Circulares

Tendo en conta o Real Decreto 463/2020 do 14 de marzo, polo que se declara o estado de alarma para a xestión da situación de crise sanitaria ocasionada polo COVID – 19, e as instrucións da Consellería de Educación, atenderanse as dúbidas no enderezo electrónico: ceip.palas.rei@edu.xunta.esou no teléfono do centro: 982870627 en horario de 10h a 13h.  

  Tal e como marca a Consellería de Educación, dende o centro seguimos as INSTRUCIÓNS RESPECTO DA ATENCIÓN DO ALUMNADO recollidas na instrución de 13 de marzo de 2020.

"-O centro disporá das medidas precisas para facilitar a continuidade do proceso de aprendizaxe do alumnado fóra do ámbito escolar.

-Cada centro, dentro da súa autonomía pedagóxica e de xestión, establecerá un sistema de comunicación e información co alumnado e as familias a través das ferramentas ou plataformas coas que traballa habitualmente, así como calquera outro medio de comunicación que o centro estime adecuado para esta situación.

-Os equipos docentes e o restante profesorado elaborarán propostas de actividades para que o alumnado continúe co seu proceso educativo nos seus domicilios."

A Consellería de Educación anuncia as medidas a adoptar en todos os centros de ensino en relación coa pandemia Covid - 19 para os vindeiros 14 días naturais contados dende o 16 de marzo de 2020: 

• "Suspensión de todo tipo de actividade lectiva regulada en todos os centros de ensino non universitario. Esta suspensión inclúe tamén os servizos educativos complementarios, nomeadamente, o comedor, transporte e servizo de madrugadores, con independencia de quen sexa o organizador dos devanditos servizos."

Máis información sobre as medidas publicadas premendo aquí 

Seguiremos informando ante calquera novidade.

O resultado da votación das familias supera o 58% dos votos a favor, necesarios segundo o recollido no punto 4 do apartado segundo da Orde de 29 de maio de 2008 polo que se establece o procedemento para a implantación da xornada lectiva en sesión única de mañá, polo que é posible a implantación da xornada única de mañá para o vindeiro curso.

Dende o centro queremos darvos as grazas a todas as familias polo voso apoio e pola enorme participación que tivo a xornada de votación. Coa vosa implicación demostrastes, unha vez máis, que este cole vos importa.

GRAZAS!

Seguindo co proceso de implantación de xornada única de mañá, o vindeiro luns día 10 de febreiro, ás 12:45 horas, celebrarase no centro, o sorteo público para a elección dos membros da mesa de votación do sector das familias.

Esta mesa estará composta pola dirección do centro e dúas nais, pais ou titores legais.

Recordade que a votación será o luns 17 de febreiro.

Vota si ou vota non, pero vota. Que se note que esta escola che importa.