Os Reis Magos saben que os nenos e as nenas do noso colexio se portan moi ben na biblioteca e que fan moitas cousas nela: estudan, crean, experimentan, xogan, len, investigan, descobren, crean... e por iso, hoxe ao volver das vacacións de Nadal, atopamos un montón de agasallos!

   Entre os agasallos atopamos libros, recursos para o recuncho creativo, xogos para coñecer o mundo, xogos lóxicos... unha morea de novidades que a partir de hoxe mesmo xa están dispoñibles na biblioteca!

 

 

      O día 4 de xaneiro entregáronse os Premios do Certame de Nadal da Biblioteca Pública Municipal de Sober, un certame no que sempre participamos enviando as postais de Nadal que o noso alumnado fai no colexio.

    O alumnado de educación infantil fixo unhas postais cunha coroa de Nadal decorada con bolas de plastilina de cor vermello e uns lazos impresos en 3D  (by Colorme3D)

 

   O alumnado de Primaria fixo diferentes modelos: con estrelas deseñadas en tinkercad, con folerpas de neve (by amidata), con rolos de papel hixiénico...

 

   Ademais de darlle ambiente de Nadal á biblioteca, as postais estiveron expostas na Casa da Cultura do Concello durante todas as vacacións participando no Certame de Nadal. Por esta participación, a Biblioteca Pública Municipal agasoullos cun diploma e un vale para A Libraría da Proencia co que mercaremos algúns fondos novos para a biblioteca.

    Cos nosos mellores desexos para estas festas, o Equipo de Biblioteca e toda a Comunidade Educativa do CEIP Plurilingüe Virxe do Carme; elaboramos unha felicitación coa panxoliña  O MEU AGASALLO  ES TI   de Plan Siberia.

   Nesta panxoliña seguimos traballando por unha biblioteca e unha sociedade inclusiva; por iso, ademais das imaxes dos/das participantes engadimos a letra e pictogramas.

    Despois de dous anos sen reunirnos debido á pandemia, hoxe puidemos volver a festexar o noso festival de Nadal coas familias.

   Este festival precha a primeira avaliación e dá paso ás vacacións de Nadal desfrutando das actuacións de todos os nenos e nenas do colexio.

   Compartimos con vós os vídeos das mesmas esperando que vos gustaran moito!!

 GALERÍA  DE  IMAXES

    Un ano máis o Concello de Sober organizou a visita de Papá Noel ao noso colexio e un ano máis foi unha visita moi emocionante para os nosos nenos e nenas pero tamén para os adultos porque non hai nada máis bonito que ver a súa ilusión e as súas caras de felicidade cando o ven chegar e se achegan a el; por iso queremos compartir as imaxes deste encontro, compartindo así a súa ilusión con todos vós.

    Na galería de imaxes atoparedes todas as fotos de cada neno/a e por grupos familiares aínda que faltan algúns que lle tiveron medo e non se quixo achegar a Papá Noel.

MOITAS  GRAZAS  AO  CONCELLO  POR  ORGANIZAR  ESTA  VISITA  TAN  ESPECIAL!

GALERÍA  DE  IMAXES

     Cada ano gústanos facer algo novo para a nosa árbore de Nadal e cada ano queremos que estes adornos estén relacionados coa creatividade e a reciclaxe ou reutilización; os de este Nadal están feitos con diversos materiais.

    O alumnado de infantil utilizou tiras de rolos de papel hixiénico pintadas e goma eva para facer uns adornos con forma esférica.

Os nenos e nenas de 1º de Primaria utilizaron goma eva para facer uns lazos moi fermosos.

O curso de 2º de primaria reutilizou CD's para facer uns adornos cuns simpáticos renos.

En 3º de primaria tamén utilizaron rolos de papel hixiénico pintados pero eles cortaron cilindros aos que lle deron forma puntiaguda para despois unilos e facer unha estrela.

As botellas de plástico foron as utilizadas polo alumnado de 4º de primaria. Se vos gustan estes agasallos tedes que facer como eles: cortar as botellas e utilizar a parte inferior das mesmas pintándoas con tonos azuis, brancos e dourados.

Para rematar, os alumnos e alumnas de 5º e 6º de primaria fixeron uns mini gorros de la tomando como base un cilindro dun rolo de papel hixiénico. Sobre estes cilindros tiveron que ir facendo nós con tiras de la de diferentes cores para que quedaran estes gorros tan bonitos. Se queredes saber como se fan podedes ver o titorial.

  Con todos estes adornos rematados, xa só quedaba colgalos na árbore e desfrutar dela durante o tempo de Nadal.

     Hoxe entregáronse os Premios do Certame de Nadal da Biblioteca Pública Municipal de Sober, un Certame no que sempre participamos enviando unhas fermosas postais de Nadal!

    O alumnado de infantil fixo unhas postais moi divertidas picando a cara de Papá Noel para poñer a súa. Resultoulles moi gracioso aos cativos do cole verse coas barbas brancas!

      O alumnado de primaria, utilizou para completar as súas postais obxectos impresos en 3D na nosa biblioteca. Algúns descargados de thingiverse (lazos by Colorme3D e  folerpas de neve by Aircool2017) e outros deseñados en tinkerkad.

 

    E así de fermosas quedaron!

 

   Tamén deseñaron unhas estrelas de Nadal a través de tinkercad coas que desexar un Feliz Aninovo a todxs!

Ademais de darlle cor a nosa biblioteca, as postais tamén puideron verse durante todas as vacacións de Nadal na BPM xa que estiveron expostas na Casa da Cultura do Concello.

   Pola participación neste Certame, a Biblioteca Pública Municipal agasoullos cun diploma e un par de sorpresas que o noso alumnado poderá disfrutar na nosa biblioteca!

 

    Como cada ano o Concello de Sober organizou a visita de Papá Noel ao noso colexio; unha visita moi emocionante porque non hai nada mellor que ver a ilusión dos nosos nenos e nenas cando o ven chegar e poden entregarlle as súas cartas e recibir unha bolsa de chuches da súa man.

    No enlace GALERÍA  DE  IMAXES ou clickando na imaxe podedes ver as fotos de Papá Noel con todo o noso alumnado.

   Hoxe remata a primeira avalición e chega o Nadal, pero antes de irnos de vacacións queremos felicitar a toda a comunidade educativa e para iso, desde o Equipo de Biblioteca, elaboramos este videofelicitación coa panxoliña Un bo Nadal do grupo King Kids.

  Acompañamos a panxoliña coa letra e pictogramas porque nos parece moi importante continuar co traballo en prol dunha biblioteca e dunha sociedade inclusiva.

QUE  PASEDES  UN  BO  NADAL!!