CONVIVIUM

 

O día 20 de decembro o alumnado de Latín e Grego dos IES Moncho Valcarce e do Castro da Uz reuníronse para celebrar un "convivium" (comilona estilo romano) seguindo as indicacións de Apicio, "Chef" romano do século I, quen nos deixou o único libro de receitas da cociña romana da Antigüedade do que temos noticias.

 

OBRADOIRO DE CINE

 

Este martes 19 de decembro o alumnado de 4º ESO de Educación Plástica e de 1º BACH de Debuxo Artístico , participaron na  actividade “O cine á aula”  programada polo concello de As Pontes. Recibiron  a visita de Manolo Gómez, produtor  e director dos filmes “ O bosque animado”, “Soño dunha noite de San Xoán”  e  “Espírito do bosque” , e de Suso Cubeiro, ilustrador e deseñador. A través de varios documentais, foron explicando  os diferentes procesos para facer unha longametraxe de animación dixital,  dende a idea inicial ata a súa comercialización.

VISITA Á CENTRAL TÉRMICA DE ENDESA E AO LAGO

 

O 13 de decembro de 2017 o alumnado de tecnoloxía de 1º de BAC fixo unha visita á Central Térmica de Endesa de As Pontes para coñecer "in situ" o seu funcionamento. É unha actividade complementaria desta materia xa que ao longo deste trimestre traballaron o funcionamento das centrais térmicas. Para rematar visitaron o lago.

VISITA AO LABORATORIO DE ENDESA DO ALUMNADO DO CICLO DE LABORATORIO

21-12-2017

Actividade complementaria do módulo de "Ensaios físicos":  Descrición dos tipos de ensaios  físicos  máis frecuentes que se realizan nunha central térmica.  Observación e funcionamento dos equipamentos  empregados nos ensaios destrutivos  e na análise metalográfica. Descrición  e realización “in situ” de ensaios non destrutivos.

OBXECTIVOS: Achegar ao alumnado á realidade dun laboratorio industrial de referencia.  Complementar  e actualizar a formación impartida na aula mediante o coñecemento de equipamentos e técnicas de última xeración.  Desenvolver habilidades e destrezas na recollida de información e  na realización de informes.

CONCLUSIÓNS: A visita desenvolveuse con total normalidade e puntualidade e seguindo as pautas preestablecidas . O persoal de ENDESA atendeunos con gran amabilidade,  explicando e respondendo,  en todo momento,  ás cuestións formuladas polo alumnado con gran interese e detalle.  Os alumnos seguiron con gran interese e participación, recollendo  a información aportada para a elaboración do informe posterior.

 

ENQUISA SEGURIDADE INFORMÁTICA

 

O alumnado de TIC II van a facer un  traballo de investigación sobre seguridade informática no IES Moncho Valcarce e para elo van realizar unha enquisa ao alumnado de secendaria.

 

 A continuación tede.s unha guia de PRIVACIDAD Y SEGURIDAD EN INTERNET

VISITA A FUNDACIÓN ABANCA E ROTEIRO POLAS MENINAS DE CANIDO

 

O día 30 de novembro o alumnado de 3º de ESO pasou una mañá moi artística en Ferrol, visitando a exposición Sonoro Empeño en A Fundación e  os murais das Meninas no barrio de Canido.

Na exposición coñecemos  a relación entre as artes plásticas e a música, e como se poden asociar  estilos musicais e pictóricos. Ademais  creamos a nosa propia obra.

A visita a Canido  estivo algo pasada por auga, pero iso non nos impediu descubrir un barrio que encheu de arte as súas fachadas interpretando o famoso cadro de Velázquez.  Había moitos murais,  e todos de estilos moi diferentes. Algún incluso  cobraba vida gracias a una aplicación de móbil.

 

Foi divertido dar una clase de arte así, e pasar a mañá en grupo, paseando por Ferrol!!!

 

RECICLADO DE PLÁSTICOS

 

Reciclado de pláticos realizado polo alumnado de 3º de ESO en Tecnoloxía

 

CHARLA DA GARDA CIVIL PARA AS FAMILIAS

 

Esta semana e a pasada estiveronse desenvolvendo no noso Centro charlas da Garda Civil aos distintos grupos de alumnado, 1º e 2º ESO (internet e redes sociais), 3º-4º ESO e 1º BAC (acoso e ciberacoso, prevención de drogodependencias).

Para rematar coa implementación do "Plan director para a convivencia e mellora da seguridade nos centros educativos e os seus entornos" no IES Moncho Valcarce, imos ter unha charla para as familias do alumnado

Data: LUNS, 27 DE NOVEMBRO DE 2017

Hora: 18.00h.

Lugar: SALÓN DE ACTOS

IMPRESO CONFIRMACIÓN ASISTENCIA Á CHARLA

 

EN NEGRO CONTRA AS VIOLENCIAS

O IES Moncho Varcarce adheriuse á "Campaña en negro contra as violencias"  e o venres, 24, viremos tod@s vestid@s de negro. Esta é unha das actividades que imos realizar para conmemorar o "Día contra a violencia de xénero"

Tamén proxectaremos a curtametraxe gañadora do concurso da Deputación do 2017 "O túnel" 

E para rematar elaboraremos un mural coas viñetas, debuxos e lemas alusivos á violencia de xénero que se presenten ao concurso da Biblioteca  e que se colocará na entrada do instituto.

 

Preme para visionala curtametraxe.

Horarios da visualiciación da curtametraxe.

 

VISITA AO INIBIC

 

O mércores 15 de novembro do 2017, o alumnado de segundo curso de ciclo superior de laboratorio de Análise e control de Calidade do módulo Ensaios Biotecnolóxicos, acudiron ao Instituto de Investigaciones Biomédicas, para visitar a plataforma de Genómica, a plataforma de Proteómica e o Biobanco. Na plataforma de Genómica e Proteómica o alumnado observou un gran número de técnicas básicas de bioloxía molecular(entre as que podemos destacar o illamento purificación e cuantificación de ácidos nucleicos), técnicas da PCR, a secuenciación automática de ADN, separación de proteínas por electroforese bidimensional, a identificación de proteínas mediante cromatografía líquida ou HPLC. No biobanco observaron o almacenamento de mostras humanas para o desenvolvemento de diferentes investigacións sobre o cancro, as enfermidades infecciosas, estudios epidemiolóxicos...

 

15 DE NOVEMBRO: DIA MUNDIAL SIN ALCOL

 O alumnado de 3º e 4º ESO do noso instituto está inmerso nun obradoiro de prevención do alcolismo que imparte un técnico da Asociación ADIANTE de As Pontes.

O 15 de novembro é o  "Día mundial sen alcol" e para conmemoralo  o venres, 17 de novembro, ás 20.30h. haberá unha obra de teatro no auditorio Alovi. "Eu non estou bébedo"

Distribuir contido