Lectura e familia

A voar!

Mar, 06/20/2023 - 23:37 — ceippalasderei

Imos rematando o curso con moita festa!!

Hoxe, bailamos e cantamos ao ritmo de Ce Orquestra Pantasma.

Espectáculo baseado no libro-cd "A voar. Un conto para soñar con música para brincar", do Cê Orquestra Pantasma e editado por Miudiño S. Coop. Galega.

Toma un respiro e le

Mér, 06/07/2023 - 14:49 — ceippalasderei

Dentro do programa "Lectura e familias" contamos cun novo recuncho na entrada do cole cheo de libros!!! As familias podedes coller prestado calquera destes libros sobre disciplina positiva, redes sociais e educación en xeral... Animádevos

A Xanela do Maxín

Xov, 06/01/2023 - 17:23 — ceippalasderei

Novo espectáculo dentro do programa Lectura e Familia. A Xanela do Maxín engaiolounos coas súas historias sobre a auga, o aire, o lume e a terra!

Graciñas por vir! Encantounos!

Charla acoso

Xov, 05/04/2023 - 19:10 — ceippalasderei

Na tarde de hoxe, desfrutamos dunha nova sesión do programa "Lectura e familias".

Nesta ocasión contamos, de xeito simultáneo cunha charla e un contacontos.
Por unha banda, estivemos con María Soto que lle transmitiu aos adultos ferramentas de educación consciente e responsable centrada no respecto mutuo para abordar o acoso escolar.
E por outra banda, os máis peques descubriron a través do conto "O planeta sen cor" a importancia da diversidade, dos limites e da cooperación para crear ambientes de respecto, todo da man de Mamen Bazarra.
Graciñas por vir!!

Charla acoso

Sáb, 04/29/2023 - 14:01 — ceippalasderei

O vindeiro xoves 4 de maio, na Casa da Cultura, de 16:15 a 17:15 contaremos cunha charla para adultos sobre Disciplina Positiva a cargo de María Soto de "Educa Bonito". Simultáneamente, haberá un contacontos na biblioteca do cole para nenos/as a cargo de Mamen Bazarra de "La niña del arcoiris".