Circulares

Está xa dispoñible o Punto Laranxa, tanto  físico como virtual.

Esta é unha medida impulsada dende a Xunta de Galicia co obxectivo de erradicar o acoso e o ciberacoso nos centros educativos, grazas á colaboración de alumnado, docentes, familiares e outras persoas  próximas á comunidade educativa. O anonimato constitúe un refuxio seguro á hora de denunciar, facilitando así o logro dun cambio entre todos e todas.

O funcionamento do punto físico, instalado no corredor principal do centro, é coma un buzón a través do cal se pode comunicar ou denunciar, dende unha posición totalmente anónima, posibles situacións de acoso ou ciberacoso que sufra o alumnado ou se perciba en terceiros. A apertura e xestión dese buzón correspóndelle aos docentes do centro que conforman ao equipo de actuación contra o acoso escolar do centro.

En canto ao punto virtual, pódese acceder dende a páxina web do centro (na marxe superior dereita) que permite escribir e enviar unha mensaxe anónima, que será lida polo devandito equipo de actuación.

Dende aquí podedes acceder ao cartaz e tríptico informativo.

As familias do alumnado que xa teña asignada parada en cursos anteriores non é preciso que realice ningún trámite.

En base á instrución 1/2023 da Secretaría Xeral Técnica da Consellería de  Cultura, Educación,  Formación Profesional e Universidades e da Dirección Xeral de Mobilidade da Consellería de Infraestructuras e Mobilidade, sobre a xestión do servizo de transporte escolar no curso 2023-2024

◄ Solicitude de modificación de itinerario e de introdución de novas paradas.

Os pais, nais ou titores legais deberán informar á dirección do centro da súa vontade de solicitar ditas modificacións indicando as coordenadas de xeolocalización da nova parada ou itinerario a crear cos datos que aporta a aplicación "Google Maps".

Posteriormente a dirección cursará a solicitude ante a Xefatura Territorial de Lugo.

Con carácter xeral non se autorizarán desviacións nos itinerarios de transporte escolar e/ou introdución de novas paradas en distancias inferiores a 2 km da ruta actual, nin fóra da zona de influencia do centro.

◄ Presentación  solicitudes excepcionais de uso do transporte escolar.

1. Alumnado cuxo domicilio estea situado a unha distancia do centro escolar inferior a 2 km e superior a 1 km en zona urbanizada e 500 m en zona non urbanizada.
2. Alumnado escolarizado en centros que non lles corresponden, de acordo coas áreas de influencia fixadas en función dos seus domicilios familiares.
3. Alumnado que, por causa de proximidade xeográfica, solicite a utilización de liñas de transporte correspondentes a centros distintos a aqueles nos que estea matriculado.

Este alumnado poderá solicitar uso excepcional do transporte escolar sempre que concorran as seguintes circunstancias:

• Que existan prazas vacantes
• Que non comporte a modificación das rutas
• Que non supoña a creación de novas paradas
• Que non incremente a duración do traxecto
• Que non precise a incorporación de acompañante

Os pais, nais ou titores legais cuxos fillos/as se atopen nalgunha das situacións anteriores, poderán solicitar ante a dirección do centro o uso excepcional do transporte escolar por parte destes.

Prazo de solicitude: do 3 ao 6 de xullo, incluído.

Dende aquí podedes acceder ao tríptico informativo de comezo de curso

.

As familias do alumnado que xa teña asignada parada en cursos anteriores non é preciso que realice ningún trámite.

En base á instrución 1/2022 da Secretaría Xeral Técnica da Consellería de Educación, Universidade e Formación Profesional do 8 de xuño, sobre a xestión do servizo de transporte escolar no curso 2022– 2023

◄ Solicitude de modificación de itinerario e de introdución de novas paradas.

Os pais, nais ou titores legais deberán informar á dirección do centro da súa vontade de solicitar ditas modificacións indicando as coordenadas de xeolocalización da nova parada ou itinerario a crear cos datos que aporta a aplicación "Google Maps".

Posteriormente a dirección cursará a solicitude ante a Xefatura Territorial de Lugo.

Con carácter xeral non se autorizarán desviacións nos itinerarios de transporte escolar e/ou introdución de novas paradas en distancias inferiores a 2 km da ruta actual, nin fóra da zona de influencia do centro.

◄ Presentación  solicitudes excepcionais de uso do transporte escolar.

1. Alumnado cuxo domicilio estea situado a unha distancia do centro escolar inferior a 2 km e superior a 1 km en zona urbanizada e 500 m en zona non urbanizada.
2. Alumnado escolarizado en centros que non lles corresponden, de acordo coas áreas de influencia fixadas en función dos seus domicilios familiares.
3. Alumnado que, por causa de proximidade xeográfica, solicite a utilización de liñas de transporte correspondentes a centros distintos a aqueles nos que estea matriculado.

Este alumnado poderá solicitar uso excepcional do transporte escolar sempre que concorran as seguintes circunstancias:

• Que existan prazas vacantes
• Que non comporte a modificación das rutas
• Que non supoña a creación de novas paradas
• Que non incremente a duración do traxecto
• Que non precise a incorporación de acompañante

Os pais, nais ou titores legais cuxos fillos/as se atopen nalgunha das situacións anteriores, poderán solicitar ante a dirección do centro o uso excepcional do transporte escolar por parte destes.

Prazo de solicitude: do 4 ao 8 de xullo, incluído.