Clube de Ciencia

O venres 05 de abril de 2024, o alumnado de sexto de Primaria, como agasallo por ser finalista no programa da Televisión de Galicia "Pim, Pam, Experimenta", puideron visitar o Parque Eólico Experimental de Sotavento, no concello de Xermade (Lugo).

Para máis información: https://www.sotaventogalicia.com/

Coñeceron de primeira man a actualidade das enerxías renovables no noso país, como funcionaba un aeroxerador, a diferenza entre placas térmicas e placas fotovoltaicas... así como diferentes xogos interactivos e obradoiros con ditas enerxías. Logo, visitaron o centro comercial "As Termas" de Lugo. Pasárono xenial e aprenderon moito!

 Preme na frecha para pasar as páxinas 

No marco da celebración do Día Internacional das Nenas e a Tecnoloxía o día 11 de febreiro, Microsoft quixo recoñecer o labor dos máis de 100 empregados e empregadas que, ofrecen, de forma voluntaria, charlas inspiracionales entre estudantes de toda España, dando, entre outras cousas, visibilidade ás novas enxeñeiras e especialistas técnicas da compañía como modelos a seguir, ao ser exemplos do talento feminino de éxito e de como aproveitar as oportunidades existentes nun mundo cada vez máis dixital. Este foi precisamente o obxectivo do noso Obradoiro “Construíndo o futuro” levado acabo no día de hoxe, unha iniciativa MakeWhatsNext, que Microsoft lanzou en 2016 para fomentar as vocacións tecnolóxicas e científicas desde a infancia, dando visibilidade a referentes femininos de éxito e traballando pola diversidade e equidade na contorna laboral, con actividades de programación adaptadas ás distintas idades nas que os nenos e nenas puideron crear xogos e aplicacións utilizando Makecode.org ou Minecraft e coas que se axudou a espertar o interese polas disciplinas STEM, dunha forma atractiva e amena.

O alumnado do Club de Ciencia participará no proxecto Mosquito Alert promovido polo Ministerio de Ciencia e Innovación  e a FECYT innovación, co que investigarán e controlarán mosquitos transmisores de enfermidades como o mosquito tigre e o mosquito da febre amarela, vectores de Zika, Dengue e Chikungunya.

Mais info sobre oproxecto en: https://www.mosquitoalert.com/