Alumnado

COMEDOR ESCOLAR 2024-2025

Ábrese o prazo para a presentación de solicitudes para facer uso do comedor escolar no vindeiro curso 2024-25. Podense recoller os impresos de solicitude no propio centro ou ben descargalos premendo na imaxe:

Aos efectos de orientar ás familias sobre o cálculo do importe dos prezos públicos polo uso do servizo de comedor escolar, incorpórase unha calculadora a través da páxina web da consellería que facilita o cálculo en función da renda neta per cápita da unidade familiar e do número de menores en idade escolar. O acceso a calculadora estará dispoñible a través do link: https://www.edu.xunta.es/comedores/calculadora.jsp

 

INSTRUCIÓN 1/2024, DA SECRETARÍA XERAL TÉCNICA DA CONSELLERÍA DE EDUCACIÓN, CIENCIA, UNIVERSIDADES E FORMACIÓN PROFESIONAL, DO 1 DE XUÑO, SOBRE FUNCIONAMENTO DOS COMEDORES ESCOLARES DE XESTIÓN DIRECTA NO CURSO ESCOLAR 2024-2025 

 

 

AXUDA LIBROS DE TEXTO E MATERIAL 24/25

PREMA NA IMAXE PARA ACCEDER AO PORTAL EDUCATIVO CON TODA A INFORMACIÓN :

 

PROCESOS LECTORES

Queremos presentarvos un pequeno proxecto que acaba de dar comezo da man de Santi, mestre especialista en Pedagoxía Terapéutica  do CEIP Manuel Respino e que pode ser de gran interese para toda a nosa comunidade educativa. Esperamos que vos guste!

DÍA DA MULLER

Os cativos protagonizan o acto polo 8M na praza do Concello de A Rúa

 Para leer mais da noticia prema no seguinte enlace:

 https://osil.info/os-cativos-protagonizan-o-acto-polo-8m-na-praza-do-concello-da-rua/

RECOLLIDA DE ROUPA E CALZADO USADO

Un curso mais, a ONG Global Humanitaria pon en marcha a campaña solidaria «Mariola» de recollida de roupa e calzado usados coa que se dedica parte dos beneficios obtidos ao financiamento dos proxectos humanitarios dirixidos pola ONG en India.

 As familias que desexen colaborar poden facelo entregando no centro a roupa e calzado usado nunha bolsa pechada ata o luns 4 de marzo de 2024.

Para calquera dúbida ou consulta, Mariola Solidaria está á vosa disposición no correo electrónico info@csmariola.com ou no teléfono +34 96 651 66 56.

CONDICIÓNS CLIMATOLÓXICAS PARA O DESFILE DE ENTROIDO

Estimadas familias,

Dirixímonos a vostedes para informarlles sobre as opcións que plantexamos para levar a cabo o desfile de entroido, considerando as condicións climatolóxicas que poden afectar a súa realización.

Dadas as variacións climáticas e as posibles inclemencias do tempo, elaboramos un plan alternativo para garantir a seguridade e o goce de todos os participantes no desfile.

A continuación, presentámoslles as opcións dispoñibles:

- Desfile ao aire libre (opción principal): no caso de que as condicións climáticas sexan favorables e non representen un risco para a saúde e seguridade do alumnado, o desfile levarase a cabo polas rúas da vila.

Desfile no interior do centro: si as condicións climáticas son desfavorables e representan un risco para a saúde dos participantes, preparamos un plan alternativo para realizar o desfile no interior das nosas instalacións. Habilitarase un percorrido para que o alumnado desfile no patio cuberto así como unha zona delimitada para o público. 

Queremos lembrarlles que o desfile de entroido é unha actividade organizada por e para o alumnado. Neste sentido, é fundamental que as familias nos axuden a manter un ambiente propicio para que os nenos e nenas poidan gozar plenamente da experiencia.

Theme by Danetsoft and Danang Probo Sayekti inspired by Maksimer