No día de hoxe,  os rapaces e rapazas de 1º da ESO estiveron, seguramente disfrutando e pasando un pouco de medo tamén, nunha actividade do departamento de E. Física no Ecoparque de Marín. Quen sabe se algún deles convertirase no novo Indiana Jones...

Coa chegada do bo tempo comezan as saídas do Departamento de Educación Física. A primeira será este venres, día 25 de marzo, cos grupos de 3º ESO.

No entorno do Lago Castiñeiras, o alumnado, dividido en pequenos grupos  provistos dun mapa, realizará un percorrido onde terá que atopar as diferentes pistas marcadas nel. Gañará o grupo que complete a ruta no menor tempo posible, habendo localizado todas as sinais.

Duración da actividade: desde as 9,00 ata as 14,30.

O Equipo de Dinamización da Lingua Galega do IES Audiovisual de Vigo, en colaboración coa Cordinadora Galega de ENDL (CGENDL), presenta a actividade “A Semana das Curtas”, un proxecto de fomento do uso da lingua galega para o curso 2010-2011 dirixido aos centros escolares, en especial aos Equipos de Dinamización da Lingua Galega e ao alumnado de ensino secundario.

A actividade consiste na proxección dun ciclo de curtametraxes galegas en lingua galega que se presentarán como un festival dunha semana estruturado en sesións temáticas de aproximadamente 1 hora de duración cada unha. Cada sesión temática consta de 3 curtas, 1 videoclip dun grupo musical que cante en galego e unha breve peza documental de eufalo.tv, un proxecto colaborativo sobre a lingua e os falantes.

Ao mesmo tempo, habilitouse un espazo web (http://www.semanacurta.com/index.htm) e un blogue(http://semanacurta.wordpress.com) para que o potencial público das curtas poida opinar sobre as distintas pezas.

No noso centro, a actividade terá lugar os días  1, 2  e 3  de marzo  nos seguintes niveis:

1. Martes 1, 1º Bacharelato de 13,40 ás 14,30
2. Martes 1, 2º ESO de 17,20 á 18,10,
3. Mércores 2,  4º ESO de 13,40 ás 14,30
4. Xoves 3 , 3º ESO de 13,40 ás 14,30

O próximo venres 25 de febreiro, o alumnado de 4º ESO B e C e  2º ESO A terá a oportunidade de visitar a prestixiosa Colección Zanchi no Centro Cultural Caixanova.

Unha boa oportunidade de coñecer algunhas obras maestras da pintura realizadas por artistas da talla de Miguel Angel, Caravaggio ou Tiziano. Despois, percorrerán o Museo do Mar de Vigo nunha visita guiada.

Horario da saída: das 9,00 ás 14,20 aproximadamente.

Aquí deixamos as cartas seleccionadas entre os grupos de 1º e 2º ESO. Pertecen a:

• Roi Martínez, 1º premio 1º ESO
• Candelaria Alasino, 2º premio 1º ESO
• Catarina Vidal, 1º premio 2º ESO
• Yaiza Ledo, 2º premio 2º ESO