2015/2016
BENVIDOS TAMÉN A BIBLIOTECA! (14 - 09 - 2015)
Comeza un novo curso TAMÉN NA BIBLIOTECA e con el un novo lema e un novo cartel para a campaña anual de bibliotecas escolares da Consellería de Cultura, Educación e Ordenación Universitaria:
"BIBLIOTECA ESCOLAR, BASE DE EXPLORACIÓNS"
A imaxe do cartel é do ilustrador e autor de cómic Fran Bueno e pretende espertar o interese pola bibioteca que debe ser a base desde a que explorar o mundo real e os mundos imaxinarios a través de todos os seus recursos.
Esperamos que a biblioteca sexa este curso un espazo para a investigación individual e para o traballo en equipo; un espazo integrador cheo de oportunidades e aprendizaxe; en definitiva, un espazo que chama a traballar coa información, a mirar fóra, a facerse preguntas e pescudar posibles respostas, a interesarse polo outro, polo diferente, polo alleo; a estudar xeografías e inventar rutas para novas aventuras; a coñecer as viaxes que fixeron os grandes exploradores e aquelas outras que, cada día, botan ao camiño a milleiros de persoas na procura dun mundo máis xusto.
Convidamoste a explorar o mundo e a compartir o aprendido.
Texto: Asesoría de Bibliotecas Escolares
O NOSO ENTROIDO NA PRENSA
Na seguinte imaxe podedes ler a reseña de prensa publicada por El Progreso no seu suplemento Ribeira Sacra do día 27 de febreiro de 2015; na que adican toda unha páxina ao noso entroido.
En Común, 2ª Quincena de Febreiro 2015
- « primeira
- ‹ anterior
- 1
- 2
- 3
- 4
- 5
- 6
![RSS - 2015/2016 Distribuir contido](/centros/ceipvirxedocarmesober/misc/feed.png)