Magosto
MAGOSTO 2014
Enviado por admin o Lun, 11/24/2014 - 11:47Este ano non puidemos ir ao Monte Galiñeiro a celebrar o Magosto, debido a que non parou de chover en todo o mes, pero no cole tamén sabemos celebrar esta festa e pasalo moi ben. Joaquín asou as castañas e, despois de comelas, fixemos moitos xogos. Xa para finalizar, recollimos todo o lixo dos patios. O ano que vén seguro que teremos máis sorte e iremos ao Galiñeiro!!!
Mirade o vídeo da xornada:
No 2013...continúa a tradición
Enviado por Anarosa o Mar, 12/10/2013 - 11:43Este curso tamén fomos ao Monte Galiñeiro a comer castañas asadas. Aquí deixámosvos o vídeo que está colgado no blogue da Biblioteca
EXCURSIÓN AO MONTE GALIÑEIRO: A AVENTURA CONTINÚA (2012)
Enviado por profe o Lun, 01/28/2013 - 23:07EXCURSIÓN AO MONTE GALIÑEIRO: COMEZA A AVENTURA (2012)
Enviado por profe o Ven, 01/25/2013 - 22:00MAGOSTO 2011
Enviado por anaiglesiasiglesias o Lun, 11/15/2010 - 02:13O DÍA 5 DE NOVEMBRO CELEBRAMOS O MAGOSTO NO MONTE GALIÑEIRO, E PASÁMOLO MOI BEN, COMO PODEDES COMPROBAR:
Sendeirismo e Magosto, que boa combinación!
Enviado por Anarosa o Sáb, 11/13/2010 - 22:22O venres 5 de novembro fixemos a primeira Ruta de Sendeirismo, xa tradicional no noso centro: Serra- Merendeiro do Monte Galiñeiro- Petroglifos Auga da Laxe- Serra.
O alumnado do 2º e 3º ciclo fai todo o traxecto camiñando. Ao chegar ao merendeiro, descansan un pouquechiño e inician o camiño de novo para chegar aos Petroglifos.
O alumnado de E. Infantil e do 1º ciclo de E. Primaria vai en autobús ata o merendeiro e, despois, fai un tramo da ruta de sendeirismo, máis curto, debido a súa idade: Merendeiro do Monte Galiñeiro- Auga da Laxe- Merendeiro do Monte Galiñeiro.
Xa diante dos petroglifos da Pedra das Procesións, tamén chamados de Auga da Laxe, pola zona onde se ubican, o xefe de estudos explicounos a súa simboloxía e importancia.
O Monte é visto así como un lugar de lecer, onde pasar un bo rato cos nosos amigos e facer un pouco de deporte. Pero tamén é unha fonte de recursos.
Para completar a xornada, asamos ricas castañas no merendeiro, celebrando o Magosto no monte.
MAGOSTO 2010
Enviado por anaiglesiasiglesias o Sáb, 11/21/2009 - 15:43O próximo martes, se o tempo o permite iremos de Magosto ao Monte Galiñeiro.
Os nenos deben traer, un puñado de castañas picadas, e se teñen, un pouco de pico, carozos ou leña.
¡Esperemos que o tempo estea bo e que o pasemos moi ben!