Preme aquí, para ver a tamaño completo

Dende a materia de Educación Musical, aportamos o noso granciño de area ao PDI do CEIP Manuel Sueiro no curso 2020-2021, traballando as emocións a través da música.

Non cabe dúbida que existe unha conexión entre a música e os sentidos. Acompáñanos ao longo das nosas vidas evocando infinidade de emocións, sensacións e incluso recordos, pois quen non se transporta a un momento e lugar concreto cando soa esa determinada canción? Non só é a “banda sonora” da nosa vida, ademais ten a capacidade de sandar: cambia o noso estado de ánimo, axúdanos a relaxarnos, estimula os nosos sentidos, a imaxinación e sacude as nosas emocións.

A partir dunha serie de cancións o alumnado vivenciou e reflexionou sobre as distintas emocións e sensacións que cada unha delas lles provocaba, exteriorizándoas de maneira oral e plástica. Isto permitiunos analizar e comprender as nosas propias emocións, base da súa xestión no noso día a día.

EDUCACIÓN INFANTIL E A SERENIDADE:

A canción Le nouvel arc en ciel de Michel Pépé, permitiu que o alumnado de Educación Infantil sentise calma e tranquilidade. Despois da súa audición e de acompañar a música co seu corpo, falaron das súas experiencias durante a escoita:

• Breogán (4º Educ. Infantil): “pensaba en donuts”.
• Zoe (5º Educ. Infantil): “pensaba en que yo, mamá, papá y mi hermana íbamos a la luna”.
• Romil (6º Educ. Infantil): “pensaba en que estaba en la playa”.

1º E O  ODIO/REXEITAMENTO:

O asasinato (máis coñecida por formar parte da banda sonora da película Psicose) de Bernard Herrmann, recordounos os nosos noxos e sentimentos de rexeitamento máis profundos.

2º E A FELICIDADE:

Jason Farnham coa súa composión Payday, lembrounos que para ser feliz só necesitamos das pequenas cousas do día a día. Para quen aínda o dubide, que probe a nosa Receita para ser feliz.

3º E O MEDO:

Tubullar bells, de Mike Oldfield, acompañou as nenas e nenos durante a análise dos seus medos máis irracionais. Para demostrar que son moi valentes e seguir adiante, romperon con eles centos de anacos para facelos voar e desaparecer.

4º E A ALEGRÍA:

O Frasco das alegrías confórmase dos momentos alegres das vidas do alumnado de cuarto. Chegado o momento de coñecer que cousas alegran as súas vidas, acompañounos a canción Make it shine de Sophonic media, e descubriron que coinciden nalgunha que outra alegría.

5º E A TRISTEZA: 

Face shrine forma parte da banda sonora do videoxogo Zelda. Tras un momento de análise, esta peza acompañou ao alumnado mentres plasmaban de maneira creativa as súas tristezas.

6º E O AMOR/CARIÑO: 

O amor e o cariño son como unha semente que hai que coidar e coidar para que se converta nunha fermosa árbore. A nosa Árbore do amor está cargadiña das diferentes formas nas que demostramos cariño e afecto aos nosos seres queridos. Liebestraum nº3 en La b Maior, Soño de amor de Liszt, foi a canción que fixo aflorar este sentimento.

Este curso podemos cualificalo como emocionante, pois tal e como dixo Nietzsche “Sen música, a vida perdería o sentido”.

Unímonos á campaña “Apadrina un pingüino”. Recibimos o diploma que nos acredita como padriños do pingüino Sueiriño. Comprometémonos a coidar o medio ambiente para que o noso afillado medre nun planeta limpo e sostible e o quecemento global non o deixe sen fogar na Antártida.

Lemos sobre pingüinos, sobre a Antártida; escribimos un diario coas tarefas que desenvolvemos cada día durante o proxecto, recitamos poesía, fixemos pingüinos, construímos a nosa propia Base da Antártida no cole, visionamos vídeos dos que tivemos información sobre ese lugar tan remoto do planeta e as actividades científicas que alí se desenvolven.

Como di a nosa poesía: “DEL COLE A DECEPCIÓN”, saludamos a todos/as os que coidamos o noso planeta.
Fontes escritas:

• Sobre el planeta Tierra ( Baía Edicións )
• El viaje de los pingüinos ( Ed. SM )
• El pingüino ( Combel Ed. )
• Una familia de pingüinos ( Ed. Anaya)
• Reportero DOC, nº 254. Polo Sur, vida extrema.
• Reportero DOC, nº 283. En la escuela de los animales.
• I love English junior, nº 3-76. The emperor penguins.
• Be brave little penguin  ( Orchard Ed )

O desenvolvemento do proxecto pode seguirse no enlace
http://www.edu.xunta.gal/centros/ceipmanuelsueiro/node/1636

Desde a área de inglés participaremos no PDI da área de E.F. desenvolvido en 6º E.P., que leva por título xeral: “Carton vermello á soidade”.

