Blogue de Mónica

CLASIFICAR RESIDUOS

Dom, 2019-04-07 00:01 — monica

NESTA OCASIÓN, ESTIVEMOS A CLASIFICAR IMAXES DE DIFERENTES RESIDUOS NO COLECTOR CORRESPONDENTE MEDIANTE UN XOGO DE RECICLAXE. DISPUXEMOS AS IMAXES VOLTEADAS E POR TURNOS ÍAN COLLENDO UNHA IMAXE, DICÍAN DE QUE SE TRATABA, DE QUE MATERIAL ESTABA COMPOSTO E A COLOCABAN NO COLECTOR QUE CONSIDERABAN.

PALABRAS QUE COMEZAN POR

Sáb, 2019-04-06 23:30 — monica

DURANTE UNHA SEMANA, APROVEITANDO QUE SINALABAMOS OS MESTRES ESPECIALISTAS QUE TIÑAMOS CADA DÍA, FACIAMOS UN LISTADO DE PALABRAS QUE EMPEZABAN POLA INICIAL DO SEU NOME. POR EXEMPLO, O DÍA QUE TIVERON CON Mª CARMEN, CADA UN/UNHA ÍA DICINDO PALABRAS QUE COMEZABAN POR "M-". SAIRON BASTANTES COMO SE PODE VER NA FOTO ADXUNTA.

INCLUSO TAMÉN SE ACEPTABAN PALABRAS QUE LEVASEN A LETRA NOUTRA POSICIÓN QUE NON FOSE A INICIAL, APROVEITANDO PARA ANALIZALO, COMO SE OBSERVA COA LETRA "O-"

ANIVERSARIO DE MATEO

Sáb, 2019-04-06 21:08 — monica

NO ÚLTIMO VENRES DO MES DE MARZO, FESTEXAMOS O ANIVERSARIO DE MATEO, QUE COMPARTIU COS SEUS COMPAÑEIROS E COMPAÑEIRAS UNHA MERENDA FESTIVA PARA DARLLE A BENVIDA AOS SEUS 6 ANOS.

MOITOSSSSSSSSSS PARABÉNSSSSSSSSSSSSSSSSS MATEO!!!!!!!

XOGANDO CON FICHAS DE DOMINÓ

Xov, 2019-03-28 19:26 — monica

AS FICHAS DE DOMINÓ SON TAMÉN UN BO RECURSO PARA TRABALLAR OS NÚMEROS E RECOÑER AS CANTIDADES ATENDENDO Á DISTRIBUCIÓN DOS PUNTOS NA PEZA.

A PRIMEIRA PROPOSTA CONSISTÍA EN COLOCAR A FICHA DEBAIXO DO CARDINAL SEGUNDO O RESULTADO DA SUMA DOS SEUS PUNTOS.

DESPOIS A SEGUNDA ACTIVIDADE CONSISTÍA EN INDICAR UNHA FICHA E DICIR A SUMA QUE DABA COMO RESULTADO O CARDINAL QUE EU INDICABA.

RODA DE NÚMEROS

Xov, 2019-03-28 19:17 — monica

SEGUIMOS XOGANDO COS NÚMEROS, NESTA OCASIÓN TRATABASE DE XIRAR A RODA E REALIZAR A SUMA ENTRE OS DOUS NÚMEROS QUE COINCIDÍA.

COMA NOUTRAS ACTIVIDADES, CADA NEN@ SEGUNDO O SEU NIVEL MADURATIVO, EMPREGABA MATERIAL DE APOIO PARA CONTAR OU NON

21 DE MARZO DÍA MUNDIAL DA SÍNDROME DE DOWN

Sáb, 2019-03-23 13:04 — monica

O 21 DE MARZO FOI UNHA DATA DE VARIAS CONMEMORACIÓNS, NESTE CASO, REFERÍMONOS AO DÍA MUNDIAL DA SÍNDROME DE DOWN.

DENDE O CENTRO QUIXEMOS UNIRNOS Á CAMPAÑA DE SENSIBILIZACIÓN E VISIBILIZACIÓN DESTAS PERSOAS CUNHA ALTERACIÓN CROMOSÓMICA, QUE LEVABA POR LEMA "TAN DIFERENTES COMO IGUAIS" PORQUE NA DIVERSIDADE ESTÁ A RIQUEZA COMO SOCIEDADE.

