VIAXE Á NEVE 2011
Estimados pais/nais:
Os departamentos de Educación Física e Ciclo Formativo de Conducción de Actividades Físicas e Deportivas no Medio Natural do IES Porto do Son, dentro da súa oferta de actividades extraescolares para o presente curso propoñen para os alumnos da ESO e do Ciclo Formativo, unha SEMANA BRANCA (viaxe á neve). Temos como obxectivo que os alumnos/as que acudan por primeira vez, coñezan e practiquen o deporte do esquí convivindo nun espacio natural, a alta montaña, diferente ao habitual no seu lugar de residencia.
Está previsto que esta actividade se desenvolva durante o mes de febreiro(salvo causa xustificada), por ser o período que menos interfire nos estudios.
O curso de esquí realizarase en Andorra, xa que reúne unhas condicións inmellorables para a práctica e aprendizaxe deste deporte. A estación de esquí non está aínda decidida xa que estamos a estudiar as diferentes ofertas das axencias con fin de obter a mellor relación calidade- prezo.
O importe aproximado da viaxe(unha semana de duración) , calculamos oscilará sobre os 450 € , sendo este un prezo moi interesante xa que inclúe:
-
- Viaxe de ida e volta en autobús.
-
- Estancia en hotel de 2 ou 3 estrelas en réxime de pensión completa.
-
- Aluguer completo do material de esquí (esquís, botas, bastóns e remontes).
-
- Curso de esquí con monitores especializados.
-
- Póliza de seguros.
Dito importe poderá pagarse en varios prazos para maior comodidade e evitar ter que facer todo o desembolso dun golpe. Así mesmo, poñeremos a disposición dos alumnos/as que o desexen, a oportunidade de vender rifas, camisetas, productos navideños, etc…para que poidan autofinanciarse.
Estes prezos só se poden manter ou mesmo rebaixarse se o grupo ten un mínimo de participantes que calculamos sobre 40 persoas.
- APIs de Blogue