Eventos

Ante a necesidade de abordar unha educación sen estereotipos de xénero, a Consellería de Educación e a de Promoción do Emprego e Igualdade, creou o programa formativo “Que non te líen, ti elixes” para tratar de eliminar a baixa representación feminina nos sectores laborais da construción, a madeira, o TIC, o metal e o mar de Galicia. Todos eles sectores con dificultades para alcanzar a igualdade laboral entre mulleres e homes.

Deste xeito, durante a mañá do martes 16 de abril, o noso alumnado de 3º e 4º de ESO puido asistir a esta charla no Salón de Actos.

O 12 de abril tivo lugar o CAMPIONATO PROVINCIAL de CROS no Loreto no que resultou gañadora a nosa alumna de 3ºC Carmen Paz Santamaría.

Os nosos parabéns!

Tramo de 30 km dos 50km que ten a ruta

Durante a mañá do martes 23 de abril, 7 alumnos de 3º de ESO participaron na actividade “Olimpiada Xeográfica Junior de Galicia” organizada pola AGE (Asociación de Geógrafos Españoles)-Delegación de Galicia, na Facultade de Xeografía e Historia de Santiago.

Os nosos parabéns a Izan de 3ºA, Uxia, Andrea, Raquel e Sabela de 3º B, Mateo e Ryan de 3º C, que conseguiron o 1º e 2º premio!

O 24 de abril tivo lugar a fase provincial da proba de Deporte Escolar, modalidade Orientación no Campamento Virxe do Loreto, de Porto do Son. Participou na actividade o alumnado de 2º de ESO e 2 alumnos de 4º de ESO, clasificados na fase previa.

Desta volta, quedaron clasificados: Carmen Paz (1ª clasificada), Aldara Fernández (2ª clasificada) e Anxo Fernández (3º clasificado). Parabéns!

Durante a mañá do 24 de Abril, o alumnado de 3º de ESO asistiu a uns Obradoiros onde se traballou todo o referido á igualdade de xénero.

O 25 de abril, o alumnado de 1º de Bacharelato, participou nun obradoiro de BENESTAR EMOCIONAL impartido por QUÉROTE+, onde se falou de todo o relacionado coa xestión emocional.

O alumnado de 1ºCM organiza unha carreira de orientación no parque periurbano de San Roque en ribeira para o alumnado de 1º de bacharelato do Ies de Porto do Son

O mes de maio convidamos o escritor Manuel Núñez Singala ao IES de Porto do Son para manter dous encontros: Un co alumnado de 1º de Bacharelato e outro co de 2º da ESO. Agradecemos a súa presenza no noso centro e a colaboración da Editorial Galaxia.

No primeiro encontro Manuel Núñez Singala conversou co alumnado de 1º de Bacharelato sobre a súa novela Camiños na auga.

No segundo encontro, co alumnado de 2º de ESO, o escritor falou sobre a súa obra dramática O achado do castro.

Foi un privilexio para nós poder achegarlles a obra de Singala aos nosos estudantes da man do propio autor.

O 3 de maio, o alumnado de FOL do 1º curso do ciclo, tivo unha charla de riscos laborais en materia de prevención e protección nas actividades relacionadas co turismo activo,  impartida por Mª Jesús Copa Arias do ISSGA (Instituto de Seguridade e Saúde de Galicia)

Esta semana o alumnado de 1º de bacharelato fixo unha saída de 3 días a Ribadesella para facer deportes de aventura e coñecer a contorna.

O martes 9 comezaron cunha actividade de paintball.

O segundo día, pasaron a mañá nun parque de aventura e pola tarde disfrutaron duns xogos tradicionais.

 O xoves, na última xornada remataron co descenso do Sella.

Máis fotos AQUÍ

A través dunha serie de deportes que se programan para levar a cabo co alumnado de ESO, as persoas con discapacidade, xunto coas persoas profesionais de Misela, organizan actividades para practicar deportes inclusivos (badminton, baloncesto, tiros a portería e circuitos de psicomotricidade). Esta semana, acudiron ao noso IES e compartiron esta experiencia co noso alumnado de 2º de ESO.

Con esta actividade, trátase de favorecer a inclusión a través da práctica deportiva que contribúe a que o alumnado participante comprenda que as diferenzas son unha parte da vida.

O alumnado de 1º de ESO estivo do 5 ao 11 de maio nun campamento de inmersión lingüística activa en inglés en Mondariz-Balneario. Alí os alumnos disfrutaron dunha semana de actividades lectivas, deportivas e lúdicas, compartidas con 6 centros máis doutros lugares de Galicia.

MÁIS FOTOS AQUÍ

O alumnado de 1º de ESO estivo do 5 ao 11 de maio nun campamento de inmersión lingüística activa en inglés en Mondariz-Balneario.