O noso proxecto levará por título:”KICK OUT LONELINESS”.

Incorporámonos, como dixemos, ao PDI da área de E.F., facendo un xogo de palabras co título: Usando o verbo KICK, tan nomeado no mundo do football, achegarémonos ás emocións que xera a loneliness, obxecto do proxecto ao que nos unimos.

Valoraremos as emocións que o sentimento de pertenza a un clube de fútbol inglés xera entre os siareiros. Como ese sentimento de grupo da forma a un xeito de vida.

Recursos:

https://foundation.liverpoolfc.com/inclusion
https://www.youtube.com/watch?v=KK6eCBU74Wc&t=3s
https://www.youtube.com/watch?v=YhqiSO_UFxg&t=1s
https://www.youtube.com/watch?v=Rb7HXjKg0GQ&t=2s
https://www.liverpoolfc.com/kopkids

O desenvolvemento desta actividade pode verse na ligazón
http://www.edu.xunta.gal/centros/ceipmanuelsueiro/node/1666

Sendo seleccionados no proxecto de innovación educativa “Club de Letras”, e como propón a convocatoria  deste curso, fixemos do autocoidado a plataforma desde a que extendemos o coidado cara aos demais, ( familias, escolas, sanitarios, … ), prestando especial atención ás emocións que a situación actual de pandemia fai aflorar nos nenos e nenas, nos tempos COVID que estamos a vivir. Ademais, incidimos na importancia dunha alimentación saudable e sostible para unha mellora xeral da nosa saúde.

Este traballo tamén foi o núcleo do PFPP: “Dinamizamos o centro a través do autocoidado e a reciprocidade do coidado”, desenvolvido por catro mestres do centro que promovía unha metodoloxía de OBSERVACIÓN directa entre alumnos/as e mestres.

Os recursos, obxectivos, contidos e metodoloxía foron indicados na programación de inicio de curso.

Nos seguintes enlaces pódese seguir o desenvolvemento do noso PDI:

http://www.edu.xunta.gal/centros/ceipmanuelsueiro/node/1577
http://www.edu.xunta.gal/centros/ceipmanuelsueiro/node/1626
http://www.edu.xunta.gal/centros/ceipmanuelsueiro/node/1617
http://www.edu.xunta.gal/centros/ceipmanuelsueiro/node/1616
http://www.edu.xunta.gal/centros/ceipmanuelsueiro/node/1621
http://www.edu.xunta.gal/centros/ceipmanuelsueiro/node/1618
http://www.edu.xunta.gal/centros/ceipmanuelsueiro/node/1650

Para traballar o  PDI da biblioteca que este ano está adicado as emocións, dende a área de Educación Física  fixémolo a través da lectura do libro “El sueño de Iván”, un libro a través do cal ademais de promover o fomento da lectura nos adentramos nas distintas emocións que un deporte como o fútbol nos pode transmitir, tentando saber porque se producen os negativos e como podemos na maneira do posible controlalos ou evitar que se produzan. Como é posible que alguén se sinta so se pertence a un grupo? Que sentimos cando somos os últimos que nos escollen? E outras moi positivas como as ganas de participar nun deporte colectivo cos meus compañeirxs, a alegría de entre todos poder acadar unha meta común.

As actividades que levamos a cabo no inicio do terceiro trimestre foron:

• Elaboración de tarxetas cos emojis en lingua inglesa.
• Cada neno/a escolleu unha e representou unha vivenza relacionada co deporte no que sentira dita emoción.
• A corda cooperativa. Para traballar a importancia do grupo e a súa colaboración como tal porque se un vai contracorrente ou falla non vamos ser capaces de conseguir o obxectivo.
• Fixemos unha tarxeta vermella xigante composta de outras tarxetas vermellas máis pequenas onde escribimos as emocións negativas que queremos eliminar. E pola outra cara as emocións que nos parecen positivas que xera o deporte.
• Visionado e reflexión do corto l`e petit equipe, debate sobre el.
• Elaboración de dorsais coas emocións positivas.
• Xogamos un partido de fútbol tentando levar a cabo todos eses valores positivos.

