Educación física

Volve a carreira ENKI

O vindeiro 21 de outubro de 2023 volve a carreira ENKI a encher as rúas da Coruña. É unha oportunidade xenial para facer exercicio en familia xa que todo o mundo ten cabida con independenza do seu nivel ou capacidade xa que a fin é a inclusión de calqueira tipo de colectivo nun ambiente de diversión e colaboración.

Picando no enlace podedes acceder á páxina para realizar a vosa inscripción e averiguar máis sobre esta asociación.

No noso cole non nos imos manter á marxe e realizaremos unha xornada previa o día 20 de outubro de 2023, no que recrearemos esta carreira inclusiva de obstáculos coa participación de todo o alumnado e profesorado; dende os máis cativos ata os maiores. Estamos desexosos de que chegue o día!

1 adxunto

E porque non probar o tenis de mesa?

Este próximo xoves 12 de outubro no que non hai escola, o Club do Mar convídavos a probar unha xornada de tenis de mesa totalmente de balde. Tanto se xa practicastes este deporte coma senón... Animádevos a participar!

1 adxunto

RUTA CICLISTA

Mér, 28/06/2023 - 10:49 — mariamaremar

MOBILIDADE SOSTIBLE: RUTA CICLISTA

Despois de realizar varios talleres no colexio sobre mecánica de bicicleta, normas de circulación por vías urbanas e habilidade sobre rodas, o alumnado de 5º e 6º participou dunha saída pola contorna de Coruña.

Xa ben cedo pola mañá, acudiron con cadansúa bicicleta ao colexio. Aproveitamos para rodar un pouco en grupo polo patio mentres agardábamos a ansiada chegada da policía local e os membros de Protección Civil. Explicaron cal sería o percorrido e as indicacións para unha circulación segura pola cidade. Acompañámolos tres mestres e o incansable conserxe. Saímos dende o centro e atravesando cidade e carril bici chegamos ao parque dos Menhires, onde fixemos unha parada para merendar e recuperar enerxías para a volta.

A saída foi todo un éxito grazas á colaboracióń da Policía, que nos acompañou tanto en bicicleta coma nas motos, que regulaban e dirixían o tráfico nas zonas menos seguras.

E para que vos fagades unha idea do intenso que foi, velaquí unha mostra...

CAPOEIRA CORUÑA

Mar, 27/06/2023 - 23:47 — mariamaremar

GINGA!!!

6 movimentos básicos da capoeira

Que non sabedes o que é? Pois non vos preocupedes, os nenos e nenas do Cornide si!

A asociación galega de Capoeira acudiu ao centro nas sesións de EF para ensinarlles unha chea de cousas relacionadas con este deporte tan interesante e atractivo de ver: a Capoeira. Mostraron os instrumentos, aprendemos o seu nome así coma o dos pasos básicos e a súa execución; cantamos e mesmo houbo tempo de batallas! Sempre buscando o respecto e o coidado do compañeiro.

TOWERS FOOTBALL

Mar, 27/06/2023 - 22:17 — mariamaremar

TOWERS FOOTBALL

escudo towers

Seguro que máis dunha vez escoitastes falar do fútbol americano pero, ollo! Non o confundades co rugbi. Nós, non nos conformamos con ver algún vídeo senón que grazas ao programa Coñece o meu club, dentro do PVAD, tamén o practicamos.

Varios integrantes deste equipo da localidade coruñesa de Cambre acudiron ao colexio para realizar sesións de aproximación a esta modalidade deportiva. Dende 1º a 6º e cada un en base ás súas posibilidades descubriron o fútbol americano, descoñecido para moitos deles. O enfoque foi principalmente lúdico e pasámolo especialmente ben. Iso sí, levoou un pouco de tempo aprender a manexar o balón, que ten un bote imprevisible e unha forma totalmente diferente aos que temos máis práctica en manipular.

