2015/2016
DÍA DO LIBRO: 400 ANOS DO FALECEMENTO DE SHAKESPEARE e CERVANTES
O Día do Libro; o mundo das letras ten unha cita moi importante xa que é o 400° aniversario do falecemento de dous autores importantísimos da literatura universal, o inglés William Shakespeare e o español Miguel de Cervantes.
Ambos morreron o 23 de abril de 1616 e por iso, o 23 de abril foi consagrado como o Día Internacional do Libro en homenaxe a estes dous autores que nos legaron personaxes tan emblemáticos e vixentes como Don Quixote, Otelo, Hamlet, Sancho Bandullo, Lady Macbeth, Dulcinea...
Se clickas nas seguintes imaxes poderás seguir aprendendo moito sobre Don Quijote: obras, personaxes, aventuras, xogos... como xa fixemos na biblioteca
OS ECOSISTEMAS: UN POUCO DE INVESTIGACIÓN
Dentro do Proxecto Voz Natura deste ano, propuxémonos investigar sobre os ecosistemas para dar resposta a moitos interrogantes:
Que é un ecositema?
Quen o forma?
Que factores inflúen nel?
Os ecosistemas de Galicia
O ecosistema de Sober
Para dar resposta a estes interrogantes propoñémosvos a seguinte webquest: ADIANTE!!
Nas seguintes imaxes podedes ver ao alumnado investigando:
E aquí o resultado da súa investigación exposto de tres maneiras diferentes:
Grupo 1: Os ecosistemas (Mural e exposición oral na biblioteca)
Grupo 2: Parques Naturais de Galicia (Imaxe interactiva)
Grupo 3: O ecosistema da nosa comarca (ISSU)
ENCONTRO CON DANI VIÉITEZ E IRIA IGLESIAS
"O raposo Rufo é un raposo moi peculiar que vive na fraga rodeado de amigos cos que vive moitas aventuras"
Os seus creadores son Dani Viéitez e Iria Iglesias que hoxe viñeron á biblioteca para conmemorar con nós o Día do Libro Infantil e contarlles aos nosos nenos e nenas o proceso de creación de Rufo e o resto dos seus amigos: o gato Valentín, o caracol Manolo, a coelliña Lili... e como estas historias se transforman de ideas a libros: texto, bocetos, ilustracións....
Ademais de como crean as súas propias historias, Daniel e Iria contáronnos tamén como se lle poñen imaxes ás verbas doutros autores. Neste caso, mostráronnos os bocetos e as ilustracións que fixeron para o libro Galicia, nosa ledicia de Xosé Neira Vilas
Tamén nos propuxeron unha actividade práctica moi divertida: debuxar unha historia inventada polo alumnado nese momento. O protagonista desta historia acabou sendo un porco piloto moi gracioso:
Para rematar o encontro, nada mellor que unha morea de autógrafos e unhas verbas adicadas á nosa biblioteca
E para vos animedes a ler, aquí deixamos as portadas dos contos publicados de O Raposo Rufo, esperando impacientes a chegada de novas aventuras.
ENCONTRO CON XOSÉ LOIS GARCÍA
Hoxe tivemos na biblioteca do centro un encontro co autor chantadino Xosé Lois García.
Alfonso Campos foi o encargado de presentarnos a Xosé Lois, amigo de Manuel María. Da súa man, o noso alumnado puido averiguar moitas curiosidades e anécdotas sobre a vida do homenaxeado este ano no Día das Letras Galegas; ofrecéndolles así aos nenos e nenas unha visión moi cercana e personal da súa figura e da súa relación con Sober.
Ademais tivemos o pracer de que este autor xogara cos máis cativos ás adiviñas; adiviñas do seu libro animalario que aos nenos lles encantaron.
Tamén contamos coa presenza do alcalde no noso Concello Luis Fernández Guitián que lles fixo entrega a todos os alumnos e alumnas do libro infantil de Manuel María O bigote de Mimí e á bibliteca e aos profes do libro Manuel María reencontrado do autor que hoxe nos visitou.
Para rematar este encontro, o autor adicounos unhas verbas no seu libro e tamén no libro da nosa biblioteca
V SEMANA DA ÁRBORE E DA AUGA
Hoxe celebramos no colexio o Día da árbore sumándonos ás actividades propostas na V Semana da Árbore e da Auga organizada pola Deputación Provincial de Lugo.
Esta actividade consta de dúas partes.
A primeira parte era a plantación dun castiñeiro; esta plantación tivémola que facer de modo simbólico e provisonal nun testo no corredor do centro xa que non parou de chover en toda a mañá impedindo que a plantación fose ao aire libre. Á volta de vacacións transplantarémola ao seu lugar definitivo.
