NORMALIZACIÓN L.

Este ano celebramos a Semana das Letras Galegas, con diversos actos que non todos se desenvolveron na mesma semana:

• Saída a Vilar de Donas: alí, en Vilar de Donas, tivemos unha xornada de convivencia. A eso das 10 da mañá todo o colexio, profesorado e alumnado, marchamos para Vilar de Donas.

Os maiores, 3º,4º,5º e 6º, foron camiñando dende o Ferradal ata Vilar de Donas, pero os mais pequenos fomos en autobús.
A parte dos xogos, da comida ao aire libre... tivemos dúas visitas moi interesantes, e dende logo encantáronnos:

• Raúl e outro compañeiro trouxeron dous cabalos preciosos, eles pertencen a unha asociación de cabaleiros, e, grazas á súa amabilidade tivemos ocasión de aprender moitas cousas dos cabalos. Algúns nenos incluso montaron a cabalo, outros non quixemos, dábanos un pouco de medo porque os cabalos estaban un pouco nerviosos pola algarabía de todos nós.

• Tamén nos visitaron os mozos e mozas da Asociación Palacio do Rei, tocaron varias pezas e nós bailamos.

•  Teatro: O grupo Metátese representou para nos unha obra na biblioteca, pasámolo mui ben, rimos moito, moitísimo.

• Os monicreques: os nenos de 6º como ven sucedendo nos últimos anos, moveron as marionetas cunha habilidade sen par, sempre baixo a vixianza do organizador, o noso mestre Suso, representaron As aventuras de Peneque o Valente

Este ano celebramos o Entroido no cole o día venres pasado.

A verdade é que o tempo pouco nos axudou pero pasámolo ben igual.

Fixemos moitas caretas, que expuxemos na entrada do cole: si queres podes clicar en AQUÍ e buscar a túa. Hainas preciosas, verdade?

Pola tarde baixamos ao patio, todo o mundo disfrazado.

Os de 4º cantaron unhas murgas, e todos xuntos cantamos o estribillo: querían un ascensor, non querían deberes... ata mandaron aos mestres e mestras a un mosteiro...

Bueno clicade na cámara para ver un pouquiño do ben que o pasamos, e de paso podédesvos buscar e ver o guapos que estabades.

Este ano para celebrar a chegada do Nadal, os nenos e nenas de Primaria, sempre coa axuda do noso profe Suso, fixemos un mural enorme, tivemos que recortar, pegar, debuxar... pero quedounos precioso. Os de Infantil tamén fixeron o seu coas súas profes, e... que coincidencia, como o noso, tamén tiñan as árbores de Nadal como protagonistas, mirade:

Pero o día grande foi o 19. Todos os nenos e nenas do cole fomos á Casa da Cultura para celebrar O Nadal, e todos os cursos participamos no festival: bailamos, cantamos panxoliñas, fixemos representacións... estabamos un pouco nerviosos, porque todos tiñamos que actuar para o resto do cole e, claro, tamén para os papás e mamás que nos quixeron ver actuar. Pero de todas maneiras saiunos todo ben, eu diría que moi ben, porque ensaiamos moito coa nosa profe de música, Eva.

Os nenos de Infantil tamén estiveron mui ben, fixeron unha árbore preciosa con regalos, e cada vez que colocaban unha caixa pedían un desexo, estivo moi divertido. e conseguiron facer a árbore, no escenario, ata con estrela!

María de 6º interpretou ao piano Para Elisa, unha peza preciosa, e logo con Manuel, Leticia, David e Sandra (coa flauta) tocaron Jingle Bells.

Presentaron o festival Uxía e Luis de 6º e, realmente, de ben que o fixeron parecían verdadeiros profesionais.

Este ano ata os profes nos adicaron unha panxoliña!

E tamén houbo regalos:

• O concurso de postais do Concello gañarono:
• Adrián de Infantil
• Gael de 1º
• Paula de 4º
• Sandra de 6º
• O concurso de postais do cole:
• Gael de 1º
• Laurra de 2º
• Laia de 3º
• Marcos de 4º
• Rita de 5º
• Leticia de 6º

Clicade na cámara para ver un resumo do noso festival.

O venres, 28 de febreiro, celebramos no colexio O ENTROIDO.

O noso patio, nun día oscuro e chuvioso, fixo unha viaxe no tempo e trasladounos aos anos 50, convertíndose en escenario e a nos en protagonistas dunha GRAN FEIRA DA ÉPOCA.

Non faltaron ovos, coellos, pitas, queixos, castañas, fabas, verduras... Vamos... había de todo o que se podía vender e comprar na época: zocos, olas de barro, candís, carburos, romanas... tamén estaban presentes. E o mais bonito de todo: que moitiña xente acudiu, pero... o malo... non había moito carto!

De todas maneiras, unha vez rematadas as feiras tamén quedou tempo para o lecer, e o SALÓN DE BAILE estaba cheíño ata os topes.

Por sorte todo transcurriu en paz e armonía e a Garda Civil, que tamén estaba presente, non tivo que intervir.

Clicade na cámara se queredes ver algunhas imaxes do evento.