CHARLA DA GARDA CIVIL PARA AS FAMILIAS

 

Esta semana e a pasada estiveronse desenvolvendo no noso Centro charlas da Garda Civil aos distintos grupos de alumnado, 1º e 2º ESO (internet e redes sociais), 3º-4º ESO e 1º BAC (acoso e ciberacoso, prevención de drogodependencias).

Para rematar coa implementación do "Plan director para a convivencia e mellora da seguridade nos centros educativos e os seus entornos" no IES Moncho Valcarce, imos ter unha charla para as familias do alumnado

Data: LUNS, 27 DE NOVEMBRO DE 2017

Hora: 18.00h.

Lugar: SALÓN DE ACTOS

IMPRESO CONFIRMACIÓN ASISTENCIA Á CHARLA

 

EN NEGRO CONTRA AS VIOLENCIAS

O IES Moncho Varcarce adheriuse á "Campaña en negro contra as violencias"  e o venres, 24, viremos tod@s vestid@s de negro. Esta é unha das actividades que imos realizar para conmemorar o "Día contra a violencia de xénero"

Tamén proxectaremos a curtametraxe gañadora do concurso da Deputación do 2017 "O túnel" 

E para rematar elaboraremos un mural coas viñetas, debuxos e lemas alusivos á violencia de xénero que se presenten ao concurso da Biblioteca  e que se colocará na entrada do instituto.

 

Preme para visionala curtametraxe.

Horarios da visualiciación da curtametraxe.

 

VISITA AO INIBIC

 

O mércores 15 de novembro do 2017, o alumnado de segundo curso de ciclo superior de laboratorio de Análise e control de Calidade do módulo Ensaios Biotecnolóxicos, acudiron ao Instituto de Investigaciones Biomédicas, para visitar a plataforma de Genómica, a plataforma de Proteómica e o Biobanco. Na plataforma de Genómica e Proteómica o alumnado observou un gran número de técnicas básicas de bioloxía molecular(entre as que podemos destacar o illamento purificación e cuantificación de ácidos nucleicos), técnicas da PCR, a secuenciación automática de ADN, separación de proteínas por electroforese bidimensional, a identificación de proteínas mediante cromatografía líquida ou HPLC. No biobanco observaron o almacenamento de mostras humanas para o desenvolvemento de diferentes investigacións sobre o cancro, as enfermidades infecciosas, estudios epidemiolóxicos...

 

15 DE NOVEMBRO: DIA MUNDIAL SIN ALCOL

 O alumnado de 3º e 4º ESO do noso instituto está inmerso nun obradoiro de prevención do alcolismo que imparte un técnico da Asociación ADIANTE de As Pontes.

O 15 de novembro é o  "Día mundial sen alcol" e para conmemoralo  o venres, 17 de novembro, ás 20.30h. haberá unha obra de teatro no auditorio Alovi. "Eu non estou bébedo"

LUNS, 13 DE NOVEMBRO, CONTACONTOS EN FRANCÉS

 

O alumnado de Francés de 3 e 4 ESO asistiron a unha sesión de contacontos. O encargado do mesmo foi Samuel Mountoumnjou, nacido no oeste de Camerún, nunha aldea onde as tradicións orais seguen vivas. 

E profesor de idiomas e mediador intercultural. O seu amplo e variado repertorio está constituido esencialmente de contos, lendas,parábolas e mitos africanos. Consegue así transmitirnos o espíritu da Africa Negra.

Ademais esas narracións son un armonioso cóctel de palabras, ritmo e humor para divertir e potenciar alguns valores humanos como a solidaridade, a convivencia, a tolerancia, a honestidade ou a igualdade de xénero, entre outros.

A ARTE NO CÓMIC

 

 

“O día 10 de novembro os alumnos de 1º da eso fomos de visita ao museo fundación de A Coruña a ver a exposición o arte no cómic! Pasámolo moi ben! Primeiro unha guía explicounos na exposición cousas sobre algúns pintores que nos pareceron interesantes, nós tamén falamos de cadros que coñecemos e nos gustan, a guía aprendeu connosco. Logo fomos a un taller a debuxar un cómic en grupo, algo que foi moi interesante pero tamén moi complicado porque estábamos en grupo e tíñamos que decidir entre todos!
Gustounos pasar a mañá xuntos e xogar no parque!”

 Exposición "El arte en el cómic"

 

VISITA AO PARQUE ARQUEOLÓXICO DA CULTURA CASTREXA

 

O xoves, 9 de novembro de 2017, o alumnado colaborador de Dinamización da Lingua galega foi ao Parque arqueolóxico da cultura castrexa lánsbrica. Asistiron alumnos de distintos niveis, dende 1º ESO ata 1º BAC. A continuación podes saber máis polo miúdo da visita cultural se premes na imaxe.

MAGOSTO-SAMAÍN-HALLOWEEN

 

PROGRAMA DE ACTIVIDADES 

Concurso de postres de HALLOWEEN:Parabéns  gañadoras/es e grazas por participara a tod@s!!!

  

 

HOMENAXE A ENCARNA RIVERA CASCUDO

 

Hoxe, venres, ás 12.15 h. a Comunidade Educativa do IES Moncho Valcarce gardou un minuto de silencio en memoria da  profesora de francés no curso 2016-2017, Encarna Rivera Cascudo. As nosas condolencias para toda a súa familia e amigos. 

Distribuir contido