Skip to Content

Ed. infantil

O rato canguro

0 21 de novembro e dentro das actividade organizadas para conmemorar o 25 de novembro, a  Concellería de Igualdade, ofertounos unha actividade de contacontos de sensibilización e concienciación en materia de igualdade e prevención da violencia de xénero: "O rato canguro" coa finalidade principal de romper os estereotipos de xénero desde a infancia.

Os obxectivos específicos desta proposta son, entre outros:

  • Fomentar valores de igualdade entre nenas e nenos.
  • Promover a educación non sexista.
  • Romper cos roles ou estereotipos de xénero.
  • Impulsar a corresponsabilidade nos coidados.

O rato Fuco visitou o noso cole acompañado dun bebé ao que tivo que coidar: Chámase Cochin, e é un fillo duns amigos seus que se chaman Lene Marta e Tomás, porcos protagonistas do Conto “Suave y Calentito”, de Bijou Le Ford. Lene Marta traballa fóra da casa e Tomás hoxe non pode atender o pequeno porque ten que ir ao veterinario. Así pois, o rato Fuco foi o escollido para facerse cargo de Cochín.

Durante a contada, deulle de comer, lavouno, cambioulle o cueiro, contoulle contos e mesmo lle cantou un arrolo para o adormecelo, demostrando que en Lonxe de todo os coidados son unha tarefa compartida por ratos e ratiñas.

Experimentando con piñas

 

O alumnado de 4º de Ed. Infantil experimentou con piñas e comprobou como a humidade e a calor fan cambiar a forma das piñas.

Visita á biblioteca municipal de Ourense

Nas semanas previas ao Día das bibliotecas escolares realizamos todo o alumnado do centro visitou as instalacións da biblioteca provincial para realizar unha xornada de animación á lectura e de formación de usuarios.

O 10 de outubro o alumnado de 4º e 5º de Educación Infantil, foi o que realizou a visita á Biblioteca Provincial de Ourense. Ao día seguinte,  os nenos e nenas de 6º de Educación Infantil e 1º de Ed. Primaria, realizaron a mesma visita para coñecer as instalacións da biblioteca. O 17 de outubro foi o alumnado de 2º, 3º e 4º de Ed. Primaria quen se acercou ata a biblioteca. Para rematar esta actividade de achegamento á biblioteca provincial, o 18 de outubro realizou a visita o alumnado de 5º e 6º de Ed. Primaria.

Na visita puidemos observar como é a biblioteca, cales son as súas normas, os diferentes libros que teñen... Tivemos a sorte de escoitar varios contos, pero o que máis nos gustou foi o “Pollo Pepe” e o de "Andrés mentiroso".

Durante a vista, aos nenos e nenas que non tiñan carné o noso carné da biblioteca, foille facilitado un para que poidan facer uso dos servizos da bibliotecas coas súas familias.

Pasámolo xenial!!

Galería de imaxes da visita de 4º e 5º de Ed. Infantil

Visita dos nenos e nenas de 6º de EI e 1º de EP

Visita do alumnado de 2º, 3º e 4º de Ed. Primaria

 Visita do alumnado de 5º e 6º de EP

O alumnado de 3 anos visita a biblioteca

Os nenos e nenas de 3 anos visitaron por primeira vez a biblioteca do cole, estiveron moi atentos e caladiños escollendo o conto que levarán esta semana ás súas casas.

 

Orlas do curso 2021/2022

Orlas do alumnado que rematou etapa educativa no curso 2021/2022:


EDUCACIÓN INFANTIL


 


SEXTO DE EDUCACIÓN PRIMARIA


Festa de Fin de Curso nas aulas

O último día de clase fixemos festas de despedida en todas as aulas do cole. Se premedes nas imaxes de máis abaixo podedes ver o ven que o pasamos ese día.


Educación Infantil



Terceiro de Ed. Primaira


 


 SEXTO CURSO DE EDUCACIÓN PRIMARIA



PREMIDOS NO CONCURSO DE LOGO PARA A BIBLIOTECA


Viaxe a Lodoselo

Os nenos e nenas de Educación Infantil, o 16 de xuño, fixeron unha viaxe ata a granxa escola do pobo de Lodoselo.

En Lodoselo comprobamos en persoa a gran labor social que están a desenvolver desde o centro de desenvolvemento rural do Viso.

Nesta xornada rural, de contacto coa natureza, puidemos dar de comer ás ovellas; tocar e coller as galiñas e os coellos; comprobar como poñen ovos as galiñas; plantar árbores autóctonas e ver, e realizar, como é o proceso de realización do pan nun forno tradicional de pedra.

Asemade, fixemos unhas rutas turísticas polas rúas do pobo montados nun carro que ía tirado por un cabalo.

Pasámolo moi ben, na que para moitos de nós era a primeira excursión no cole!!

Coñece a túa cidade

O 8 de xuñoOs nenos e nenas de Ed. Infantil visitaron coa axuda de Martiño os lugares máis importantes da nosa cidade.

Martiño recibiunos nas Burgas e desde alí guiounos nun percorrido pola Praza Maior, a Catedral e a Praza de San Martiño contaándonos historias moi divertidas.

Como nos portamos moi ben, rematamos a excursión no Parque da Alameda.

Que ben o pasamos!!

Libros que van e veñen no curso 2021/2022

Os nenos e nenas de educación infantil, ao longo do curso 2021/2022 seguiron levando os contiños da biblioteca á casa, para gozar da lectura coa familia, seguindo a iniciativa encadrada dentro do programa "Hora de Ler" para o fomento da lectura: "Libros que van e veñen", co que buscamos a implicación das familias nas actividades da biblioteca, e no empeño por conseguir que as nenas e os nenos do CEIP Manuel Sueiro desenvolvan hábitos de lectura.

Nas seguintes imaxes quedan reflectidas algunhas das actividades que realizaron nas casas coas súas familias:

Libros que van e veñen en 4º de Ed. Infantil

Libros que van e veñen en 5º de Ed. Infantil

Libros que van e veñen en 6º de Ed. Infantil

Distribuir contido


by Dr. Radut