REPARTIRONSE PULSEIRAS QUE O CONCELLO NOS FIXO CHEGAR PARA DAR VISIBILIDADE Á IDEA DE QUE NINGUNHA PERSOA É IGUAL A OUTRA.

PARA ACHEGAR AO ALUMNADO O COÑECEMENTO DESTAS PERSOAS INICIAMOS O DIÁLOGO CO VISIONADO DUN PAR DE VIDEOS NOS QUE SE EXPLICABA COMO ERAN AS PERSOAS CON SÍNDROME DE DOWN E A IMPORTANCIA DE RESPETAR A TOD@S TAL COMO SOMOS. TIVEN A IMPRESIÓN DE QUE @S NEN@S NON PERCIBÍAN NINGUNHA DIFERENCIA CON RESPECTO A ELES. SE CADRA PORQUE NON COÑECEN A NINGUÉN DE PRETO.

PERO FÍXOME PENSAR, QUE SE CADRA SOMOS MÁIS OS ADULTOS QUENES INCIDIMOS NAS DIFERENZAS E EN POÑER ETIQUETAS.

21 DE MARZO- DÍA DA ÁRBORE DE DA POESÍA

Sáb, 2019-03-23 12:28 — monica

COÍNCIDINDO CO DÍA DA POESÍA E DA ÁRBORE, APROVEITAMOS PARA TRANSPLANTAR UN SALGUEIRO, QUE NOS AGASALLARA ANXO MOURE NA SÚA VISITA ANTERIOR, CO ALUMNADO DE INFANTIL XA QUE SE PUXO NO SEU PATIO DE XOGO. E PARA QUE MEDRE FORTE E BONITO, RECITÁMOSLLE UNHA FERMOSA POESÍA DE XOSÉ NEIRA, COMBINANDO AMBAS CONMEMORACIÓNS.

É IMPORTANTE FOMENTAR NOS PEQUENOS E PEQUENAS O COIDADO E RESPETO POLO SEU ENTORNO, O COÑECEMENTO DAS ESPECIES ANIMAIS E VEXETAIS DA SÚA ZONA E INTRODUCIR NA SÚA VIDA COTIÁ HÁBITOS DE DE COIDADO E LIMPEZA DOS ESPAZOS NOS QUE SE MOVEN.

LONGA VIDA AO SALGUEIRO VENDO XOGAR AOS NENOS E NENAS AO SEU REDOR!!!!!!

PLANTACIÓN DE FRESAS NA NOSA XARDINEIRA

Sáb, 2019-03-23 12:05 — monica

SEGUIMOS FOMENTANDO NO ALUMNADO O COIDADO DAS PLANTAS AO TEMPO QUE VEN E EXPERIMENTAN COMO SE FAI. NESTE CASO, PLANTARON FRESAS. AGORA TOCA COIDALAS PARA QUE DEN MOITOS FROITOS.

DESENTERRAMOS RESTOS DE LIXO

Sáb, 2019-03-16 14:03 — monica

EN XEITO DE EXPERIMENTO, ENTERRARAMOS O 25 DE XANEIRO, FAI UN MES E 15 DÍAS, DIFERENTES RESTOS DE LIXO PARA PODER OBSERVAR QUE PASABA EN CADA CASO PASADO UN TEMPO; CALES ERAN BIODEGRADABLES E CALES NON.

DESPOIS DE DESENTERRAR OS DISTINTOS RESTOS PUIDERON COMPROBAR QUE O PLÁSTICO, A LATA E O BOTE DE VIDRO ESTABAN IGUAL, NON SUFRIRAN NINGÚN CAMBIO, MENTRAS QUE DA MONDA DO PLÁTANO XA NON HABÍA RASTRO, O ROLO DE PAPEL ESTABA HÚMIDO, ROMPÍASE E DESFACÍASE E O TALO DO BRÓCOLI ESTABA COMEZANDO A DEGRADARSE.

DESTE XEITO SIMBÓLICO, DERONSE CONTA CALES RESTOS NON SE DEBEN TIRAR AO CHAN PORQUE NON SE DEGRADAN E ADEMAIS CONTAMINAN.