NORMALIZACIÓN L.

Como cada 24 de febreiro, conmemoramos o Día de Rosalía de Castro. Este curso sumámonos á iniciativa da Asociación de Escritoras e Escritores en Lingua Galega que leva por lema #AbrideAFiestra, que nos convida a pendurar das fiestras do cole un elemento representativo de Rosalía ou da súa obra.

Preme aquí para ver os nosos traballos

"Precisamos todo do que falou e todo o que foi Rosalía de Castro.

Ela é o refacho que busca abrir as nosas fiestras. Un refacho que chega dende o pasado para nos falar do futuro. Un refacho que quere abrir a fiestra para que poidamos navegar

...

Mais para que o refacho entre, precisa da nosa vontade. Pídenos, imperiosa: Abride a fiestra!"

María Reimóndez

O pasado  venres tivo lugar o VI Campionato de Peón no cole, noraboa a todo o alumnado participante!! Agora seguide practicando para o vindeiro curso!

Pero non só fixemos rodar os peóns tamén comemos unhas castañas para celebrar o magosto.

Preme na imaxe para ver máis fotografías do momento.

Que mellor xeito para conmemorar o Día do Libro que compartindo lecturas. Nós farémolo durante a hora de ler desta semana, hoxe comezamos pero temos moitas ganas de seguir lendo e escoitando historias. 

E vós, con quen compartides lecturas?

Peóns, música, baile e castañas ben quentiñas son os ingredientes perfectos para festexar o MAGOSTO. Así o fixemos no cole o pasado venres, se queres ver algunha imaxe do momento preme aquí.

As nenas e nenos de sexto, coa axuda de Suso, representaron o conto dos Tres Porquiños para todo o alumnado do centro. Nos próximos días tamén representarán na gardería.

PREMEDE NA IMAXE SE QUEREDES VER MÁIS FOTOGRAFÍAS