Xa temos planificadas as primeiras saídas para este trimestre. Podedes consultalas no menú Calendario de saídas, que actualizaremos continuamente ao longo do curso. 

Comezou o curso con normalidade. Como noutras ocasións aproveitamos este primeiro día para enviar moita información ás familias. A circular da ANPA coas actividades e horarios, a axenda para o alumnado de Primaria, a folla de actualización de datos de matrícula e a primeira circular do curso con información relevante sovaliacións, periodos non lectivos ou un resumo das NOF.

IMPORTANTE: O día 2 de maio será día lectivo, xa que o Concello elixiu o 8 de marzo como festividade local, o que sumado ao 7 de outubro, completa os dous festivos que ao coincidir en días lectivos xa non permite que os colexios elixan ningún día adicional.

No primeiro claustro do curso realizamos adscrición de todo o profesorado. Podedes consultar facendo clic nos rótulos.

TITORES-AS              ESPECIALISTAS

Finalmente, hoxe 5 de xullo publicamos as listaxes definitivas de beneficiarios de Fondolibros. Os beneficiarios de 4ºEP recibirán entre 4 e 6 libros que aparecen detallados nesta listaxe (facer clic na imaxe). Entregaremos estes libros ás familias o martes 6 de setembro na secretaría do Colexio.

A Conselleria de Educación notificounos que dende o 04 de xullo a dirección da web do centro terá o formato www.edu.xunta.gal/centros/NOME_DO_CENTRO, é dicir, só cambia o 'es' por 'gal'. Ademáis, de xeito temporal, os accesos a través da dirección www.edu.xunta.gal/centros/NOME_DO_CENTROcontinuarán operativos, para que non deixen de funcionar os enlaces ás webs dos centros desde os buscadores de Internet, favoritos dos usuarios, etc.

No enlace podedes descargar a listaxe de admitidos cos libros que recibirán o alumnado de 4º no mes de setembro. Os que aparecen na listaxe e non teñen libros asignados, os terán no listado definitivo. Ata o venres 1 de xullo pódese reclamar. Antes do 8 de xullo publicaremos as listaxes definitivas.

Dende o luns 20 de xuño e ata o xoves 30 de xuño estará aberto o prazo para formalizar a matrícula do alumnado de NOVO INGRESO para o vindeiro curso. A documentación necesaria será a seguinte:

• FOLLA DE MATRÍCULA DEBIDAMENTE CUBERTA (ou recoller na conserxería)
• ENQUISA DO USO DA LÍNGUA GALEGA (ou recoller na conserxería)
• CATRO FOTOGRAFÍAS TAMAÑO CARNÉ
• FOTOCOPIA DA TARXETA SANITARIA
• FOTOCOPIA DO LIBRO DE VACINAS OU CERTIFICADO MÉDICO
•  PRAZO DE MATRÍCULA:  DO 20 AO 30 DE XUÑO DE 2016

  LUGAR: SECRETARÍA DO COLEXIO EN HORARIO DE MAÑÁ

 Lembramos que o mércores 29 de xuño ás 17h teremos unha importante reunión coas familias do futuro alumnado de 3 anos.

Facendo clic na imaxe podedes consultar a listaxe de libros oficial para o vindeiro curso.

Pois con moita alegría e satisfacción podemos, agora sí, facer oficial que xa contamos cunha auxiliar administrativa no Colexio, Rut Ferreiro. Unha vella demanda dos centros educativos coma o noso, que finalmente foi atendida e dotada pola Consellería de Educación. Pronto aumentaremos os tempos de atención ás familias en secretaría e por suposto, resultará de gran axuda nas tarefas administrativas internas, que ata agora realizábamos o equipo directivo, e que nos permitirá centrarnos máis en aspectos pedagóxicos.

Publicouse a Orde do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2016/17. O prazo será ata o 23 de xuño na Secretaría do Centro. e presentando unha única solicitude. 

Nos seguintes enlaces pódese atopar información de interese desta convocatoria para o alumnado de Primaria no vindeiro curso.

• CIRCULAR DO COLEXIO
• CONVOCATORIA NO DOG
• SOLICITUDE 
• WEB DA CONSELLERÍA