Circulares

Premendo na imaxe podedes consultar as normas de organización e funcionamento para o curso 2020/21

Poñemos a vosa disposición os plans elaborados polo centro para a adaptación ao contexto COVID.

Publicada na web da Consellería de Educación, a Resolución conxunta das Consellerías de Educación e de Sanidade, pola que se aproba o protocolo de adaptación ao contexto da Covid-19 para o inicio do desenvolvemento da actividade lectiva no curso académico 2020/2021 nos centros de ensino non universitario de Galicia, podedes consultalo dende AQUÍ.

Segundo dispón, cada centro elaborará o seu propio "Plan de adaptación á situación Covid-19 no curso 2020-2021" que será posto en coñecemento da comunidade educativa a comezos de setembro.

 ABERTO  o prazo de admisión de membros da Comunidade Educativa do Ceip de Palas de Rei, como colaboradores voluntarios nas tarefas de atención e apoio ao alumnado usuario do comedor escolar durante o curso 2020-2021.

O prazo para presentar solicitudes permanecerá inicialmente aberto ato o día 11 de setembro de 2020, podéndose reabrir un novo prazo, de ser o caso, ata o 21 de decembro de 2020.

En base á instrución 1/2020 da Secretaría Xeral Técnica da Consellería de Educación, Universidade e Formación Profesional do 8 de xuño, sobre a xestión do servizo de transporte escolar no curso 2020 – 2021

◄ Solicitude de modificación de itinerario e de introdución de novas paradas.

Os pais, nais ou titores legais deberán informar á dirección do centro da súa vontade de solicitar ditas modificacións indicando as coordenadas de xeolocalización da nova parada ou itinerario a crear cos datos que aporta a aplicación "Google Maps".

Posteriormente a dirección cursará a solicitude ante a Xefatura Territorial de Lugo.

Con carácter xeral non se autorizarán desviacións nos itinerarios de transporte escolar e/ou introdución de novas paradas en distancias inferiores a 2 km da ruta actual, nin fóra da zona de influencia do centro.

Prazo de solicitude: ata o 10 de xullo de 2020, incluído.

◄ Presentación  solicitudes excepcionais de uso do transporte escolar.

1. Alumnado cuxo domicilio estea situado a unha distancia do centro escolar inferior a 2 km e superior a 1 km en zona urbanizada e 500 m en zona non urbanizada.
2. Alumnado escolarizado en centros que non lles corresponden, de acordo coas áreas de influencia fixadas en función dos seus domicilios familiares.
3. Alumnado que, por causa de proximidade xeográfica, solicite a utilización de liñas de transporte correspondentes a centros distintos a aqueles nos que estea matriculado.

Este alumnado poderá solicitar uso excepcional do transporte escolar sempre que concorran as seguintes circunstancias:

• Que existan prazas vacantes
• Que non comporte a modificación das rutas
• Que non supoña a creación de novas paradas
• Que non incremente a duración do traxecto
• Que non precise a incorporación de acompañante

Os pais, nais ou titores legais cuxos fillos/as se atopen nalgunha das situacións anteriores, poderán solicitar ante a dirección do centro o uso excepcional do transporte escolar por parte destes.

Prazo de solicitude: ata o 1 de setembro de 2020, incluído.