Blogue de admin

OBRADOIRO ECOPERCUSION

Lun, 12/12/2022 - 14:06 — admin

O alumnado de 5º e 6º de Primaria participou nun obradoiro de Ecopercusión organizado polo Servizo Municipal de Educación do Concello de A Coruña.

Primeiramente coñeceron materiais reciclados que podían ser reconvertidos en instrumentos musicais. Despois montaron unha banda para crear unha poliritmia usando patróns rítmicos de xéneros Afrocaribeños, desenvolvendo a coordinación, lateralidade, traballo en grupo e liderado. Remataron facendo unha exhibición para todo o colexio.

CARREIRA ENKI

Lun, 12/12/2022 - 12:30 — admin

O día 2 de decembro celebramos no colexio a carreira ENKI

baixo o lema "CORRE POR UN MUNDO IMPERFECTO"

Recaudamos entre todos 100 € que fixemos chegar á Fundación Abrente para o Proxecto Enki

25 de NOVEMBRO de 2022

Lun, 28/11/2022 - 01:00 — admin

Día Internacional da eliminación da Violencia contra a Muller

AS FAMILIAS VEÑEN Á ESCOLA

Ven, 18/11/2022 - 01:00 — admin

Hoxe tivemos a visita do pai de Elsa de Infantil.

Contounos como é o seu traballo como adestrador no clube Orlando Pirates de Johannesburgo en Sudáfrica co que recentemente gañou a Copa.

Puidemos facerlle moitas preguntas sobre o deporte que tanto lles gusta a algúns como é o FÚTBOL.

MAGOSTO NO CORNIDE

Xov, 17/11/2022 - 10:57 — admin

coledaseca: 2016

O 11 de novembro celebramos no centro o magosto cunha xornada chea de actividades. Neste día, celebración do san Martiño xa se sabe que... "Polo San Martiño, trompos ao camiño"! Tivemos a ocasión de asistir a un espectáculo de peonza cun campión de sona internacional que nos fixo unha chea de trucos a cada cal máis abraiante. Velaquí unha mostra visual para que vos fagades unha idea do moito que gozamos:

A continuación, o alumnado de 5º e 6º organizou un circuíto de xogos con castañas. Por fin puidemos compartir grupo alumnos e alumnas de distintos niveis e realmente foi un tempo que disfrutamos ao máximo. Noraboa aos organizadores!

PEGADAS DO NOSO

Xov, 10/11/2022 - 01:00 — admin

O 9 de novembro tivemos na biblioteca a actividade "Pegadas do noso" na que participou o alumnado de 1º, 2º, 3º e 4º de Primaria.

Unha proposta que misturou o xogo, coa divulgación cultural, a música e a narración oral, perfecto para lle achegar á rapazada máis pequena a riqueza do noso patrimonio cultural inmaterial desde os seus propios coñecementos e experiencias: a literatura oral, as festas galegas, as cántigas, os traxes, os apeiros e a mitoloxía, foron os contidos aos que se achegaron con talante curioso e xoguetón, para converterse en intrépidos/as investigadores/as do noso.

PEGADAS DO NOSO

Mér, 09/11/2022 - 01:00 — admin

O alumnado de 1º, 2º, 3º e 4º de Primaria participou na actividade "Pegadas do noso", unha proposta que mistura o xogo, coa divulgación cultural, a música e a narración oral, para achegar ao alumnado a riqueza do noso patrimonio cultural inmaterial: a literatura oral, as festas galegas, as cantigas, os traxes, os apeiros e a mitoloxía. Está enmarcada dentro do proxecto de divulgación do patrimonio galego "Xogando co patrimonio" levado a cabo por Xandobela e subvencionado pola Deputación da Coruña.