Conmemoramos o 25N, Día Internacional Contra a Violencia de Xénero.
Na biblioteca do cole, visionamos un vídeo creado polo alumnado de 5º de educación primaria para o III Certame Coreografíate.
Tamén nos mostraron reflexións e impresións sobre o 25N e tras a súa participación nesta actividade.
Posteriormente, xuntámonos no patio co cole co alumnado e profesorado do IES do Camiño para unir forzas ante a loita contra a violencia de xénero, a través da música, lectura dun manifesto e poemas.
Grazas ao alumnado do IES por agasallarnos con eses globos que tinguiron o patio de cor violeta. A nós fíxonos moita ilusión poder entregarlles as pulseiras que estivemos elaborando para este día e que levan por lema: 25N ALTO E CLARO
O alumnado de 4º e 5º de educación primaria particiou nun obradoiro, ofertado polo CIM, de creación de contos.Contos libres de estereotipos e de calquera xeito de violencia.
Os debuxos que crearon expuxéronse no corredor do cole, acompañados dun lazo violeta, na súa realización colaborou todo o alumnado do centro.
Alentía teatro fíxonos desfrutar coa representación "A luz das candeas". Pequenas historias para reflexionar, que invitan a ser fortes, valentes, especiais, a cumprir os soños e a coidar as amizades.
Baile, disfraces, túnel para entrar no cole, xantar terrorífico... que ben o pasamos polo Samaín!
Graciñas ás familias de educación infantil por crear casas encantadas, gorros de bruxa e mouchos, e tamén un agradecemento enorme ás familias de primaria que aportaron cabazas para poder decorar no cole... axudástesnos moooooito a crear un ambiente xenial!!