2014/2015
Curso 2014/2015
APRENDENDO A ATAR OS CORDÓNS
Atar os cordóns é algo moi difícil para os nenos e nenas máis pequenos; por iso na clase de 1º e 2º fixemos unhas zapatillas preciosas para practicar.
Como uns dos valores que traballamos moito no centro a través do Programa Voz Natura son a reciclaxe e reutilización, para facelos debuxamos as zapatillas empregando como soporte cartóns de caixas que o alumnado trouxo da súa casa:
Unha vez que as zapatillas están feitas, temos que aprender a atalas e para iso empregamos unha poesía que nos facilita a aprendizaxe:
COLLE OS DOUS CORDÓNS
UNHA CRUZ TES QUE FORMAR
PASA UN DELES POLA COVA
E DESPOIS A ESTIRAR
AGORA CON DOUS LAZOS
OUTRA CRUZ TES QUE FORMAR
PASA UN DELES POLA COVA
E DESPOIS A ESTIRAR.
E tras aprender a retahíla e moito practicar, aquí tedes as zapatillas ben atadiñas:
Por certo, para atar as zapatillas utilizamos os cordóns que lles repartiron aos nenos na campaña Separemos ben. Reciclaremos mellor; uns cordóns de Mr. Iglú que lles recordan aos nenos a importancia de separar para reciclar.
No seguinte enlace podes acceder á páxina de Mr. Iglú, onde te esperan unha chea de sorpresas e xogos.
CERTAME DE DEBUXO INFANTIL XXXV FEIRA DO VIÑO DE AMANDI: ENTREGA DE PREMIOS
Hoxe, na Casa da Cultura de Sober foi o acto de entrega de premios do Certame de Debuxo Infantil da XXXV Feira do Viño de Sober.
Neste certame participaron case todos os alumnos e alumnas do noso centro e alumnos e alumnas do CEIP Monte Baliño de Ferreira de Pantón.
.JPG)
Todos os participantes que recibiron como agasallo unha meleira da alfarería de Gundivós:
.JPG)
.JPG)
Recordamos que a gañadora foi Lisbeth Sánchez Díaz que recolle no seu debuxo o traballo realizado nunha viña durante todo o ano desde a plantación ata a Feira do Viño:
O resto dos debuxos podedes recordalos no libro dixital adxunto e na foto tedes os debuxos dos alumnos e alumnas de Ferreira de Pantón.
NOS LEMOS, E TI?
Rematou o prazo para participar no concurso convocado pola Asociación do Libro Infantil e Xuvenil (GÁLIX) para o Día Internacional do Libro Infantil: Nos lemos, e ti? no que os alumnos/as debían enviar un selfielendo un libro en galego.
Aquí tedes os selfies dos alumnos e alumnas que participaron:
DÍA DA ÁRBORE E DA AUGA
Coa chegada da primavera celebramos o "Día da árbore e a auga" xa que sempre é necesario recordar a importancia destes bens imprescindibles para a vida. Para esta conmemoración o centro sumouse á proposta da Deputación de Lugo:
O primeiro foi plantar o noso acivro na entrada do colexio onde todos o poidamos disfrutar e continuación bautizámolo co nome de Pinchiños
Para rematar, como agasallo da Deputación; todos os alumnos e alumnas de Educación Infantil e Primaria recibiron un libro que será o protgaonista do clube de lectura do mes de abril:
DESDE O MAR Á FARMACIA
Enviado por floragrande o Mar, 24/03/2015 - 13:00 19/03/2015 14:15
Europe/Madrid
María Isabel Nieto Prieto, farmacéutica en Sober, voltará á nosa biblioteca.
Esta vez ofreceralles aos alumnos e alumnas de Educación Infantil unha charla científica axeitada ao seu nivel de coñecemento sobre produtos naturais de orixe marítimo con actividade farmacolóxica: "Desde o mar á farmacia"
ECLIPSE DE SOL
Mañá poderá verse en Galicia un eclipse de Sol.
Pero... que é un eclipse de Sol?
Para descubrir exactamente en que consiste este fenómeno, os nenos e nenas do primeiro ciclo fixeron un traballo de investigación sobre este tema utilizando como recurso a prensa.
O primeiro paso foi un traballo individual de busca na súa casa de noticias da prensa que se fixeran eco deste fenómeno e recortalas para traelas á aula.
Despois, unha posta en común das noticias que trouxeron parra extraer delas a información necesaria.
Para completar a información, buscaron e visionaron algúns vídeos na rede cos que completar o coñecemento sobre os eclipses solares.
Podedes acceder a estes vídeos premendo sobre eles:
Para plasmar toda a información recollida, os alumnos elaboraron un mural coloreando os astros que interveñen neste fenómeno: a Lúa, o Sol e o planeta Terra.
