Fin de curso 2023-24
Enviado por Admin o Mér, 19/06/2024 - 14:56FIN DE CURSO
O curso rematará o venres 21 de xuño ás 15:00.
ENTREGA DE NOTAS:
A entrega de notas será o mércores 26 de xuño ás 10:00h.
PERIODO DE RECLAMACIÓNS:
O periodo de reclamacións comprenderá os días 26 e 27 de xuño.
ORDENADORES E-DIXGAL:
O alumnado que no próximo curso 2024/25 non vaia permanecer no centro nun grupo E-Dixgal deberá entregar os seus equipos en perfectas condicións e cos seus correspondentes accesorios: maletín, cargador, e, dependendo do modelo, lapis do equipo.
- Os alumnos/as de 4º ESO A e PDC o día 25 das 10:00 ás 14:00.
- Os alumnos/as de 4º ESO B o día 26 das 10:00 ás 14:00.
En cambio, o alumnado que continúe no proxecto E-Dixgal, poderá dispoñer do equipo durante o período estival.
PERIODO DE MATRÍCULA
O periodo de matrícula abarcará do mércores 26 de xuño ata o 8 de xullo, incluído.
O Son da Paula 2023-24
Enviado por Admin o Mér, 19/06/2024 - 14:40InnovaTechFP
Enviado por jcarlosgb o Lun, 17/06/2024 - 19:00
|
O pasado venres o noso equipo de InnovatechFP, co profesor Óscar Engroba en cabeza, explicou e defendeu como un dos tres finalistas do programa a súa solución ao reto proposto por FINSA. Hoxe, martes, asistimos á gala final pero faltou un pouquiño para levar o premio. Aínda así estamos orgullosos no centro da valentía demostrada ao decidir participar nun programa desta complexidade e competindo cos centros máis grandes de FP. Noraboa!
|
Coñece a nosa miniempresa: Arte Floral San Rosendo
Enviado por jcarlosgb o Lun, 17/06/2024 - 13:04Espeleoloxía
Enviado por jcarlosgb o Xov, 13/06/2024 - 10:22Nesta páxina iremos informando da organización do novo ciclo medio de Espeleoloxía, que se está tramitando para o seu inicio no vindeiro curso.
Probas prácticas de acceso ao ciclo:
Prazo para anotarse para a realización das probas: ata o día 26 de xuño
Data das probas: 15 de xullo de 2024. Lugar: IES Plurilingüe San Rosendo
-
Descrición das PROBAS DE ACCESO
-
MÓDULOS do ciclo inicial
Convocatoria dos premios extraordinarios de ESO ao rendemento académico correspondentes ao curso 2023-2024
Enviado por Admin o Ven, 07/06/2024 - 08:20Está aberto o período de presentación de solicitudes para participar nos premios extraordinarios de ESO ao rendemento académico 2023-2024 (código de procedemento ED311D) cuxa orde de convocatoria foi publicada no DOG o pasado 6 de xuño. O prazo de presentación de solicitudes será dun mes e rematará o 8 de xullo e poderá facelo todo o alumnado que cumpra as condicións para presentarse (ter unha nota media na ESO igual ou superior a 9 puntos).
a) A forma máis aconsellable de cubrir as solicitudes é mediante o emprego da aplicación Premios Edu, deseñada para facilitar este procedemento. Unha vez cuberta, a aplicación permite tanto a presentación da solicitude na sede electrónica a través dun enlace directo, como a presentación presencial (por exemplo, nun rexistro) imprimindo o Anexo I cos datos introducidos.
b) Posto que na meirande parte dos casos o alumnado é menor de idade non emancipado, nas solicitudes debe constar como representante un dos seus pais, nais ou titores/as legais, que ademais asinará as solicitudes.
![IES Plurilingüe San Rosendo RSS Distribuir contido](/centros/iessanrosendo/misc/feed.png)