O alumnado de 4º e 5º de Ed. Infantil pescudou sobre o Universo no seu PDI.

Partiron do conto "Como atrapar a unha estrela", de Oliver Jeffers, para motivalos a pensar sobre todos aqueles aspectos que lles resultan intrigantes sobre o universo.

Resumimos a continuación as actividades realizadas ao longo do curso:

• Debuxamos o conto
• Escoitamos as cancións:
• Os Planetas, canción de cuna
• "Veo, veo el Sistema Solar", canción infantil
• Canción dos planetas para nenos
• Contamos o conto "El Espacio al dedillo", de Ed. Combel.
• Coloreamos o mural da nave co astronauta e os planetas.
• Montamos o mural na porta.
• Contamos o conto "El pez que quería ser astronauta" de Mar Cerdá Albert.
• Debuxamos o conto .
• Debuxamos a nosa ficha do mural.
• Fixemos un móbil cos planetas.
• Ordenamos planetas de maior a menor.
• Fixemos debuxos do Universo.
• Cantamos cancións dos planetas.
• Fixemos os nosos disfraces, cada un axuda ao seu persoaxe.
• Disfrazámonos do Universo.
• Sacamos unha foto co noso amigo o astronauta.
• Fixemos postais con eclipses da Lúa.
• Pintamos estrelas e fixemos constelacións.
• Observamos as distintas fases da Lúa e fixemos fichas.
• Coloreamos distintas naves espaciais.
• Aprendemos distintas adiviñas e fixemos os debuxos correspondentes.

O traballo con este PDI foi moi motivador para os nenos e nenas.

MY HOME, OUR HOME, THE PRADO MUSEUM

Con este proxecto quixemos dar un paso adiante no coñecemento do Museo del Prado, como protector e fogar da arte ( de aí o título do proxecto ), coñecendo os seus arredores, a súa ubicación, as diferentes salas,  as xentes que alí traballan, compartindo as sensacións que nos fan sentir os artistas e aprezalo como espazo cheo de vida.

Descubrimos o que se atopa tras a porta secreta do Museo del Prado. Anímaste a abrila?

Convertémonos en artistas creando as nosas propias obras de arte, elaboramos unha guía de lectura sobre o Museo del Prado, visitamos a exposición “O eco das amazonas” do artista Baldomero Moreiras na Sala Valente, construímos o noso recuncho da arte, organizamos visitas guiadas ao Sueiro Museum e recitamos a chant “Two Ms: Museums and Music”.

WELCOME TO THE SUEIRO MUSEUM!!!

GALERÍA DE IMAXES DO TRABALLO REALIZADO

---

No mes de abril realizamos unha visita á exposición "O eco das amazonas" do artista ourensánBaldomero Moreiras.

Na seguinte ligazón reflectimos as actividades realizadas nesta visita.

---

Guía De Lectura

 

O alumnado de 2º e 3º de Ed. Primaria e da aula de apoio, na Hora de ler, realizou un proxecto documental sobre “Os deuses do Olimpo”, ao longo do 1º e 2º trimestre deste curso.

Completaron un álbum de cromos cos principais deuses e pescudaron información sobre os seus poderes e protección. Os cromos foron elaborados por todo o alumnado participante, sendo os mellores traballos os que foron os escollidos para para imprimir.

Para avaliar os coñecementos adquiridos participaron nun Kahoot co que se divertiron ao mesmo tempo que amosaban o aprendido.

 RECURSOS EMPREGADOS

• Os deuses do Olimpo en pdf.
• Presentación en Google Slides.
• Álbum de cromos para completar. Cromos para pegar no álbum.
• Kahoot para avaliar a comprensión desta lectura.

O alumnado de 3º e 5º de Ed. Primaria participou, o 15 de maio, nos XXIII Encontros de teatro escolar de Bande que organiza o Concello coa colaboración do CEIP de Xaquín Lorenso e o IES Querquernis.

Este ano, representamos a obra titulada "Ondiñas que van e veñen" que nos mesmos elaboramos dentro do proxecto documental integrado que estamos a desenvolver, en 3º de Ed. Primaria, sobre a contaminación da nosa contorna .

Esta obra de teatro, sérvenos para reflexionar sobre a contaminación que os humanos estamos causando nas nosas praias e mares.

Parabéns para todo o alumnado participante pola súa actuación!!