O curso escolar 2020/2021, a aula de 6º de Educación Primaria, decidiu centrar o seu traballo cuxo obxectivo principal é que o alumnado sexa capaz de coñecer e identificar as súas emocións e interpretar os seus sentimentos e así poder xestionalos como instrumento de mellora da convivencia cos demais sendo una das ferramentas fundamentais para mellorar o autoconcepto e a autoestima. dentro do PDI xeral do CEIP Manuel Sueiro, co título “Os teus superpoderes están dentro de ti: descúbreos”.

O obxectivo xeral centrouse en que Que o alumnado sexa capaces de coñecer e identificar as súas emocións e interpretar os seus sentimentos e así poder xestionalos como instrumento de mellora da convivencia cos demais e como ferramenta para mellorar o autoconcepto e a autoestima.

O traballo desenvolveuse a través dunha por semana, cunha duración de 50 minutos. A metodoloxía centrouse nunha metodoloxía activa e do descubrimento guiado, para que o alumno sexa capaz de construír as súas propias aprendizaxes de maneira autónoma. Apoiarémonos na maioría das actividades de soporte escrito, priorizando en todo momento o traballo a través da comunicación oral, axustándonos ás características do alumnado.

As actividades realizadas ao longo do curso foron as seguintes:

1º trimestre:
Lectura do libro: No soy un penoso. Editorial SM.
Actividades:

• A miña Autobiografía.
• Escala de emocións:
• A Escala de emocións:
• Escala de emocións:
• As emocións nos poden axudar ou prexudicar.

2º trimestre:
Lectura do libro: Y de regalo... ¡Superpoderes!. SM.
Actividades:

• Cambiando a comunicación interna.
• Os pensamentos negativos: Ao lixo.
• Aprendemos a dicir non.
• O resto das persoas tamén senten: a empatía.
• Que podemos mellorar.
• Temos dereito a confundirnos.

3º trimestre:
Lectura do libro: ¡Al ataque!. SM.
Actividades:

• Situacións positivas e negativas.
• Como actividade de conclusión: Acróstico de elementos positivos de cada un de nós.

Como conclusión, destacar que cando as persoas dialogan e saben escoitar e poñerse no lugar dos outros, é indiscutible os resultados melloran así como a convivencia e relación cos demais. A valoración do traballo foi en aumento ata o punto de pasar, dunha estratexia de motivación e de resolución de problemas, a darlles capacidade para tomar decisións, planificar e conducir os mesmos procesos dos que son protagonistas.

O PDI que traballou conxuntamente o centro leva o nome de “Laboratorio Sueiro, campaña de vacinación: contra a COVID... emoción”. A partires desta idea xeral, no 4º curso de E.P. traballamos ao longo do curso as emocións que sentimos dependendo do momento e espazo no que nos atopemos. Fixemos uso dos xogos de rol para poñernos no lugar doutras persoas, dos animais... e recollemos todas esas emocións no que chamamos “O bingo xiringa”.

Obxectivos:

• Mostrar as nosas emocións.
• Saber poñerse no lugar dos demais.
• Fomentar o respecto e a valoración das persoas.

Actividades:

• Elaboramosdun emocionómetro para controlar as emocións.
• Debate: que sentes cando estás no colexio? E na casa? E durante o confinamento que nos tocou vivir este ano?
• Xogo de rol: poñerse no lugar doutras persoas, empatía (enfermos, médicos,...).
• Visionamos curtas e posterior debate sobre as emocións que transmiten.
• Odiovirus: creación dun virus que ocasiona violencia e odio. Buscar os compoñentes que axudan a combatelo. Creación da vacina amistidina para derrotar ao odiovirus.
• Deseño do noso “bingo xiringa” e dos emojis das emocións. Todas as emocións irán nun soporte con forma de gota (debido a que caerán pola xiringa) e identificadas cun emoji diferente. Tamén deseñaremos os boletos do bingo coas diferentes emocións.

Neste curso, no P.D.I. traballamos as emocións ligadas á pandemia que estamos a  vivir. O grupo de 3º de Educación Primaria fixámonos nas emocións que parten do noso mundo interior reforzando a autoestima de cada quen, para traballar as relacións coas demais persoa e co mundo que nos rodea.

Traballamos a autoestima, a capacidade de empatía e a expresión emocional, actitudes positivas cara o mantemento da saúde, o autocontrol para xestionar emocións como a ira, a rabia ou o enfado.

Ademais, ao longo do 1º trimestre fixemos sesións de ioga e mindfullnes para traballar o coñecemento do propio corpo e a relaxación e fixemos meditacións a través de historias narradas cun fondo musical.

Fixemos actividades de lecturas, debates, manualidades ou debuxos e pechamos o noso traballo audiovisual cunha canción que recolle as emocións básicas como o medo, a alegría, a ira...

