposición, Luciano Pérez, e do alcalde de Sober, Luis Fernández Guitián.

    Esta exposición reúne réplicas de instrumentos musicais medievais que se podían ver e escoitar nos séculos XII e XIII en Galicia e réplicas de instrumentos esculpidos en pedra no Pórtico da Gloria da Catedral de Santiago de Compostela e no Pazo de Xelmírez.

 

    Pero xs nosxs alumnxs non só puideron ver estes instrumentos, tamén puideron tocar un deles seguindo o esquema que se atopaba debaixo das súas cordas. Así soaron pezas como Santa María, Strela do día de Alfonso X "O Sabio"

 

   Para rematar agasalláronnos cuns quebracabezas e varios pasatempos, o libro da exposición para a biblioteca e participaron nun obradoiro con Luciano no que fixeron o seu propio instrumento partindo dunha abelá. 

 

  Primeiro líxase a abelá o máis perpendicular posible ata chegar ao froito.
 
 
 
   Segundo baleirámola cun clip ata que quede oca
 
 
 
 Terceiro e último sopramos dentro para conseguir que soe como se fose un chifre.
 

   

Xa temos listo o noso instrumento natural de vento!!
 

 

 

ACTIVIDADES MÚSICA: FIN DE CURSO

    Pouquiño a poquiño foi chegando o fin deste curso tan raro...

    Pero desde música non podemos  despedirnos con tristura e por iso quero deixarvos unhas últimas coreografías para rematar con enerxía.

     A primeira dedicada ao verán e a segunda porque moitos de vós estades realmente felices de que remate o curso, verdade?

 

UNHA  APERTA  MOI  FORTE

E BO  VERÁN!!

 

ACTIVIDADES DE REPASO: TRIVIAL MUSICAL

   Esta semana propóñovos un xogo de repaso final antes de que remate o curso: un TRIVIAL MUSICAL co que repasaremos ritmo, audición, figuras, instrumentos...

     Quizáis a parte máis difícil sexa a de compositores porque non nos deu tempo de ver moitos pero non vos desanimedes!!!

MOITA  SORTE!!

 

ACTIVIDADES DE MÚSICA

     Esta semana faremos un repaso xeral dos aspectos máis importantes do curso con dous cuestionarios. 

 

Os/As de 1º, 2º e 3º só tedes que facer o voso cuestionario

 

Os/As de 4º, 5º e 6º tedes que facer os dous
 

    Cando os fagades, mandádeme ao correo floragrande@gmail.com o "pantallazo" final, onde se ve se superástedes a actividade ou non.

https://es.educaplay.com/recursos-educativos/5930573-repaso_do_curso_1_2.html

  

https://es.educaplay.com/recursos-educativos/5942275-repaso_4_5_y_6.html

     Por último, como levamos dúas semanas facendo percusión corporal, esta semana cambiamos e propóñovos uns bailes de "Just Dance".

     Para os máis pequenos que vos parece mover o corpo a ritmo de Baby Shark?

    Para primaria a proposta é High Hopes do grupo Panic!

 

     Non fai falla que enviedes vídeo nin imaxes destes bailes porque é soamente para que vos divirtades e vos movades un pouco a ritmo e así tamén dou tempo aos que tedes actividades pendentes de poñervos ao día.

 

SAÚDOS MUSICAIS!!

ACTIVIDADES DE MÚSICA

Esta semana en música os de 1º, 2º e 3º repasaremos a CLAVE DE SOL, o PENTAGRAMA, as NOTAS e as FIGURAS cos exercicios que tedes a continuación.

    

  

 

 

 Os de 4º, 5º e 6º repasaremos os MATICES e o TEMPO
Podedes recordalos nestas táboas antes de facer as actividades.

Tamén podedes facer as actividades de 1º, 2º e 3º para repasar. Nunca sobra!

 https://es.educaplay.com/recursos-educativos/585830-matices.htmlhttps://es.educaplay.com/recursos-educativos/5618501-practica_los_matices.html

 
https://es.educaplay.com/recursos-educativos/5221804-los_matices_musicales.htmlhttps://es.educaplay.com/recursos-educativos/5308641-por_parejas.html
 
https://es.educaplay.com/recursos-educativos/5855810-tempo.html      https://es.educaplay.com/recursos-educativos/5855715-tempo.html
 
https://es.educaplay.com/recursos-educativos/5494130-deduce_el_tempo_o_velocidad.htmlhttps://es.educaplay.com/recursos-educativos/5809527-indicaciones_de_tempo.html
 
 
Por último déixovos este vídeo para INFANTIL e PRIMARIA.
Como a semana pasada recibín uns vídeos estupendos da Marcha Turca de Mozart, esta semana propoño unha obra de Beethoven: Contradanza nº 5 que podedes enviar ao meu e-mail: floragrande@gmail.com
 
 
Distribuir contido