Xornadas micolóxicas
SAÍDA MICOLÓXICA (26-10-2021)
A Agrupación Pingadouro e o Concello de Sober organizaron unha xornada micolóxica para o noso alumnado que incluía unha saída polos arredores do colexio para buscar setas e cogomelos acompañados por Ramón Losada (micólogo da Asociación Micolóxica de Madrid).
Aínda que tivemos que ir ben abrigadiños e que había algo de néboa, os nenos e nenas pasárono xenial entre follas, árbores e arbustos desfrutando das cores propias do outono e das especies que ían atopando.
Mirade que panda de micólogos máis riquiños e riquiñas eramos!!
Pero a actividade non rematou coa andaina senón que ao chegar ao colexio coa axuda de Ramón, nomeamos as setas e cogomelos atopados e clasificamolas en especies tóxicas (cartel vermello), comestibles (cartel verde) e especies que non tóxicas pero que tampouco aportan como alimento (cartel vermello).
Para saber máis podedes consultar o libro da biblioteca: El mundo de las setas de Gerad Houdou.
Recordade que, se queredes, podedes participar no Concurso de Debuxo organizado polo Concello de Sober.
Para participar tedes que facer un debuxo no que aparezca algunha seta ou cogumelo (unha paisaxe, unha seta, uns ananos vivindo nunha seta... calquera cousa que vos apeteza!) e presentar as vosas creacións o domingo día 7 de novembro na Casa da Cultura do Concello ás 16:00 horas. Só por participar teredes un agasallo!
XORNADA MICOLÓXICA (13/11/2018)
A Agrupación Pingadouro organiza como cada ano unhas xornadas micolóxicas en Sober nas que se inclúe unha xornada didáctica cos nenos e nenas de primaria.
Coas cestas preparadas e acompañados por Ramón Losada (micólogo da Asociación Micolóxida de Madrid), saímos polos arredores do colexio para buscar setas e cogomelos entre as herbas, as pedras, as árbores...
Xa coas cestas cheas voltamos ao colexio onde, coa axuda de Ramón e consultando libros sobre setas, diferenzamos as especies tóxicas (mantel vermello) das non tóxicas (mantel branco) e puxémoslles etiquetas cos seus nomes.
Despois o micólogo fixo unha explicación sobre elas, as súas propiedades, os seus perigos, as súas partes, como diferenzalas... e respostou a todas as dúbidas dos nosos alumnos ademais de pasar polos estudos de Radiuvín para ser entrevistado por Aitana, Mara e Uxía.
XORNADAS MICOLÓXICAS 2015
Como estaba previsto, hoxe pola mañá os nosos nenos e nenas, saíron aos arredores do colexio para recoller setas e cogomelos.
Esta actividade gústalle moito ao noso alumnado que disfruta pescudando entre as árbores, as matas, as pedras... ata encontrar exemplares de todo tipo e tamaño:
Nesta xornada acompañounos Ramón Losada Pérez tanto na saída ao campo como na súa posterior clasificación e explicación. Foi un pracer contar coa súa presenza polo que desde aquí queremos darlle as grazas por pasar con nós este día.
Se queredes ver máis fotos desta xornada tan interesante na que aprendemos moitas cousas e o pasamos moi ben,
podedes premer no enlace seguinte:
Para recordar algunhas das cousas aprendidas hoxe, podes premer na seguinte imaxe:
Tamén podes ler o fermoso libro que fixeron os nenos e nenas de Educación Infantil, recollendo todo o aprendido; seguindo o enlace da imaxe:
XORNADAS MICOLÓXICAS 2015
Enviado por floragrande o Xov, 05/11/2015 - 17:17 13/11/2015 10:00
Europe/Madrid
O VENRES DÍA 13 DE NOVEMBRO
SAIREMOS COMA TODOS OS ANOS A RECOLLER SETAS.
DESPOIS CONTAREMOS COA PRESENZA DUN MICÓLOGO QUE NOS FALARÁ DOBRE ELAS
XORNADAS MICOLÓXICAS - 2014
Dentro das Xornadas Micolóxicas de Sober organizadas pola Agrupación Micolóxica Pingadouro e o Concello de Sober, hoxe celebrouse a Xornada Micolóxica do noso colexio.
Pero este ano, a xornada veu acompañada de mal tempo; por iso, nun primeiro da momento tivemos que quedar na biblioteca escoitando ao micólogo RAMÓN LOSADA da Asociación Micolóxica de Madrid.
Co que el nos explicou fixemos uns debuxos moi fermosos de setas e de paisaxes de outono.
Despois aproveitamos un momentiño que escampou para saír a buscar cogumelos para a nosa exposición:
Podedes ver todas as imaxes premendo no seguinte enlace:
XORNADA MICOLÓXICA 2013
Como cada ano nesta época, os nenos e nenas de Primaria saímos polos arredores do centro para recoller todo tipo de cogumelos de cantas especies atopamos e así intentar coñecelos mellor.
O chegar ao centro fixemos unha pequena exposición con tódolos cogumelos atopados; pero este ano o micólogo que nos ía acompañar encontrouse mal e non puido vir a explicarnos todo o que queriamos saber, así que esta charla queda pendente para outro día.
Se queres ver tódalas fotos desta excursión preme aquí.
XORNADAS MICOLÓXICAS 2012
Estamos en novembro e como cada ano a asociación soberina Pingadouro organiza actividades micolóxicas para dar a coñecer o mundo dos cogomelos.
Unha destas actividades é a que celebramos no colexio e que consiste nunha saída polos arredores do centro para recoller todo tipo de cogomelos de cantas especies atopemos, despois o micólogo Alfonso Rey Pazos explicaranos as súas cualidades e características ademais de axudarnos a distinguir se son boas ou tóxicas. Nesta actividade tamén participan os alumnos da Escola de Hostelería de Rosende
XORNADAS MICOLÓXICAS 2011
Aínda que hoxe é un día frío e con moita néboa, abrigámonos ben e como cada ano saímos polos arredores do noso colexio para buscar e recoller setas e cogumelos.
Ao voltar un micólogo (que é unha persoa que sabe moito de setas) explícanos moitas cousas sobre elas a nós e aos alumnos e alumnas da Escola de Hostelería de Rosende.
XORNADAS MICOLÓXICAS 2010
Novembro é época de setas e cogumelos pero é necesario coñecer ben estes seres vivos para non ter problemas á hora de comelos.
Queremos achegarnos un pouco máis a este mundo tan amplo; por iso, organizamos unha saída ao entorno do centro para buscar o maior número de especies posibles. Despois un micólogo experiementado veu a explicarnos as súas características e ensinarnos a diferenciar algunhas das súas especies.
