Información e saídas profesionais

Xornada de acollemento para as probas libres do Ciclo Superior de Xestión Forestal e do Medio Natural

 

A xornada de acollemento* para as probas libres do Ciclo Superior de Xestión Forestal e do Medio Natural, terá lugar no IES Plurilingüe San Rosendo o 29 de xuño de 2020 ás 9:15 horas.


* A non participación, sen xustificación, na xornada de acollemento ou en calquera das partes en que se organiza a proba de cada módulo profesional supón a baixa de oficio da totalidade da matrícula.

Convocadas axudas económicas para o alumnado que realiza formación práctica en centros de traballo ou FP dual

Orde do 2 de xuño de 2020 pola que se convocan axudas económicas para o alumnado que realiza formación práctica en centros de traballo ou FP dual.

Convócanse dous períodos de presentación de solicitudes:

1. O primeiro prazo, trinta e un (31) días naturais contados a partir do día seguinte ao da publicación desta orde no Diario Oficial de Galicia, para o alumnado que realizase a FCT nos períodos outubro 2019-marzo 2020 e nos períodos xaneiro-xuño, xaneiro-marzo e abril-xuño de 2020.

2. O segundo prazo será o comprendido entre o 14 de outubro e o 14 de novembro de 2020, para o alumnado de ciclos formativos que lle corresponda realizar a FCT no período de setembro-decembro de 2020.
 

Acreditación de competencias. Convocatoria 2020

Publicada a Orde do 29 de novembro de 2019 pola que se convoca o proceso de acreditación de competencias profesionais adquiridas a través da experiencia laboral, na Comunidade Autónoma de Galicia, en determinadas unidades de competencia do Catálogo nacional de cualificacións profesionais (código de procedemento ED517B).

Entre as unidades de competencia obxecto de acreditación están varias pertencentes ao ciclo formativo Aproveitamento e conservación do medio natural.

Importante

  • A solicitude de participación no procedemento deberá presentarase obrigatoriamente por vía electrónica na sede electrónica da Xunta de Galicia (https://sede.xunta.gale requirirá cubrir previamente os datos na aplicación informática que se atopa no enderezo www.edu.xunta.es/acreditacion, desde onde deberá xerarse o formulario normalizado. Esta aplicación está activa a partir do 13 de xaneiro de 2020.
  • Os datos relacionados coa documentación xustificativa do historial profesional e/ou formativo e dos requisitos de participación no procedemento deberán cargarse na devandita aplicación informática.
  • O prazo de presentación de solicitudes será desde o 13 de xaneiro ata o 7 de febreiro de 2020.
  • Só serán aceptadas as solicitudes que sexan entregadas por sede electrónica.

Máis información sobre o proceso de acreditación de competencias profesionais


Este é o enlace onde consultar toda a información: https://www.edu.xunta.gal/portal/node/29807

Premiados proxectos empresariais dos alumnos de Ciclos Formativos do IES San Rosendo

A Consellería de Educación, Universidade e Formación Profesional fixo entrega dos premios do concurso Lanzadeiras!, enmarcado no programa Eduemprende, que durante o presente curso involucrou a 1.442 alumnos e 171 profesores de doce centros educativos de secundaria da provincia de Lugo.

O terceiro premio foi para os alumnos do IES San Rosendo de Mondoñedo de primeiro curso do ciclo formativo de grao medio de Xardinaría e Floraría e do ciclo formativo de grao superior de Xestión Forestal e do Medio Natural, cunha miniempresa dedicada á venda de plantas aromáticas, de produtos obtidos delas con fins biosaudables, culinarios ou cosméticos, e de fragrancias e fitosanitarios.

 

 

A Xunta dota ao IES Plurilingüe San Rosendo de Mondoñedo dun simulador forestal para as ensinanzas da FP de Agraria


Os conselleiros de Educación, Universidade e Formación Profesional, Carmen Pomar; e de Economía, Emprego e Industria, Francisco Conde, visitaron o venres 1 de febreiro o IES Plurilingüe San Rosendo, en Mondoñedo, onde puideron comprobar o funcionamento do simulador forestal co que estes departamentos veñen de dotar o centro. Este equipamento, dirixido ás ensinanzas de FP da familia profesional de Agraria, contribúe a mellorar a cualificación do alumnado, de tal forma que os titulados conten cunha cualificación que responda ás necesidades do sector agroforestal.

O alumnado do IES San Rosendo participa no Galicia Skills 2018

 

 

 

 

 

  • Por parte do IES San Rosendo Cristina Ares Rivas (asesorada pola súa titora Mª Ángeles Camino) participará na competición de Florería e Diego Miguel Barbosa Oliveira e Adrián Leivas Cornide (preparados polo seu titor Fernado Iglesias) na de Xardinaría Paisaxística.

 

 

Inicio do curso (Ciclos Formativos de Formación Profesional)

O lúns 17 de setembro ás 12:30 horas terá lugar nas instalacións da Granxa a presentación dos Ciclos Formativos de FP (Xardinería, Dual e Superior)

 

          MATRÍCULATE

 

 

Ciclo medio APROVEITAMENTO E CONSERVACIÓN DO MEDIO NATURAL

  • PRÁCTICAS REMUNERADAS (en 1º e 2º curso)

  • ALTA NA SEGURIDADE SOCIAL

  • Convenio coa Asociación Provincial de Empresarios de la Primera Transformación de la Madera de Lugo.

 

Ciclo básico AGROXARDINARÍA E COMPOSICIÓNS FLORAIS

Ciclo medio XARDINARÍA E FLORARÍA

Ciclo superior XESTIÓN FORESTAL E DO MEDIO NATURAL

Distribuir contido