2015/2016
XII CONCURSO CUENTOS SOLIDARIOS. FUNDACIÓN UN JUGUETE, UNA ILUSIÓN - 2015
Despois dun gran traballo de investigación por parte dos alumnos sobre o cambio climático e as súas consecuencias, e dun gran traballo de redacción e ilustración do conto; os alumnos de 1º e 2º acaban de verse recompensados coa súa elección como finalistas nacionais do XII Concurso de contos Solidarios da campaña Un juguete, una ilusión.
Desde o Equipo de Biblioteca, estamos moi orgullosos do traballo realizado por estes nenos e nenas; tanto como polo realizado polos seus compañeiros e compañeiras de 5º e 6º que aínda que non chegaron a ser finalistas, tamén se esforzaron moito na elaboración do seu conto.
No seguinte enlace podedes recordar o conto de 1º e 2º:
Se vos gustou, podes votar por el seguindo uns sinxelos pasos:
1) Vai a páxina www.unjugueteunailusion.com/concurso-de-cuentos/
2) Desplega o menú: CUENTOS FINALISTAS PRIMER CICLO
3) Marca o círculo que está diante do noso centro Colegio CEIP Plurilingüe Virxe do Carme
4) Preme no cadrado VOTAR
Podes votar unha vez desde cada dispositivo: móbil, tablet, ordenador...
PARABÉNS AOS NENOS E NENAS!!!!
PREMIOS DO CONCURSO DE RECICLÓN - 2015
Hoxe tivemos unha sorpresa na biblioteca!!
Xa podemos disfrutar dos premios que nos chegaron cos cartiños que se gañaron o ano pasado no concurso "Un bosque de cuento" organizado por Reciclón.
Mirade cantas cousas novas para a nosa biblioteca: tablets, dicionarios, atlas, libros, xogos, agasallos para os gañadores, xogos de sombras con personaxes de contos...
Podedes volver a escoitar o conto no seguinte vídeo
XII CONCURSO CUENTOS SOLIDARIOS. FUNDACIÓN UN JUGUETE, UNA ILUSIÓN - 2015
Xa temos os contos resultantes do XII Concurso de Cuentos Solidarios da Fundación Un juguete, una ilusión.
Con estes contos preséntamos ao concurso; pero gañemos ou non, o Equipo de profesores de Biblioteca estamos moi contentos co traballo feito polo noso alumnado que se esforzou moito tanto no texto coma nas ilustracións.
TODOS CONTRA EL CAMBIO CLIMÁTICO é o conto que representa ao alumnado de 1º e 2º.
O XOGO E O CAMBIO CLIMÁTICO é o conto que representa ao alumnado de 5º e 6º.
Para velos, só tes que seguir o enlace das imaxes:
CERTAME CREACIÓN LITERARIA: A BRUXA TOLA - Samaín 2015
Como xa sabedes, dentro da celebración do Samaín / Halloween; había un apartado dedicado á creación literaria.
O desafío deste Certame de Creación literaria era o seguinte: partindo do principio do conto A bruxa tola de Josep Gregori, deberían rematar a historia utilizando o seu maxín.
Se premedes na imaxe poderedes acceder ás historias escollidas.
SAMAÍN - HALLOWEEN (2015)
O día 31 de outubro festéxase a festa de Samaín ou Halloween; como non imos a estar no centro ese día, adiantamos a súa celebración.
Este ano fixemos tres actividades diferentes: lectura e creación literaria de contos de medo e a exposición de cabazas.
Lectura de contos de medo: durante toda a semana, tivemos o punto de interese cheíño de libros e contos adicados a esta celebración. Pero en vez de estar na biblioteca, estivo na entrada do colexio onde todo o mundo podía pararse a ver os libros para lelos nos tempos de ocio ou levalos en préstamo.
Hoxe pola tarde, Ángel e Aroa alumnos de 5º e 6º de Primaria nos contaron ao resto do colexio o conto Os tres bandidos onde os bandidos acaban non sendo tan malos como parecían.
Creación literaria: despois de reflexionar como os contos ás veces non teñen os finais esperados; propoñémoslle ao noso alumnado un desafío de creación literaria: partindo do principio do conto A bruxa tola de Josep Gregori, deberán rematar a historia utilizando o seu maxín. Esperamos que despois desta ponte, as historias que nos traian sexan sorprendentes.
Exposición de cabazas e outros obxectos terroríficos: unha das actividades que máis lles gusta aos nenos é a exposición de cabazas ou lucecús terroríficos. Aquí tedes unha foto da exposición deste ano e dos morcegos que elaboraron con material de refugallo.
Se queredes ver mais fotos desta celebración ou ver a cada neno coa súa cabaza, premede no enlace:
DÍA DA BIBLIOTECA 2015
Dentro das actividades previstas para este día na biblioteca, contamos coa presenza de Estefanía Padullés a autora e ilustradora de libros infantís.
Esta autora contoulles aos nenos e nenas de Educación Infantil e 1º e 2º de Primaria, o conto do seu libro O desexo do gato Klops. Os alumnos disfrutaron moito desta narración e puideron ver da man da súa autora as ilustracións orixinais feitas a acuarela.
Antes de marchar, a autora adicounos o seu libro, e unhas verbas para o noso colexio
Por outra banda, os alumnos de Primaria asistiron ao taller: Como se fai un libro? no que Laura Rodríguez, representante de Hércules Edicións lles explicou todo o proceso de elaboración dun libro, desde o autor ata a librería; pasando polos ilustradores, tradutores, imprentas...
Tamén Laura nos adicou unhas verbas no libro de Lectuvín:
DECORANDO AS VENTÁS DA BIBLIOTECA (16 - 10 - 2015)
Queremos empezar con alegría o novo curso na biblioteca,
e que mellor que decorar as ventás cuns libros tan ledos?
DÍA DA BIBLIOTECA (23 - 10 - 2015)
Enviado por floragrande o Mar, 13/10/2015 - 16:57 23/10/2015 11:00
Europe/Madrid
Para conmemorar o Día da Biblioteca, este ano teremos na biblioteca do centro dúas actividades moi interesantes.
Para os de Educación Infantil e 1º e 2º de Primaria; teremos unha sesión con Estefanía Padullés; autora e ilustradora de libros infantís como O desexo do gato Klops que xa está dispoñible na biblioteca.
O alumnado de 3º, 4º, 5º e 6º de Educación Primaria participarán no taller: Como se fai un libro? no que durante unha hora coñecerán todas as fases polas que pasa un libro: dende a súa orixe na mente dun escritor ata que chega ás librarías.
