IES Lamas de Abade

O venres, dia 3, celebramos o Maio no Lamas, para darlle a benvida á primavera.

A festa de "Os Maios" é unha celebración tradicional de Galicia, está asociada coa benvida da primavera e o renacemento da natureza.

Durante a celebración de "Os Maios", é común que os participantes constrúan figuras chamadas "Maios", que son elaboradas con ramas, flores e outros elementos naturais. Estas figuras poden tomar diversas formas, como pirámides ou conos, e adoitan ser decoradas de maneira moi colorida. Tamén adoitan realizar desfiles e cantar cancións tradicionais, moitas das cales teñen letras que loan a chegada da primavera.

"Os Maios" é unha festa que reflicte a conexión da comunidade coas súas tradicións e co ciclo natural das estacións, celebrando a fertilidade da terra e a prosperidade que se espera coa chegada da primavera. Celebrando o florecer!

Pois a pesares do dia de choiva e temporal que semellaba inverno, no instituto parecía florecer todo! Grilandas de flores, xestas, colares de pampullos, fiúnchos, diademas e coroas de natureza viva e florida e cestas de adornos florais para engalanarnos no “photocall” diante do fermoso mural que a profesora, autora anónima (Paula Ribadulla), nos pintou.

Foi lindo o traballo en equipo, desde o grupo de garda de convivencia que comezamos a soñar e argallar a festa e a ir traendo ideas e material, pasando polas titoras e titores que desde o 10 de abril se puxeron a colaborar, Sabela que co seu alumnado elaborou as primeiras siluetas de flores en papel pa facer grilandas e enchelo instituto de flores, Irene, que desde o primeiro momento se puxo a elaborar a “play list “ de música en galego para animala festa, Afonso que xa aceptou ser o retratista do evento, Toño que artellou o trípode, soporte do maio, Vicente (alumno do Practicum de profesorado) que colaborou no deseño, elaboración e cobertura do maio, Maribel, que veu cargadiña de xestas e pampullos, Isabel e o seu alumnado que elaboraron fermosas diademas e coroas, Sandra cargadiña de flores, Rosa,  María e Laura que coas súas cestas floridas engalanaron e animaron con adornos todo. O alumnado e todas as familias que colaboraron traendo flores, fiúnchos, xestas, plantas e mesmo coroas de froitos (laranxas, mandarinas).

En fin, grazas a tódalas persoas que colaborastes en que fora posible facer este Maio e dar benvida á primavera no centro.

Entre todas e todos é posible facer florecer o instituto!!!

No seguinte enlace podedes acceder ás fotos do photocall: FOTOS

O 2 de maio conmemoramos o Día Internacional contra o Acoso Escolar. Este día, proclamado polos Estados membros da UNESCO, destaca a importancia de crear un ambiente seguro para todos os nenos e nenas.

O 29 de abril, o alumnado do CS de Próteses dentais recibiu a visita do presidente do Colexio de Protésicos de Galicia, Avelino Sanmartín Caamaño, quen impartiu unha charla informativa acerca da organización e as funcións do Colexio, e o presente e futuro da profesión dos e das protésicos dentais.

O pasado 23 de abril celebrouse a recollida de premios do certame literario de Viaqua, no que o noso alumno Diego Martínez García de 3º ESO B gañou o primeiro premio da súa categoría na modalidade de relato clásico.

Este ano celebrábase a décima edición do certame e para festexalo preparouse un acto moi especial no que os premiados recolleron os merecidos premios no Gaias apoiados polos seus compañeiros e docentes.

Despois do acto, no que nos deleitaron tamén con pezas musicais e improvisacións de hip-hop, os asistentes recibimos un petisco que desfrutamos antes de regresar ó centro.

Parabéns de novo ó noso alumno Diego Martínez García!

O día 23 de abril, o alumnado da ESO e de ciclos formativos pasou ao longo da mañá pola biblioteca para facer lecturas comúns de relatos, poemas e opinións do propio alumnado sobre os libros e a lectura. 

Moitas grazas polos textos e por ler ante os vosos compañeiros e compañeiras!

O mércores 17 de abril, as responsables do Departamento de Orientacion e Coordenacion de Convivencia e Benestar participaron nas xornadas de formación para os equipos de actuacion contra o acoso escolar ( ACAE)

Estudantes de 1º, 2º e 3º de ESO, acompañados por Ana Dapena e Lupe Rodríguez, están a disfrutar dun país bastante descoñecido para nós, Lituania. Grazas ao Programa Erasmus +, durante 9 intensos días visitan Vilna, Kaunas e Alytus, onde se mergullan na cultura lituana grazas á súa estancia en familias e ás interesantes clases no instituto Dzūkija School.

Unha viaxe chea de historia, arte, natureza, gastronomía, linguas diferentes, amizade e unha morea de emocións para nunca esquecer.

Hoxe o alumnado de 2º FP Basica de peiteado e estética disfrutou do Primeiro premio gañado no concurso de decoración de Nadal 2023, que consistia nun “brunch” no CIFP COMPOSTELA con produtos naturais e frescos, elaborados e servidos polo alumnado da FP básica.

Agradecemos e aplaudimos a calidade tanto dos deliciosos e sanos produtos como da atención, servizo e bo trato do persoal docente, así como do seu alumnado.

Un pequeno pracer que disfrutamos moito!!

O día 7 de abril, domingo, celébrase o DÍA MUNDIAL DA SAÚDE, conmemorando a data da fundación da OMS (Organización Mundial da Saúde) na que se destaca a importancia do acceso a recursos básicos como a auga, aire limpo, ALIMENTACIÓN ADECUADA, vivenda digna, entorno laboral seguro e condicións ambientais saudables e a cobertura sanitaria universal, elemento clave no cumprimento dos obxectivos de desarrollo Sostible (ODS).

No IES Lamas de Abade traballamos no tema nos diferentes niveis educativos co lema deste ano:

A MIÑA SAÚDE, O MEU DEREITO!!

Utilizando varias dinámicas para concienciarnos e responsabilizarnos na saúde persoal e do planeta, en especial fixemos incidencia na importancia de alimentarse balanceadamente, evitando o consumo de alimentos e bebidas procesadas, asi como subliñamos a importancia da vida activa facendo exercicio.