Neste curso, o P.D.I. do centro ten como tema central  “Laboratorio Sueiro, campaña de vacinacións contra o Covid...As emocións”. O grupo de 1º e 2 º de Educación Primaria vaise centrar na  tolerancia e no reforzo da autoestima,  mediante o conto “El cazo de Lorenzo”, da escritora Isabelle Carrier. Para así, traballar as relacións coas demais persoas e co mundo que nos rodea. Trátase de partir dos alumnos, do particular (coidar de min) ao máis global (coidar do meu entorno), permitindo así ao alumnado ampliar a súa visión sobre o que é o concepto global de saúde (prevención).

Un conto que contén unha gran lección de vida: todos, nalgún momento da nosa vida, podemos atoparnos ante dificultades que nos parezan insuperables pero, non por iso, hai que renderse nin agocharse nin avergonzarse.

Un conto ilustrado que nos fala da autoestima e da resiliencia, da importancia de converter unha adversidade nunha ocasión para aprender algo máis sobre nos mesmos, nun desafío para mellorarnos e saír máis fortes.

OBXECTIVOS

• Traballar e fomentar a autoestima, a capacidade de empatía e a expresión emocional nos alumnos.
• Traballar a tolerancia  como  valor( ser  diferente  os   demais pode  redundar nun      bo  futuro)
• Tolerar, respectar e definir o diferente.
• Aumentar o vocabulario a través do texto do conto.
• Desenvolver actitudes positivas cara o mantemento da saúde.
• Practicar mindfulness: aprender a xestionar emociones.

ACTIVIDADES REALIZADAS:

• Lemos o conto e visualizamos o  video.
• Preguntas de reflexión do conto:
• Que lle pasou a Lorenzo?
• Que ten Lorenzo agora que non teñen outros nenos ou nenas?
• Como ven as outras persoas ese cazo que sempre arrastra Lorenzo?
• Cita dous inconvenientes que ten Lorenzo por arrastrar ese cazo
• Axuda alguén a Lorenzo?
• Que ten tamén esa persoa que axuda a Lorenzo?
• Como axuda esa persoa a Lorenzo? Cita exemplos.
• Que pasa ao final con Lorenzo?
• Colorear algúns debuxos do conto.
• Facer con plastilina os personaxes.
• Fichas de comprensión do conto.
• Comprensión auditiva e visual do conto.
• Ordear as viñetas do conto.
• Unir o texto coa imaxe correspondente.
• Ordena as viñetas e explica o conto.
• Ficha sobre as cualidades positivas dos compañeiros.
• Crear o seu propio cazo e introducir as súas cualidades positivas e negativas (plastilina).
• Colorear o cazo e introducir frases coas cousas que lles custa facer.
• Creamos o noso propio Lorenzo e o seu cazo para que conten o conto.

Actividades de mindfulness como:

• Escoitar os sons do exterior da escola e do interior mentres estas cos ollos pechados.
• Tocar unha campá e pedirlle @s nen@s que escoiten atentamente o son e que levanten as mans cando non escoiten nada.
• Ofrecerlle unha peza de froita (uva pasa) e pedirlle que a describan cos 5 sentidos como se nunca viran unha cousa igual.
• Intentar recordar 5 cousas que vexas de camiño á escola, nun tramo de viaxe en coche, na visita a un museo ou nun simple paseo pola rúa.
• O parte meteorolóxico: Sentados comodamente, pechar os ollos e tomar un tempo para descubrir como se sinten nese momento ¿Que tempo está facendo por dentro?
• Dicirlle que observe si brilla o sol e se sente relaxado, ou se hai nubes e se está a punto de caer un chaparrón, ou quizais hai tormenta. Pedirlle que se observe de forma amable e curiosa o tempo que fai por dentro e indicarlle que é simplemente o que hai. Pode ser que noutro momento do día cambie, pero agora é como é, e así está ben. Os estados de ánimo cambian como cambia o tempo, pasan por si mesmos.
• Atentos e quietos como unha rá: A rá é un animaliño que pode dar grandes saltos pero tamén pode quedarse moi quieta, observando todo o que pasa o seu arredor pero sen reaccionar de inmediato, respirando con moita calma. A súa tripa ínchase cando entra o aire e se desincha cando sae o aire. Imos sentarnos e respiramos como unha rá, así, a rá non se cansa e non se deixa arrastrar por todos os plans interesantes que se lle pasan pola cabeza. Durante un ratiño imos estar quietos como a rá, notando como a barriga avúltase un pouco e despois afúndese outra vez.
• Meditacións guiadas con audios.