Durante o mes de novembro desenvolveuse un taller sobre novas masculinidades nas aulas de plástica de 3º da ESO. O resultado deste traballo foron unhas viñetas nas que a rapazada explicitaba a súa idea sobre os homes do futuro, como os ven, como esperan e desexan que se comporten.
Do taller saíron un bo número de viñetas interesantes. Logo, un xurado, constituído por un grupo de profesorado e de rapazada membros do Comando Igualdade e Diversidade do centro, encargáronse de elixir as dúas gañadoras. Con elas estamparanse chapas, bolsas... Pronto vos amosaremos o resultado!!
Estamos moi contentas de que a Deputación de Pontevedra nos tivese en conta para desenvolver este proxecto, único na redonda, porque resultou ser moi proveitoso para os estudantes.