IES Lamas de Abade

Este ano a biblioteca organizou unha campaña en colaboración coa Cruz Vermella para recoller material de hixiene persoal e doméstica. 

Como podedes ver nas imaxes, esta campaña foi todo un éxito.

Grazas a todos pola vosa colaboración!

O departamento de Educación Física organizou un ano máis un torneo de fútbol solidario que se celebrou durante todo o mes de decembro. Nesta ocasión, as entradas trocáronse por productos de hixiene que se recolleron na biblioteca en colaboración coa Cruz Vermella.

O día 21 celebráronse as finais nas que gañaron 1º ESO B, 3º ESO A e 4º ESO B. 

Noraboa a todos os participantes e felices festas a todos.

DesdeO Rincón Erasmus, os deseamos a todos unas Felices Fiestas, con esta exposición de postales de nuestros alumnos. Feliz 2024.

O pasado 12 de decembro o alumnado de 1º e 2º cursos do CS de Próteses dentais visitou as instalacións de Sineldent, centro especializado na fabricación de próteses dentais por CAD/CAM empregando tecnoloxía aditiva. Ademáis tivemos a oportunidade de coñecer o Centro Galego de Innovación da Formación Profecional Eduardo Barreiros, onde se levan a cabo diversos proxectos de investigación e innovación xurdidos no ámbito da FP e se posibilita o seu desenvolvemento empresarial.

O alumnado de CM de Farmacia e Parafarmacia B visitou o xoves, 14 de decembro, a cooperativa de distribución de medicamentos Bidafarma. Visita didáctica de grande interese realizada como actividade formativa para o alumnado dentro do marco do programa das Aulas de emprendemento na Formación Profesional.

Alumnas de CM de Farmacia e Parafarmacia durante a súa estancia en Potenza para realizar a FCT no marco do programa Erasmus +

O alumnado de 2º CM de Farmacia e Parafarmacia do IES Lamas de Abade solidarizouse coa campaña internacional contra a SIDA celebrada o día 1 de decembro. Fíxose fincapé na importancia da información, detección precoz responsabilidade e prevención de todas as ETS.

Visita do alumnado de 2º CS Farmnacia e Parafarmacia A á sección de Produtos parafarmacéuticos na FarmaciaLabella (Santiago de Compostela); esta visita resultou moididáctica, con moita atención e seguida con interese!!

O pasado venres 24 de novembro, con motivo do día Internacional da Eliminación da Violencia contra a Muller, celebrouse no noso centro unha carreira solidaria polo "Dereito a ser nena", na que se recadaron fondos para a organización Save the Children.

Agradecer a todos a vosa participación e as vosas aportacións pola causa.

Con obxecto de dar a coñecer o apaixonante mundo dos minerais, a Escola de Enxeñería de Minas e Enerxía da Universidade de Vigo e dentro das súas actividades de divulgación científica, ofreceu ou pasado venres 24 de novembro  no noso instituto Lamas de Abade e para os nosos alumnos de 1º de ESO, tres obradoiros interactivos de identificación de minerais.

Trátase duns obradoiros teórico-prácticos, de dúas horas de duración, onde os asistentes aprenden a identificar os minerais máis comúns da natureza a partir das súas propiedades físicas: dureza, raia, cor, hábito, etc, así como a súa clasificación, usos, ambientes de formación e onde se poden atopar no campo.

Un dos seus obxectivos é espertar a curiosidade e implicar á cidadanía mediante actividades de difusión e divulgación baseadas en contidos documentados por profesores de EME cunha linguaxe rigorosa pero accesible.

Para facer accesible o coñecemento científico á sociedade en xeral e ao alumnado de Educación Secundaria, Bacharelato e Formación Profesional en particular, a Escola de Enxeñaría de Minas e Enerxía ofrece un conxunto de actividades con contidos relacionados coa enerxía, os materiais e o medio ambiente, temáticas todas elas directamente relacionadas coas titulacións que se imparten no centro: O Grao en Enxeñaría de Minas e Recursos Enerxéticos e o Grao en Enxeñaría da Enerxía.

Os profesores da Universidade de Vigo, en grupos pequenos, souberon adaptarse perfectamente ós coñecementos dos nosos pequenos de 1º de ESO, pero hai que dicir, que o noso alumnado tamén soubo estar á altura.

Desfrutaron de una mañá de minixeólogos con entusiasmo e  recibiron , como non, tamén os seus  agasallos.

Contaremos acaso con un grupo de posibles enxeñeiros na nosa canteira?