Plan de actividades

No IES Porto do Son celebramos o DÍA DAS LETRAS DALEGAS 2024 dedicado a LUÍSA VILLALTA por todo o alto.

Levamos a cabo moitas actividades ao longo do mes de maio para poñer en valor o súa gran obra e o seu legado. Realizamos varias exposicións de carteis con mostra da biografía, das obras e da poesía da autora; desfrutamos dun recital poético da man do alumnado e do profesorado; proxectamos nos recreos na entrada do centro varios vídeosclips creados sobre poemas de Villalta; proxectamos documentais e realizamos actividades nas aulas; contamos cun obradoiro de baile tradicional; gozamos coa música e o baile galegos nos recreos. Ademais enchemos o mes das nosas letras cos poemas de Luísa Villalta e do noso alumnado a través do certame poético “Haikus, palavras ingrávidas para un almanaque”.

Consulta aquí as bases do certame literario:

https://etikeles.wordpress.com/

Máis fotos AQUÍ

“Santo Isidro Labrador quita a auga e pon o sol”, hoxe comezaron os, xa tradicionais, traballos de posta en marcha da horta do IES, nesta ocasión contamos coa axuda do alumnado do Obradoiro de Emprego Tahume IX, dos concellos de Porto do Son e Ribeira, que viñeron adecentar o terreo e a aprendernos as procesos que hai que seguir para que a horta dea unha boa colleita! Agradecemos a súa axuda e esperamos poder seguir contando con eles!!

O luns 13 de Maio, o alumnado de Relixión do noso IES, participou nunha saída para profundizar no coñecemento do patrimonio relixioso do Concello de Porto do Son.

Ao largo da mañá puideron visitar:

A IGREXA DE MIÑORTOS

A IGREXA DE PORTOSÍN CAPELA DE SAN CAETÁN

A IGREXA DE NEBRA

A IGREXA DE SAN VICENTE DE NOAL

A IGREXA DE BAROÑA

A IGREXA DE QUEIRUGA

A IGREXA DE CAAMAÑO

A IGREXA DE XUÑO

A IGREXA DE SAN PEDRO DE MURO

Ao mediodía disfrutaron dunha comida no camping “A CASCADA” e grazas a unha tregua que lles dou a choiva tamén puideron aproveitar as súas instalacións.

Máis fotos AQUÍ 

O alumnado de 1º de ESO estivo do 5 ao 11 de maio nun campamento de inmersión lingüística activa en inglés en Mondariz-Balneario. Alí os alumnos disfrutaron dunha semana de actividades lectivas, deportivas e lúdicas, compartidas con 6 centros máis doutros lugares de Galicia.

MÁIS FOTOS AQUÍ

O mes de maio convidamos o escritor Manuel Núñez Singala ao IES de Porto do Son para manter dous encontros: Un co alumnado de 1º de Bacharelato e outro co de 2º da ESO. Agradecemos a súa presenza no noso centro e a colaboración da Editorial Galaxia.

No primeiro encontro Manuel Núñez Singala conversou co alumnado de 1º de Bacharelato sobre a súa novela Camiños na auga.

No segundo encontro, co alumnado de 2º de ESO, o escritor falou sobre a súa obra dramática O achado do castro.

Foi un privilexio para nós poder achegarlles a obra de Singala aos nosos estudantes da man do propio autor.