O alumnado do Club de Ciencia participará no proxecto Mosquito Alert promovido polo Ministerio de Ciencia e Innovación  e a FECYT innovación, co que investigarán e controlarán mosquitos transmisores de enfermidades como o mosquito tigre e o mosquito da febre amarela, vectores de Zika, Dengue e Chikungunya.

Mais info sobre oproxecto en: https://www.mosquitoalert.com/

Dende o Concello de A Rúa recomendanos dúas actividades culturais que poden ser do voso interese. Atoparedes mais información no seguinte enlace: https://arua.es/es/home-espanol/

Hoxe celebramos o Día da Paz. Límos un pequeno manifesto e fixéronse varias representacións para todo o centro.

En colaboración co Servizo Galego de Saúde, o alumnado de 3º de Educación Primaria partcipou no obradoriro "Pupas,sustos e outros disgustos" onde unha enfermeirra educadora do Centro de Saúde de A Rúa acompañada dunha monitora de apoio, ensinaron aos nenos e nenas previr problemas de saúde a través de hábitos saudables co propósito de capacitalos para actuar ante distintos problemas de saúde por medio do entretemento e reforzando positivamente as condutas adecuadas e os valores con xogos e dinámicas de grupo.

Un novo ano, o noso centro foi seleccionado para participar nunha nova edición do programa educativo “Reciclate con Sogama” 2023-2024, que ten por obxecto fomentar a recollida selectiva de residuos nas aulas, así como as boas prácticas vinculadas ao principio europeo dos tres erres (Redución, Reutilización e Reciclaxe), piar básico na xestión sostible do lixo que producimos cada día.

O programa desenvolverase en distintas fases co fin de propiciar que vaia fluindo progresivamente:

- Entre novembro e principios de decembro, levouse a cabo unha primeira visita de diagnóstico a fin de coñecer as particularidades do noso centro para facilitarnos os medios materiais, isto é, as illas de reciclaxe, que están conformadas por catro contenedores con capacidade para 120 litros cada un (amarelo, para envases de plástico, latas e briks; azul, para papel e cartón; marrón, para a materia orgánica; e xenérico -de cor verde-) así como  material didáctico e divulgativo en formato dixital. 

- Despois do Nadal levouse a cabo unha  sesións formativa presenciais co alumnado de 4º de Educación Primaria para poder poñer en práctica os coñecementos adquiridos.

- Proximamente, no mes de  de maio tomaranse mostras dos contedores que conforman as illas de reciclaxe para comprobar o grao de acerto, ou ben de erro, por parte do alumnado á hora de seleccionar os residuos e comprobar así o exito do noso programa.

Dende mañá martes día 23 de xaneiro e ata o día 5 de febreiro de 2024 procederase ao reparto de froita fresca ao alumnado de centro durante o período de lecer.
As froitas que se repartirán serán de tempada, atoparanse no seu grao óptimo de madurez de consumo e serán consumidas no seu estado natural, non podendo someterse a ningún procesamiento, incluído a elaboración de zume. A froita é unha fonte de nutrientes esenciais, vitaminas e minerais que contribúen ao crecemento, desenvolvemento e mantemento dunha boa saúde nos nenos. Consumir froitas regularmente non só promove un sistema inmunológico forte, senón que tamén favorece o rendemento cognitivo e axuda a manter niveis de enerxía estables ao longo do día.
Neste sentido, o colexio está comprometido en fomentar hábitos alimentarios saudables entre o alumnado. Para lograr isto de maneira efectiva, solicitamos a súa colaboración incidindo na importancia do consumo de froitas.

Prema na imaxe para coñecer un pouquiño mais sobre o programa:

Este lúns 15 os neneos e nenas de 3º fixeron xogos tradicionais no patio.