Para rematar, os pequenos de Primaria foron os encargados de transmitir estes coñecementos aos maiores: aos alumnos de 6º que quedaron encantados da súa explicación.
E RECORDADE: NUNCA MIREDES DIRECTAMENTE AO SOL DURANTE UN ECLIPSE SOLAR!!
DESDE O MAR Á FARMACIA
María Isabel Nieto Prieto, farmacéutica en Sober, voltou á nosa biblioteca.
Esta vez ofreceulles aos alumnos e alumnas de Educación Infantil unha charla científica axeitada ao seu nivel de coñecemento sobre produtos naturais de orixe marítimo con actividade farmacolóxica: "Desde o mar á farmacia"
Durante este charla divulgativa o alumnado tivo oportunidade de descubrir moitas datos sobre a investigavión en laboratorios, e a continuación puideron dialogar, preguntar, aclarar dúbidas...directamente coa nosa ponente.
Tamén puideron levar a cabo unha actividade práctica: elaboración de Sales de baño para o que tiveron que seguir correctamente as nocións e as medidas indicadas por María Isabel tanto no proceso de elaboración como no envasado e etiquetado.
DÍA DA MULLER: MARÍA CASTAÑA NA NOSA BIBLIOTECA
Para conmemorar o Día da Muller que se celebra o 8 de marzo; unímonos as actividades propostas polo Colectivo Lemos Le do que a nosa biblioteca forma parte.
Este colectivo organiza por segundo ano o Certame Mulleres de Lemos coa finalidade de dar a coñecer e promover as figuras femininas relevantes na historia das Terras de Lemos e está dedicado a María Castaña como líder da revolta medieval que se produciu en Cereixa (A Pobra de Brollón) para protestar polos impostos que demandaba a Igrexa aos campesiños.
Desde a nosa biblioteca participamos no obradoiro “María Castaña. Unha muller para o 8 de marzo” na que nos achegamos á vida e á historia desta muller a través do power point que nos envía o CIM (Centro de Información á Muller de Monforte) e que podes ver facendo click na seguinte imaxe.
Hoxe, fixemos o traballo de reflexión sobre a vida das mulleres no século XIV: os roles que tiñan e a falta de dereitos que padecían simplemente por ser mulleres.
Despois fixemos uns debuxos sobre a nosa protagonista.
CERTAME DE DEBUXO INFANTIL XXXV FEIRA DO VIÑO DE AMANDI
COMPARTIMOS A NOTICIA DO CONCELLO DE SOBER:
A soberina Lisbeth Sánchez Díaz é a gañadora do I Certame de Debuxo Infantil da XXXV Feira do Viño de Amandi cun traballo sobre "O cultivo da vide na Ribeira Sacra".
O Concello de Sober empregará a imaxe para imprimir 10.000 adhesivos que entregará a fin de semana da Feira.
A gañadora ten 11 anos, é de Soutonovo, Anllo Santo Estevo, e estuda no CEIP Virxe do Carme de Sober.
PARABÉNS PARA A NOSA ALUMNA!!
El Progreso, 7/03/2015
La Voz de Galicia, 7/03/2015
II CERTAME MULLERES DE LEMOS: MARÍA CASTAÑA
Para conmemorar o Día da Muller que se celebra o 8 de marzo; organiza por segundo ano o Certame Mulleres de Lemos coa finalidade de dar a coñecer e promover as figuras femininas relevantes na historia das Terras de Lemos.
O Certame deste ano estará dedicado a María Castaña como líder da revolta medieval que se produciu en Cereixa (A Pobra de Brollón) para protestar polos impostos que demandaba a Igrexa aos campesiños.
As actividades que levaremos a cabo serán as seguintes:
- O obradoiro “María Castaña. Unha muller para o 8 de marzo” nos centros educativos públicos e concertados da nosa comarca. Esta actividade desenvolverase en colaboración co CIM (Centro de Información á Muller) de Monforte de Lemos e constará por unha banda, nun traballo de reflexión sobre a vida das mulleres no século XIV: os roles que tiñan e a falta de dereitos que padecían simplemente por ser mulleres e, por outra banda, na elaboración dun libro que plasme en imaxes esta reflexión a través da vida de María Castaña.
- II Certame Mulleres de Lemos modalidade Banda Deseñada. Para a poboación de Secundaria e Bacharelato (de 12 a 18 anos) na que os participantes terán que elaborar un traballo artístico e creativo en branco e negro que plasme a historia de María Castaña (extensión de 2 a 4 páxinas).
- II Certame Mulleres de Lemos modalidade Divulgación. Esta modalidade está destinada a maiores de 18 anos que en calquera xénero literario presenten un traballo sobre a protagonista do certame (extensión de 10 a 25 páxinas a dobre espazo, tamaño de letra 12).
