Regresou a festa de Samaín ao grande!!, a que creamos e  desfrutamos todas e todos na Comunidade Educativa, coa Asociación IAR e a Escola Infantil Carricanta.

Parabéns pola vosa gran participación e moitas grazas!!

Para conmemorar o Día das Bibliotecas Escolares (24 de outubro), e tras a boa acollida que tivo no noso alumnado o curso pasado, celebramos o II concurso de Caixas Literarias Sorpresa.

Mirade que preciosidade de caixas literarias!!! 

Agora, a ver quen adiviña que conto esconde cada caixiña do seu ciclo!!! A xogar!!!

Feliz Día das Bibliotecas Escolares!!!

Neste Genially tedes diferentes recursos: xogos, música, unidades didácticas ,contos, información de como imos celebrar a festa no colexio...

Imos pasalo de medo!!!

Preme na imaxe para descargar o arquivo

Celebramos o día das Letras Galegas con diferentes propostas educativas para o noso alumnado:

• Cintas de cores con mensaxes a prol da Lingua Galega e cos versos de Florencio Delgado Gurriarán.

Como ben di Fina Casalderrey no vídeo adxunto, Florencio escribía notas de amor a Galicia en papeliños nos que se amosa un poeta namorado da súa terra no exilio mexicano.

Por iso, desde o Equipo de Dinamización da Lingua Galega lanzamos a proposta de escribir en cintas de cores mensaxes a prol da lingua galega e versos deste poeta, proposta á cal se sumaron a Escola Infantil  Carricanta, a Asociación de Veciños IAR e a Biblioteca Municipal e o Centro Cívico do Castrillón.

Que colorido e alegre está o noso cole e o noso barrio!!! Sementando Galego!!!

• Xogos de corda coa poesía “Domadora de Serpes” de Florencio Delgado (Poesía musicada polo noso mestre de música Antonio Mandiá).

• En Educación Infantil celebramos tamén a Festa dos Maios.

Bailamos e cantamos ao redor dos Maios coa fermosa poesía “Aí vén o Maio” de Florencio Delgado Gurriarán.

Representamos dous tipos de Maios:

O maio tradicional, elaborado polo alumnado de 5 anos con fiúncho, xestas e moitas flores  e o maio artístico, feito polo alumnado de 4 anos con elementos de refugallo (tapóns de plástico, rolos de papel hixiénico e caixas de ovos).

• Entrega de premios ao alumnado que participou na actividade de Contos Compartidos en familia. Parabéns!!!

• CONTACONTOS EN FAMILIA na escola. Grazas familias por tanta colaboración!!!

• Agasallamos ao alumnado co marcapáxinas do Seminario Galán personalizado co noso mural de Rosalía de Castro, feito por todo o alumnado do centro, posto que a pegada rosaliana arrinca en Florencio nas  súas lecturas xuvenís.

• E un adianto da revista da nosa escola:
  

• E se queredes ver se coñecedes algúns contos en galego... probade aquí. Seguro que acertades moitos!
  

Que pasedes un feliz Día das Letras Galegas!!!!

O noso colexio convértese nun museo a través da recreación de cadros do pintor galego Laxeiro por todo o alumnado, que sempre reivindicou a forma de pintar dos nenos e nenas.

No seguinte vídeo pódese admirar o marabilloso traballo realizado: 

Este ano a Real Academia Galega dedícalle a Florencio Delgado Gurriarán o Día das Letras Galegas.

Aquí iremos deixando diferentes recursos educativos para coñecer mellor a súa vida e obra. Recomendarvos:

• A páxina “Primavera das Letras”:

Premede na imaxe

• O portal da lingua galega:

Premede na imaxe

• Diferentes recursos do Seminario Galán:

Premede na imaxe.

Para todas esas mulleres que foron, son e serán un referente na nosa vida con moito cariño esta homenaxe.

Grazas por estar presentes na nosa vida!!! 

Sumámonos a Proposta da Asociación de Escritoras e Escritores en Lingua Galega para a celebración do Día de Rosalía de Castro.

Baixo o lema #SementadePensamentos, todo o alumnado animouse a agasallar a Rosalía con pétalos de pensamentos con versos dos seus poemas.

E así nos quedou, que grandes artistas!!!

Ademais, para conmemorar este día, o alumnado de Educación Infantil sementou pensamentos, a flor favorita de Rosalía.

FELIZ DÍA!!!