Rosalía, un ano máis e sempre abrindo como unha rosa, agasallando a súa palabra viva, fértil, actual. Este ano buscámonos nela nos, as mulleres, o universo que somos, e demos coa súa comprensión, coa súa complicidade, coa súa rebeldía. Así quixemos celebrar no IES San Rosendo a Rosalía, como mellor sabemos, lendo a súa obra, sentindo a súa poesía

http://www.cronica3.com/2019/02/o-ies-san-rosendo-celebra-a-rosalia/

O programa Proxecto Neo adica o seu programa 227 ao encontro Mondoñedo é Poesía. Inicialmente, entrevista a Xulio Rodríguez Leiras, que fixo de cronista do encontro e que nos leva da man polas rúas e prazas mindonienses e nos presenta as actividades realizadas en cada unha das paradas. Na parte central do programa conversa con tres poetas que son ou foron alumnos e alumnas do IES San Rosendo: Chema Merino, Iria Rivas e Carmen Pavón. Coas palabras de Antonio Reigosa, Cronista Oficial de Mondoñedo, despídese esta entrega de Proxecto Neo.

Proxecto Neo é o resultado da colaboración entre Radio Burela e a área de Innovación Educativa do Instituto Perdouro. Está en antena todos os mércores entre as 5 e as 6 da tarde en Radio Burela.