4º Curso

O 23 de novembro realizamos na aula de psicomotricidade do cole un obradoiro de percusión da man de Edgar.

A actividade consistiu nunha clase práctica de ecopercusión no que so se empregaron materiais reciclados e outros elementos cotiáns como bidóns, cubos, etc.

Os nenos e nenas aprendemos a reutilizar estes materiais ao mesmo tempo que coñecemos técnicas de agarre e golpeo e patróns rítmicos relacionados a palabras como recurso de fixación.

Creamos poliritmias experimentando con distintos ritmos (afrocaribeños, conga, Batucada…. ).

O produto final do traballo realizado foi unha gran obra que tivo as seguintes partes: introdución, ritmo, cortes e final, que se poden contemplar no vídeo final de máis abaixo.

Foi unha experiencia sensacional onde todo o alumnado e profesorado participante saíu entusiasmado.

O 12 de novembro celebramos no polideportivo do centro a festa do magosto.

Este ano, disfrutamos do menú de outono que nos serviu e preparou o profesorado do noso centro: bolos preñados, empanada, bica e as protagonistas da festa, as castañas, asadas con moita paciencia polo profe Millán.

Unha vez rematada a merenda, a mestra de educación física organizaou dez estacións de xogos populares polos que fomos pasando todos os cursos do cole.

Para rematar, bailamos e realizamos actividades de percusión.

Pena que só se celebre un día ao ano!!

 GALERÍA DE IMAXES

TRABALLOS FEITOS EN CLASE

 REPORTAXE DE TELEMIÑO PARA O XORNAL ESCOLAR

Comezamos a nosa colaboración con UNICEF o curso pasado, cando grazas á súa campaña de vacinas para a paz, convertémonos en axudantes dunha vacinación tan necesaria.

Este curso, de novo, desenvolvemos algunhas actividades a prol do medio ambiente, con materiais facilitados por UNICEF.

Do 25 de outubro ao 5 de novembro, temos no cole a disposición da comunidade educativa unha exposición de 10 paneis que axuden a tomar conciencia da necesidade de  non malgastar auga, e entender que a mesma é fonte de vida.

Cada curso debateu sobre o que a exposición lles facía sentir e reflexionou sobre a mensaxe.

Ao longo da semana, cada un dos nenos e nenas escribirá nunha pinga de auga as súas reflexións sobre a exposición, co fin de elaborar un libro colaborativo sobre o tema. Enviaremos a actividade ao comité de UNICEF en Galicia ao remate da mesma, agradecéndolles que nos faciliten os materiais dos que dispoñen, no nome de Marta Andrade Blanco.

O alumnado de 3° e 4° de primaria disfrutou dun divertido e didáctico obradoiro no que traballaron aspectos culturais, xeográficos, gastronómicos... da nosa comunidade autónoma, Galicia.

Contabamos cun mural que tiña un percorrido semellando o Camiño de Santiago. Os alumnos e alumnas tiveron que resolver diferentes retos para poder chegar á capital galega.

O magosto, refráns, Entroido, Letras Galegas, muralla de Lugo, o propio Camiño de Santiago, gastronomía... foron algúns dos temas tratados nesta lúdica actividade.

O alumnado de 3º e 4º de Ed. Primaria participou o 19 e 20 de maio na acticidade que organiza a Concellería de Ed. Caderno de Campo, na aula de natureza de Oira, a partir da observación do contorno. Elixiron unha especie vexetal da contorna, o carballo, que eles mesmos debuxaron nun caderno de fichas entregado previamente.

As persoas monitoras facilitáronlle unhas  unhas normas básicas de comportamento e traballo no campo, acompañado de dúas montaxes audiovisuais para fixar a atención do noso alumnado. Unha deles sobre a vida de Ediht Holden, naturista británica, seguido doutra onde se pode ver a nosa natureza, feita por o mestre ourensán Carlos Alvar Cerviño. Na segunda parte da sesión desprazámonos ao campo forestal que está preto da Aula para identificar e medir a especie de árbore o planta elixida.

A nosa visita nos medios de comunicación:

• Twitter
• Faro de Vigo