GALERÍA DE IMAXES

O equipo de meteorólogos do Sueiro explícanos a composición do aire, a formación de nubes e o tipo de precipitacións máis abundantes que hai na nosa zona.

Para elo, traballaron cunha metodoloxía "maker" na que eles foron quen de dar solucción ao reto proposto que consistía en crear un programa audiovisual informativo sobre meteoroloxía entre todo o grupo de 4º de Ed. Primaria.

GALERÍA DE IMAXES

O venres de Entroido realizamos o desfile de disfraces na pista polideportiva do centro cunha gran asistencia de familiares e amigos do alumnado.

Previamente ao inicio do desfile, participamos nunha degustación de doces de entroido que foron realizados coa colaboración das familias do alumnado. Desde o centro, agradecemos o esforzo e traballo de todos e todas as reposteiras participantes.

Como en anos anteriores, cada curso disfrazouse dunha temática que está relacionada co PDI que están a desenvolver nas súas aulas:

• 4º e 5º de Ed. Infantil. Astronautas e planetas.
• 6º de Ed. Infantil. Robots.
• 1º de Ed. Primaria. Fichas de dominó.
• 2º de Ed. Primaria. Trogloditas.
• 3º de Ed. Primaria. Medio ambiente contaminado.
• 4º de Ed. Primaria. A frauta Máxica de Mozart.
• 5º de Ed. Primaria. Os minións.
• 6º de Ed. Primaria. Follas.

Ao rematar o desfile,

pasámolo xenial no baile de disfraces!!

GALERÍA DE IMAXES

Neste libro recollemos hitorias da mitoloxía grega traballadas na "Hora de ler" e na aula de apoio para mellorar a comprensión lectora do alumnado.

Asemade, tamén achegamos ligazóns a recursos que nos poden ser de utilidade para traballar na aula, estas historias.

Esperemos que sexan do voso agrado...

Este ano no Día das bibliotecas, 24 de outubro, cada curso presentou ante os seus compañeiros o traballo que van  a desenvolver ao longo do curso dentro do PDI "Cada latexo... un pensamento" co que pretendemos aprender a pensar desde a biblioteca escolar en sintonía coa temática proposta desde a Asesoría de bibliotecas.

Os proxectos presentados foron os seguintes:

• Estudiamos o Universo. Alumnado 4º e 5º de Ed. Infantil.
• Viaxando con Robots. 6º de Ed. Infantil.
• Pensando co dominó. 1º Ed. Primaria.
• Pensar e xogar con xogos populares. 2º Ed. Primaria.
• Por que?. Como?, Cando?. 3º Ed. Primaria.
• Pensando coa Ópera: "A flauta máxica". 4º Ed. Primaria.
• Pensando en equipo. 5º Ed. Primaria.
• Galicia Terra de moitos paisaxes. 6º Ed. Primaria.
• Descubrindo os valores do noso mundo. Ed. Relixiosa.
• Pensando a través dos mitos. Aula de apoio.

Presentación do PDI.
Trailler do PDI.
Mito de "Dédalo e Ícaro".

• The Blue Fairy. Lingua inglesa.

Talk once.
Listen twice.
Think many, many times.
And...

...BREATHE!

O alumnado de 6º de Ed. Primaria interpretou a canción de Rod Stewart: "Have You Ever Seen The Rain", como actividade do seu proxecto de metereoloxía preguntándose por qque hai calma antes da tormenta?

Durante este curso, 2016-2017, o Sueiriño VI impregnou de arte todos os recantos e actividades do noso cole, co proxecto documenal integrado titulado:"O Sueiro: onde a lectura é arte".

Seguindo as directrices marcadas pola Asesoría de bibliotecas para este curso, e visto que xa tiñamos realizado algún pequeno proxecto sobre pintura, decidimos dedicar o noso PDI ao mundo das artes en xeral.

A nosa proposta presentou un proxecto cooperativo de todo o centro, que partindo da biblioteca, implicou ao alumnado por área, curso, etapa, a todos os membros do claustro, e involucrou a membros da comunidade educativa.

O traballo realizado por cada curso foi o seguinte:

• 4º e 5º de Ed. Infantil.

• 6º de Ed. Infantil.

• 1º de Ed. Primaria.

• 2º de Ed. Primaria.

• 3º de Ed. Primaria.

• 4º de Ed. Primaria.

• 5º de Ed. Primaria.

• 6º de Ed. Primaria.

• Área de Relixión.

• Língua inglesa.

• Aula de apoio.