CEP Plurilingüe Igrexa-Valadares

Descubrindo o deporte de orientación

Sáb, 04/05/2024 - 20:40 — Enrique

O deporte de orientación é a actividade que vertebra o noso proxecto “Descubrindo o norte”. Nel conflúe toda unha serie de competencias que axudan a sentar as bases do desenvolvemento físico, socio-emocional e cognitivo. Ao longo do curso estivemos traballando obxectivos e competencias lingüísticas, científicas, medio-ambientais, culturais, artísticas, lóxico-matemáticas e, por suposto, físicas. No que levamos deste trimestre estivemos traballando e adestrando este deporte, ademais de preparar os aspectos culturais que teremos que poñer en práctica dentro duns días na serra do Galiñeiro e no campus da Universidade de Vigo.

Galería fotográfica

Descubrindo a Serra do Galiñeiro

Mar, 30/04/2024 - 20:45 — Enrique

O alumnado de 5º xunto coas súas familias e os seus mestres e mestras compartirán unha xornada formativa, cultural, deportiva e lúdica o vindeiro venres, día 10 de maio na Serra do Galiñeiro (zona do merendeiro). Nas seguintes iconas podedes atopar o programa de actividades previsto , así como algunhas orientacións básicas e o itinerario para poder chegar ao punto de reunión. Esta actividade pertence ao proxecto Descubrindo o Norte, incluído no Plan Proxecta.


Como chegar	Recomendacións	Programa	Información interesante	Previsións meteorlóxicas

NOTA: O mesmo que en anos anteriores, se o tempo o permite, o rematar a actividade, podemos merendar todos xuntos.

Descubrindo as mulleres da Escola de Ramón y Cajal co Dr. D. Carlos Spuch

Xov, 25/04/2024 - 00:09 — Enrique

A visita de D. Carlos Spuch ao noso colexio supuxo unha festa e goce científico entre o noso alumnado de 6º. O evento dividiuse en dúas partes. A primeira na biblioteca do centro, onde o Dr. fixo unha presentación sinxela e breve sobre D. Santiago Ramón y Cajal. Máis que nos datos biográficos, o invitado completou a súa poñencia con numerosas anécdotas da vida do pai da neurociencia así como das mulleres pioneras da ciencia e da "Escuela" que creou o Premio Nobel. Despois dun pequeno cambio de impresións, pasamos ao laboratorio, onde desenvolveuse a segunda parte do acto. Nesta dependencia, o alumnado puido sentirse neurocientífico por un día. Foi unha experiencia fantástica na que o alumnado obserbou nos microscopios as mostras dos cortes de neuronas, cerebros humanos e de ratos que o científico preparou, facendo as respectivas anotacións e debuxos sobre as observacións desenvolvías.

Como sempre, D. Carlos Spuch non defraudou. Agradecemos moito a súa colaboración co proxecto Descubrindo o norte.


Galería fotográfica	Carta de agradecemento

Descubrindo a bicicleta co Club Ciclista Vigués

Xov, 18/04/2024 - 20:50 — Enrique

Cada vez son máis as persoas que recorren ás bicicletas como medio de transporte limpo e respectuoso co medio ambiente. Desprázanse polas cidades en bicicleta, para ir ao traballo ou darse un paseo, e os carrís-bici son cada vez máis frecuentes en todos os lugares. Ademais, as bicicletas, son un elemento ao que podémoslle sacar moito beneficio tanto a nivel familiar como escolar e deportivo. A dimensión escolar no ámbito da educación vial está clara; no ámbito familiar é unha boa escusa para iniciar aos cativos dun xeito divertido nos hábitos de vida saudable facendo xogos e pequenas excursións adaptadas ás respectivas idades; No ámbito do deporte non fai falta falar moito: ciclismo, MTB, Orientación en bici(MTB-O)... E neste sentido, un ano máis, o Club Ciclista Vigués achegou ao noso alumnado a súa paixón por estes deportes.

Moitas grazas unha vez máis a María, Ángel, Elsa e Fátima. Grazas ao Club Ciclista Vigués.

Galería fotográfica

Descubrindo o bádminton

Xov, 18/04/2024 - 20:14 — Enrique

A inclusión e equilibrar as diferenzas individuais son obxectivos que o proxecto "Descubrindo o norte" leva no seu ADN e, como ben sabedes todos os que seguides as nosas actividades dentro do marco da Educación Física, para conseguilos, apoiámonos nos deportes alternativos e os minoritarios, nos cales as diferenzas técnicas e as habilidades individuais redúcense notablemente, o cal facilita a inclusión.
Por que eliximos o bádminton neste caso, pois porque se trata dun deporte de baixo impacto articular, é igual de accesible para ambos os sexos, favorece o desenvolvemento de habilidades físicas fundamentais dos máis pequenos, é alcanzable para todos, é un deporte dinámico e divertido…

Despois de traballar este deporte no colexiona correspondiente unidade didáctica, o alumnado de 3º participou nunha xornada lúdico-deportiva con varios colexios da contorna no IFEVI. O Servicio Provincial de Deportes facilitou o desenvolvemento desta xornada.

Galería fotográfica

Descubrindo o Balonkorf

Mér, 17/04/2024 - 19:21 — Enrique

Como vén sendo habitual, o proxecto “Descubrindo o norte”, ademais do desenvolvemento psicomotriz do noso alumnado, impulsa tamén valores como a inclusión e a coeducación tratando de equilibrar as diferenzas á vez que fomenta o desenvolvemento persoal. Para iso utilizamos os deportes minoritarios e os alternativos cos que, por ser menos coñecidos e practicados, conseguimos minimizar as diferenzas nas habilidades de quen os practica.O balonkorf é un destes deportes. O noso alumnado de 6º tivo a oportunidade de coñecelo da man dun dos seus técnicos na primeira quincena do mes de abril.

Galería fotográfica

Descubrindo a arte, a ciencia e as mulleres neurocientíficas da Escola de Ramón y Cajal.

Lun, 08/04/2024 - 19:17 — Enrique

Colaborando co proxecto "Descubrindo o norte", o Dr. D. Carlos Spuch visitará un ano máis o noso centro para achegar a Ciencia o noso alumnado. Ademais de poñer en valor a importancia que teñen a actividade física, a alimentación así como a estimulación cognitiva e o desenvolvemento emocional cara a madurez persoal, nesta ocasión, descubriremos da man do Dr. a figura de D. Santiago Ramón y Cajal, a importancia da súa Escola e o papel crucial desenvolvido polas primeiras mulleres neurociéntífcas da súa escola. Con el, tamén descubriremos dun modo artístico como naceu a neurociencia e o desenvolvemento do método científico a partir diso.

D. Carlos Spuch é Dr. en Bioloxía e traballa no Instituto de Investigación Sanitaria Galicia Sur, no complexo hospitalario Álvaro Cunqueiro de Vigo. Científico entregado, gran defensor do campo galego, apaixonado e perseverante no seu traballo, aficionado a diversas actividades deportivas, gran divulgador e comunicador; sencillez e humildade son aspectos que lle caracterizan. O vindeiro día 24 de abril onoso alumnado terá a oportunidade vivir esta experiencia.