A segunda parte de actividade consiste na entrega dun libro a todo o alumnado do centro. Para o alumnado de Infantil o libro é "Érase unha vez un castiñeiro" e para o alumnado de Primaira "O castiñeiro dos desexos" elaborados polo escritor e xornalista Xosé Antonio Perozo
PREMIOS DO II CERTAME DE DEBUXO DA FEIRA DO VIÑO DE SOBER
Hoxe entregouse o premio ao debuxo gañador do II Certame de Debuxo da Feira do Viño de Sober correspondente a súa XXXVI Edición.
Os nenos participantes do noso centro e do Colexio Ferroviario asistiron ao acto de entrega na Casa da Cuñltura de Sober onde tiveron que esperar ata o propio acto para coñecer o debuxo escollido entre todos os que alí se expuxeron
Finalmente a gañadora foi Uxía Trail Bates e o seu debuxo xa loce nas chapas que se entragarán os días da feira en Sober.
Para o resto dos participantes tamén houbo premios: un merecido diploma, a chapa co debuxo de Uxía e unha caixa de lápices de cores para seguir desenvolvendo a súa creatividade.
No seguinte vídeo podedes ver o momento da entrega do premio:
Esta de entrega de premios foi publicada na prensa do día 17 - 03 - 2016:
MARÍA CASTAÑA. PRESENTACIÓN DO LIBRO.
O ano pasado, o noso alumnado e o alumnado do resto de centros escolares da comarca de Lemos; fixo un traballo de ilustración do texto do conto María Castaña. Unha muller para o 8 de marzo.
Este ano, a través dunha subvención xestionada polo CIM (Centro de Información á Muller) de Monforte de Lemos; o conto foi publicado e entregado aos centros escolares. A esta entrega acudiron os nenos e nenas de 5º e 6º, sendo o delegado da clase o encargado de recoller os exemplares que nos correspondían:
Esta viaxe, tamén foi un momento de reencontrarse co profesor de Educación Física que se xubilou este curso e que era o titor dos alumnos e alumnas que agora están en 6º.
Xa no colexio fixémoslle entrega dun exemplar do conto aos ilustradores que este ano cursan 1º de ESO para que lles quede un recordo da ilustración que fixeron correspondente ao seguinte texto:
"Cando chegaron a Lugo, María Castaña quedou abraiada. Nunca vira nada igual, a muralla romana, a catedral, o pazo do bispo a carón dela, casas grandes de pedra que pertencían á nobreza e outras casas máis pequenas que pertencían aos artesáns e comerciantes."
No seguinte enlace podedes ver e disfrutar o libro-conto narrado pola xornalista Manola Porto:
LOLA DE PENELAS. UNHA MULLER PARA O 8 DE MARZO
Enviado por floragrande o Mér, 09/03/2016 - 16:08 08/03/2016 12:15
Europe/Madrid
8 DE MARZO
CONMEMORACIÓN DO DÍA DA MULLER A TRAVÉS DA FIGURA DE LOLA DE PENELAS
(OLEIRA DE GUNDIVÓS)
LOLA DE PENELAS. UNHA MULLER PARA O 8 DE MARZO
O Colectivo Lemos Le para conmemorar o Día da Muller que se celebra o 8 de marzo; organiza por terceiro ano o Certame Mulleres de Lemos coa finalidade de dar a coñecer e promover as figuras femininas na historia das Terras de Lemos.
Este ano propónennos a figura de Lola de Penelas, unha oleira de Gundivós (Sober) do século XX para destacar o papel das mulleres artesás galegas, especialmente as mulleres oleiras deste Concello.
De Lola de Penelas dise que era unha muller forte e traballadora, que en tempos chegaba a facer trinta ou máis olas nun día e que visitaba as casas coa súa roda para reparar as pezas que sufrían danos, levando tamén con ela aos seus fillos.
En colaboración coa Biblioteca Pública Municipal de Sober, organizamos esta actividade para coñecer máis sobre este día e sobre a figura desta muller. Julia explicounos o motivo polo que a conmemoración é o 8 de marzo e os/as biblioaxudantes de 6º de Primaria léronnos o conto escrito por Paula Vázquez Verao.
Despois coñecimos e decoramos algunhas das pezas representativas da Olería de Gundivós:
Na seguinte publicación do CIM de Monforte de Lemos podedes consultar toda a información sobre esta data e sobre Lola de Penelas
DÍA DE ROSALÍA DE CASTRO
Recibimos correo na biblioteca!!
Desde a Biblioteca Pública Municipal de Sober, chegounos hoxe unha fermosa postal de Rosalía.
Moitas grazas por acordarvos de nós.
Unha aperta moi forte!!