Déivovos un enlace á súa páxina por se vos picou a curiosidade e queredes saber máis deles. E non hai excusas! Tamén teñen equipo feminino!!

https://towers.football/

O ATLÁNTICO PARTE DE TI

Xov, 25/05/2023 - 12:18 — mariamaremar

O ATLÁNTICO PARTE DE TI

Un curso máis, o alumnado de 5º e 6º de EP participou no programa O Atlántico Parte de ti, organizado polas Consellerías de Deporte e Educación, e pensado para achegar o deporte da vela aos mozos e mozas desta idade.

Nesta ocasión, a actividade celebrouse na praia de Oza, grazas ao Clube Marítimo de Oza. Nada máis chegar, procederon ao reparto dos neoprenos. Foi unha experiencia para moitos que nunca tiveran a ocasión de enfundarse neste material! Así equipados, o frío da auga non nos afectaría! Os monitores divaidiron ao grupo en dúas metades: mentras un aprendía e practicaba os fundamentos básicos da vela, o outro experimentaba co windsurf. Despois, intercambiaron os postos para vivir ambas experiencias. A actitude de monitores e nenos foi totalmente de entrega, as risas e a diversión permaneceron durante toda a xornada que deixou unha pegada inesquecible. Para poñerlle o rizo ao evento, déronnos unha merenda moi especial.

HOCKEI CON GALICIA ROLLERS

Xov, 20/04/2023 - 12:27 — mariamaremar

XOGAMOS HOCKEI

E para continuar co programa Coñece o meu club, nas sesións de EF da semana do 27 ao 31 de marzo, recibimos a visita do clube de patinaxe Galicia Rollers. Esta asociación é unha apaixoada do mundo da patinaxe e ensina distintas disciplinas sobre rodas, entre elas a que nos mostraron: o hockei liña.

A patinaxe é unha forma de ocio moi saudable e asequible para todas as idades e niveles, pero a modalidade de hockei require unhas condicións especiais para as cales os nosos nenos e nenas demostraron están perfectamente capacitados.

Da man de dous entrenadores aprendemos que hai distintos tipos de patíns segundo o seu uso; cal é a equipación de xogadores e porteiros nun equipo de hockei; como aprender a manipular o stick e conducir o móbil e, todo isto, nun ambiente constante de diversión e de superación personal.

Todos, alumnos con e sen patíns, gozaron da experiencia e descubriron que a vida sobre rodas pode ser un enredo fantástico para o tempo de lecer.

Graciñas a Galicia Rollers pola súa implicación e noraboa por facer que todo o mundo se sentise a gusto.

Velaquí unha mostra do ben que o pasamos:

blogue de mariamaremar

VISITA AO GADIS: Programa ALIMENTES

Xov, 09/03/2023 - 14:11 — mariamaremar

BriefingGalego.com | Campaña Alimentes de 100×100 para Gadis

Este curso participamos no Contrato-Programa Edu Innova e, concretamente, na modalidade Edusaúde. Como parte do mesmo hoxe, 9 marzo, os alumnado de 5º e 6º de EP realizou unha visita ao Gadis de Elviña para aprender máis cousas sobre alimentación saudable despois de teren traballado coa plataforma dixital. A experiencia foi moi interesante e explicáronnos conceptos como as bases do consumo responsable, os hábitos de vida saudable e o desperdicio alimentario. Fomos pasando polas distintas seccións: peixería, carnicería, chacinería, froitaría e panadaría comprobando as opcións máis axeitadas para compoñer un prato máis saudable.

Agora só resta poñelo en práctica e tomar conciencia da importancia dunha boa alimentación para unha vida máis activa. Podedes incorporar estas ideas ás merendas do recreo.

E, se quedastes con ganas de máis, no seguinte enlace podedes aprender como organizar un calendario saudable:

https://www.gadis.es/saludable/calendario-saludable/

RECAUDACIÓN SOLIDARIA CARREIRA ENKI 2022

Ven, 20/01/2023 - 14:40 — admin

Hoxe venres 20 de xaneiro fixemos entrega, a Ángel López presidente da Fundación Abrente,do importe recaudado na Carreira Enki celebrada no noso colexio o día 2 de Decembro de 2022.